呢位地獄使者之一嘅「江林隊長」，究竟係何方神聖？而家即刻同我現真身！
登入 瀏覽本網站，可獲取積分換領專屬優惠
點擊查看專屬優惠
我爸是演員
河正宇，其實係藝名，佢真名叫金聖勳，老爸係資深演員金容健，以拍劇為主，例如《主君的太陽》、韓版《命中注定我愛你》，都係做啲大公司嘅有錢會長或爸爸，就連而家奇妙電視嘅《有品位的她》都有佢份。只不過河正宇最初發展果陣，一直對外隱瞞自己出身自演藝世家，所以改名換姓，直到佢拍金基德嘅《慾望的謊容》，先至有人知道佢嘅真名。
戲劇畢業
型佬河正宇喺中央大學戲劇電影學畢業，呢間大學可以話係韓國演藝人才嘅搖籃，好似金喜善、李英愛、李秉憲、金秀賢，都係呢度畢業。亦因為咁，河正宇出道以來拍過好多電影類型，愛情片、搞笑片、勵志片、驚悚片、災難片、間諜片、劇情片都拍過，《追擊者》扮殺手，喺《黃海》扮殺手之餘，又被另一名殺手追殺，戲路極闊。
陸軍出身演活軍人
入行之前，河正宇已經當過兵，經歷正牌陸軍嘅生活，亦可能因為咁，入行初期成日扮軍人，2005年演出《不可饒恕》亦係呢類題材，當年佢憑住呢部電影得到韓國電影評論協會新人獎。
演技大爆發
好戲唔係一朝一夕嘅事，河正宇嘅爆發點，可以話係十年前，當年拍《追擊者》獲得亞洲影評人協會獎最佳男主角獎。近年佢每年一部大片，《柏林諜變》、《復國者聯盟》、《下女誘罪》、《活埋35夜》，部部大片部部搶戲，來到《與神同行》，戲份比車太鉉更多更搶，周圍扮唔同角色追查真相，犀利。近年佢亦都多次靈洲區多個最佳男主角獎嘅肯定！
為人幽默
靚佬型仔又識演戲，如果有幽默感更加加分。之前同全智賢拍對手戲，宣傳時大叫自己好鐘意全智賢，今次拍《與神同行》，好幾個月不見天日、只係喺綠幕前拍戲，佢就形容自己：「之前好得閒，一個人去咗夏威夷，足足行咗260公里嘅路呀！」以幽默化解沉悶，勁！
演而優則導
有型大叔除咗識得演戲，佢仲曾經導演過兩部電影《繫緊你的安全帶》《許三觀》，目的係想用導演嘅角度了解電影，對佢做演員有更多嘅思考。呢份專業，邊度搵？
仲識畫畫
夠喇！型佬、搞笑，影帝、導演之外，原來河正宇仲係個畫家，開過好幾次畫展，真係想講句：「你玩晒啦！」佢曾經講過，畫畫係佢嘅生存方式，唔單止喜愛，仲能夠令佢靜落嚟，做番自己，唔再投入任何角色之內。仲仲仲仲要，佢畫得唔錯之餘，真係有人高價購買。喂呀，你玩晒啦！
每位地獄使者背後都有故事，未知下一步會否多加解釋。
《與神同行》絕美CG
《與神同行》金容華導演曾參與製作中韓合拍片。他自掏腰包成立以特效技術為基礎的綜合性電影製作公司DEXTER STUDIOS，接下了《智取威虎山》、《封神傳奇》、《西遊記之孫悟空三打白骨精》等中國影片的特效工作。 2013年他執導的3D動作喜劇電影《大明猩》中，大猩猩靈靈是亞洲首個立體3D數碼角色，由300人技術團隊歷時4年開發，就算了毛髮、表情都精細逼真。
相片來源：W magazine
好期待《與神同行》續集，想繼續睇oppa做好戲，就要留意河正宇的另一部電影《1987》，同樣煞食。