【明報專訊】平時不煙不酒，係咪真係會健康啲呢？立法會議員顏汶羽噚日去咗聯合醫院嘅觀塘地區康健站，做完健康檢查後，個結果竟然係「紅噹噹」唔合格，原來佢嘅體重指標（BMI）屬於肥胖，佢仲引述啲職員話佢極少運動同埋唔健康。顏汶羽話肥胖會增加患上慢性疾病嘅風險，所以計劃搵時間做番多啲運動減肥。
佢提到，康健站𠵱家推廣緊「慢性疾病共同治理先導計劃」，不過全港得大約1.7萬人參加，認為要提升市民嘅健康水平，係需要社會重視預防、及早發現同埋治療嘅意識，所以建議將「計劃」擴展到老人科、婦科、兒科同學童保健服務，讓社會各年齡層都有「預防勝於治療」嘅風氣，並透過醫社合作，紓緩公營醫療體系壓力，縮短診症輪候時間。