方中信打定底上《美女廚房》

方中信、唐文龍和李璨琛前晚為《美女廚房》擔任嘉賓，方中信自言已看過幾集，覺得十分恐怖，所以錄影前特地先食飯打底，以免嘔得辛苦。

方中信應主持蕭正楠邀請亮相節目，他笑言在場見到保安手執滅火筒，錄影廠又有急救箱，才「醒覺」有機會遇上危險︰「好彩我嚟之前食定雙餸飯同例湯打底，嘔都應該唔會嘔得好勁。蕭正楠話有人識煮嘢，但機會都好微。」自認廚藝頗不俗的他，笑言可過兩招給女嘉賓︰「最好教到有男友嘅女嘉賓，可以煮畀男友食，無男朋友嘅咪用嚟識男仔囉！」

同場的蕭正楠今次親自邀請方中信等人做嘉賓，問他何時安排女友黃翠如上節目？他笑說︰「翠如係我嘅終極武器，等我請到我最憎嘅男嘉賓，我就會安排翠如上嚟，煮嘢畀佢哋食。」他表示與拍檔林盛斌已出盡力請嘉賓︰「見到黎耀祥拍完內地劇返嚟，我都邀請咗佢，佢扭計話要人陪，阿廉（曹永廉）都話想再上嚟。」

撰文︰Pauline

編輯︰李潔盈

美術︰梁政敏