姚子羚變身邦女郎
最近,有消息指三十四歲嘅姚子羚,成功mark實揸過億物業,家族有過百部的士嘅鄭子邦。其實,之前鄭子邦都畀記者影到佢同文詠珊(Janice Man)食飯,對住鄭子邦熱情如火嘅JM,仲當眾好大力咁捽對方塊面。女神JM都起痰,就知鄭子邦有幾筍盤啦!
早前,有報道指三十四歲嘅姚子羚,已mark實揸過億物業嘅鄭子邦。
鄭子邦不單止年輕有為,仲有一顆佛心,經常到佛堂做義工,難怪有咁多女like佢。
東姑一直都有留意開丁子高個社交網站,而好鍾意跑步嘅佢,成日都約埋老友鬼鬼嘅鄭子邦跑步、食飯,仲有拉頭馬添。查實,鄭子邦唔止有米,仲好鍾意拖埋一班明星好友去做慈事,得閒派吓飯盒,又去佛寺打掃,佢嘅善心真係值得嘉獎;而佢有善心唔在講,性格又風趣幽默,優點多到數唔晒。至於,姚子羚可唔可以由「邦女郎」晉身成為「邦嫂」呢?咁就要大家放長雙眼(目及)實喇!