葉文輝冷對 「出軌」照信晒老婆
電台DJ兼歌手葉文輝（啤梨）和太太Michelle下月便結婚一周年，婚後二人一直恩愛，但前晚有讀者「圖文並茂」爆料，提供其妻被一男子攬着的頭貼頭合照，惹「出軌」疑雲！
唔熟嘅同學
昨日啤梨受訪時坦言「收到風」，因有同事傳了同樣的圖文給他，他即時向太太了解，結果是：「個男仔係太太喺加拿大唔熟嘅同學，張相係三年前佢哋喺港鐵撞到時影嘅。」問到可有懷疑過太太？他自信十足的說：「冇懷疑，好放心！」又暗示如果男方樣貌似吳尊，他或者會擔心。
有人諗多咗
啤梨更聽聞太太這位男同學疑跟女友有感情問題，故男同學身邊不少女性朋友都受到騷擾，太太就是「受害者」之一，啤梨說：「如果真係咁，我同情嗰個女仔，我勸騷擾人嗰位唔好諗多咗。」為力證跟太太情不變，他更提供了多張日前兩公婆到澳洲度假的相片，問可有在旅程中乘機造人？他指太太很喜歡小朋友，生BB順其自然。