影片
電話號碼
29661330
開飯介紹
餐廳只招待會員，提供中菜。
繼續閱讀
營業時間
今日營業
全日休息
星期一至日
全日休息
以上資料只供參考, 請與餐廳確認詳情
很喜歡幸運閣的環境，好西場中菜。 佢個XO醬非常鮮味，又無幾辣，我倆餸未到已經各空口吃了一碟！ 石榴柚子做開胃小食，非常清新可口 滷水牛脷粒 -- 惹味但不會太鹹，可惜每口都是一半入口溶化一半小靱，奇怪，可能位置問題 化皮乳豬 -- 上面的魚子單純為好看和變得矜貴，乳豬皮固然薄脆，更出色的是那墊底的多士，又鬆又脆，少少甜，回味 蜜燒一字骨 -- 稍稍燒得過火了一點，肉唔夠滑唔夠鬆，唔係一咬離骨那種，有點失望 黃金米桃膠浸時蔬 -- 莧菜幾嫩，湯也清甜，但跟那些野米和桃膠毫無交流 蟹肉椰皇飯 -- 原個椰殼上，淡淡椰香帶濕的炒飯，但有點失望，炒飯味道可口但沒有很特色的口感和味道，食到尾可以刮椰肉食，我似個小朋友最後叫了甜品，燉原個雪梨和荔枝果凍，個雪梨清淡少甜，感覺非常健康滋潤
繼續閱讀
通常來山光道的會所都是大小朋友去吃food court 中菜卻是真的第一次Surprisingly 有點驚喜燕窩做得很不錯 東昇斑精得比較熟 但其他都不錯炸子雞可以！黑到第六道菜已經全包了牛肉和炒飯真的吃不下。
繼續閱讀
Obviously, the decoration here is amazingly good and the service standard is supposed to be the highest in Hong Kong. The food tastes delicious. lobster龍蝦較突出；而個人最喜歡魚，香辣鮮嫩又惹味；海參鵝掌食材高級，菜亦難得煮得好好味，口感上佳，我個人認為起碼值Michelin star 推介至一星，飯還可。
繼續閱讀
7196 瀏覽
馬會會員於生日月份內可以喺會所餐廳度享用折扣優惠，優惠限制用餐人數最少要有四個，減率則由總人數而定，次數則無限。大肥爸爸做咗會員多年，對會所提供o既餐飲服務一直都係彈多過讚，自從上個月喺沙田馬會食過一頓驚喜地滿意o既中菜後，今年終於決定一用生日優惠，一家四口上個禮拜就走咗去跑馬地會所間「幸運閣」度食晚飯。 「幸運閣」屬高級中菜廳，食客必需遵守衣著限制，穿著牛仔褲、T恤、運動套裝、背心等均不得內進。裝潢高雅潔亮o既餐室樓底雖然高，餐桌亦分隔得幾開，可惜喺未滿o既情況下聲浪卻頗為嘈吵 。服務生態度良好，無奈人手極度不足，送上餐牌、熱毛巾、小食、及醬油後要等好耐先有人得閒幫忙落單 。開咗茶先發現餐牌上原來列出各種名茶不同之收費 。正當大家估計茶品將會續壺計，埋單一刻先明白自己所叫o既為普通茗茶，每位$18。一人份量o既廚師精選菜單「Tasting Menu」喺高級及星級西餐廳就見得多，食中餐見到都可算係細佬o既第一次，莫非係為車胎評審員而設 ？！壽星公乃一家之主，當晚叫餸同找數亦全權交由佢一人負責 。 麒麟乳豬素千層（$188）：小食將乳豬皮夾埋火腿片及炸腐皮造成咸點三文治。三合為一o既組合頂部鬆化、底層脆薄、中間則滲出咸香，效果其實唔錯，不過個人覺得菜式稍微乾咗啲啲，如果可以塗上薄薄o既甜醬應更佳。眼見「薑米酒蒸鮮蟹拑」及「海皇鮑粒焗釀響螺」同屬廚師推介食品，大肥就提議每人二選一作主菜。 薑米酒蒸鮮蟹拑（$188/隻）：哥哥一個獨選蟹拑，並讚美其肉質厚而鮮 。 海皇鮑粒焗釀響螺（$158/隻）：脹卜卜o既響螺呈奶黃色，溫度亦只屬和暖，明顯焗得未夠火候 。海皇鮑粒餡料只有兩、三成左右，其他都係洋蔥碎、薯蓉、同蘑菇粒，食落有少少溜。螺尾仲塞咗舊淡而無味o既椰菜花，睇黎高級中菜廳誠意欠奉咗少少喎 ！ 日本鹿兒島和牛西冷（$328）：嘩，擺放和牛隻碟就幾大，不過碟上只有零星六舊和牛，唔通係腹肌 ？！平心而論，和牛薄件香腍軟滑，實在美味，不過連埋配菜隻碟都唔講得上為一半滿，似乎份量同會員生日優惠一樣打咗折囉，感覺極為吝嗇！ 柚子鹽香手撕雞（$208/半隻；$368/一隻）：深知小肥同哥哥最怕食骨，食雞主要都係食雞皮同胸肉，故爸爸特意叫咗半隻包保冇骨o既手撕雞。面層色澤光亮油潤o既雞皮不但已去肥膏，咬落更香脆無比。皮下幼嫩o既手撕雞撈入咗微甜o既沙田柚肉，清新濕潤，輕巧健康，整晚之最也 ！XO仔無肉不歡，哥哥則無菜不歡，結果就叫咗客蒜茸炒菜心（$98/例牌）。由於餸菜都細碟得幾可憐，四人不得不叫飯麵黎填肚。 脆米龍皇海鮮泡飯（$238）：服務生並無呈上原鍋或原盅或原煲泡飯，只係先放低另上o既脆米，問準我地同意就喺出面分。橙黃色o既湯底鮮甜香濃，灑上脆米一刻真係噝噝聲架 ！海鮮泡飯o既鴛鴦飯粒軟熟脆巧，絕對值得推介。哥哥一向容忍度比細佬高，而且極少會投訴食物質素低，能夠令佢用「又老又嚡又乾，味道簡真係不知所謂，完全失敗之作」黎形客o既燉蛋甜品肯定係奇差 ，大家都係不試為妙！ 蛋撻仔（$30/三隻）：如相所示，蛋撻仔好似啱啱叮熟，曲奇外表毫不金黃，食落仲軟腍不脆，加上撻心唔夠香滑，不吃也吧。早知甜品會咁驚嚇，真係轉場食好過 ！陪伴大肥爸爸享用馬會生日優惠，與家人於跑馬地會所高級中菜廳「幸運閣」晚膳，又再一次見識到馬會孤寒o既一面。「幸運閣」座位舒適闊落，卻因四周嘈雜令環境分大打折扣。服務生以禮待客，不過由於人手唔夠，因此出現有所待慢o既情況。食物方面，味道其實大多都唔錯，只係份量唔多足；大肥於生日月份內用餐，一行四人可享七五折優惠，「幸運閣」則以六舊和牛腹肌賀壽，震驚得唔知佢係攞景定贈慶囉 ！
繼續閱讀
馬會中菜部今年似乎動作多多，除了有邀請本地名廚作客廚特別夜之外，連續兩個月皆找來國內地方菜名師駕臨，上月在滿貫廳見識了披雲徽府菜，菜餚款式多至兩度光顧，今個月就有推廣只七天的厲家菜，當然不會錯過。幸運閣位於山光道馬會會所，只招待會員及成年食客，小孩無缘，衣著要企理，smart casual，丅恤牛仔褲波鞋及短褲涼鞋不可內進。靚太朋友忘記了我的提示，穿了時款貴價牛仔褲，幸好餐廳早上有準備，找來一條半身鬆身長裙，好讓她進場免掃興，亦不影響其他客人，果然是高級會所，服務週到。厲家菜乃清朝同治及光緒期間內務大臣厲子嘉後裔的私房菜，沿用傳統烹調做法，配料及調味料皆以天然為主，真味製作，吃得安心健康。 只有套餐，晚飯每位$1288，剛好馬會130週年紀念有87折，菜式精緻，食材上乘，實在物有所值。說時遲，那時快，七款前菜分兩道上。四格瓷碟上的，右上角起，北京燻肉、右下角是芝麻鴨子，旁邊黑黑的是麻辣牛肉，左上角是翡翠豆腐。北京燻肉，名如其調法，是用煙燻烹調五花腩，令其油份緩緩盡化，被瘦肉吸收部分肥脂，多餘的部流失。入口完全不膩但不乾身，嫩軟味道淡淡，剛好透出濃濃煙燻香，配以薄脆一片同吃，既脆亦嫩，層次分明，口感佳。芝麻鴨子，一片肉連皮肥瘦分配一半，是炸熟的卻又不膩，鴨皮上灑上大量白芝麻，令軟身的鴨片多了幾分脆口，味道同樣淡淡中又見味足。麻辣牛肉，炸至酥脆，點點麻香辣度，並無蓋過牛肉之肉香，肉片有厚度，非常嫩腍，口感實在有嚼勁。翡翠豆腐，其實是把毛豆、帶子及薑打成蓉而成，因為呈青綠色而質感似豆腐，方取名翡翠豆腐。但眾人皆一致認為質感仿似蟹膏，而且就是有多少蟹脂味，可能是帶子之鮮味，薑加帶子組合之奇妙效果，感覺清甜，吃糊仔般易嚼。第二道三款前菜以三格長碟奉上，左起炸脂蓋丶軟炸小龍蝦及炒鹹食。炸脂蓋，見名字難以猜想為何物，原來是炸五花腩。真奇怪，慈善太后及衆皇族不是一把年紀的麼，為何如此喜歡炸物及五花腩！用麵粉包着炸，可能已經抹乾油份，炸物乾淨身軀，完全無添油脂，薄而脆，中央有空氣，五花腩如寄住中央，獨立無黏貼，外脆肉軟，調味恰當。軟炸小龍蝦，一口吃下，印象不深刻，同樣外脆內軟有鮮味。橙色切絲的炒鹹食，就是紅蘿蔔絲丶炸菜絲及豆腐絲之組合，再加少許白芝麻，清清爽爽脆脆有鹹香，留下印象不深，相對比較普通的一道。大菜開始，道道精彩，款款名貴！燕窩肥雞燴銀絲 (4.5/5)簡單卻又名貴的菜，燕窩雪白份量慷慨，大概兩湯匙體積，伴以紅蘿蔔絲、蘿蔔絲及青瓜絲，同放於中央凹陷的圓碟中，賣相吸引，令人有期望；服務員在客人面前加上燙熱雞湯。高湯濃郁，替只有爽鮮的配料潻味，啖啖爽滑燕窩，女生吃之，味蕾隨即衝激大腦，思考賀爾蒙引發肌膚重新活化，幼滑美麗，內心歡喜滿足！日本吉品鮑魚配蝦子芹心 (5/5)貨真價實，來自日本的吉品，近年少有嚐到的出色，用刀替鮑魚切片，中央確有溏心之香，軟糯有靱性，鮑魚汁質感黏稠，味濃醇厚，餘韻悠長，醬汁是靈魂，果然不負期望！配以白菜同吃，白菜新鮮爽甜汁豐，蘸了鮑汁，同樣滋味。另一配菜，蝦子芹心，選了西芹中央最嫩之部位，跟有鹹香的蝦子同吃，香嫩爽之口感，淨吃或蘸若干鮑魚汁吃皆美味。御廚的高湯醬汁超出期望，高手之作！就此一道，已經值回票價！蔥燒海蔘 (5/5)上等關東60頭遼蔘，單看外表已經垂涎，配以魚肚魚唇及黃油熬之高湯醬汁，口感軟嫩爽濃，豐美適口，回味無窮，人間極品！金勾油菜 (3/5)文雅的名字，金勾其實只是蝦干，配以鮮白合，及肥嫩的大白菜，少油鑊猛快速炒熟，就是金勾油菜。白菜百合皆非常新鮮爽甜，蝦干貢獻鹹香調味，油份少，炒至收水，舒服的素菜。鹿尾醬配手擀麵 (4/5)主食亦有特色，手擀麵也許真的是手造，相信來自北京的師傅造麵無難度，幼滑細膩有少許彈性，作為冷麵，並無過腍或黏著一起，條條分明；鹿尾醬味道十分鹹，仿似麵鼓醬，鹹味中有肉香，相信是以鹿尾為材料之原因，伴以未有調味的擀麵及青瓜蘿蔔蔥絲甚配合，互相中和，變成鹹味適中。手擀麵就只有醬及素菜作配料，素菜包括青瓜丶蘿蔔及蔥絲，宜先加少量鹿尾醬試試味道，以免過量偏鹹，依我口味，兩小匙剛好。葛仙米鮮蝦丸子湯 (4/5)葛仙米是首次品嚐，也許就是圖中發脹了似魚肚的東西。雞湯清甜醇厚，鮮蝦丸子香甜，葛仙米吸盡湯汁，吃得滋味，清香的一道湯。飯後一道熱湯，胃納滿足，亦好作清洗味蕾，迎接甜點。三不粘丶奶酪丶燕窩綠豆水飯 (3.5/5)從右方之奶酪開始進食，奶酪酸酸甜甜味道，質感平滑，有吃新彊菜以酸奶作完結之感！中央的三不粘，是用雞蛋丶麵粉及糖製造的，似做得過杰失敗了的布甸，質感軟杰有蛋香，見英文菜單解說是炒熟的，甜甜地，味道亦討好。最昂貴的是左方小玻璃杯內之燕窩綠豆水飯，並非真正有米飯，水飯是燕窩在綠豆水內，吃起來似粥或水飯之意思，味道只是微甜，清清的綠豆水，清淡一點更能感受燕窩之軟柔質感，以極品養顏之甜品作整晚之終結，夫復何求，完美。是晩大開眼界，菜式似平常，與別不同之處細膩，尤其高湯醬汁出色，配襯出材料之特性，不失身價。加上高級會所貴賓式招待，每位$1288，尚有87折，簡直物超所值，希望再會有期！
繼續閱讀