【沙田帝都酒店全新自助餐】The Palate 柏麗廳 65 折起，自助午餐 HK$206 起、自助晚餐 HK$452 起歎高質和牛、新鮮生蠔、龍蝦等！
沙田帝都酒店終於都有自助餐喇！沙田帝都酒店嘅「2+2 Cafe」完成裝修，全新自助餐廳 The Palate 柏麗廳即將喺 2024 年 2 月 2 日登場，位於酒店 3 樓，食物方面有冰鎮海鮮、新鮮生蠔、龍蝦、蟹腳等，仲會有多款精緻甜品及雪糕，同時會有即煮美食站，多款美食即叫即製，非常吸引！而當中嘅焦點一定係即煮飛驒和牛，菜式包含火炙飛驒牛壽司、飛驒牛軍艦卷、日本和牛肉眼鐵板燒、日本和牛鹽麴燒等等，仲有美國極黑和牛壽喜燒，估唔到自助餐都可以任食高質和牛！
自助餐亦設有即叫即開的 Oyster Station，每個月嘅品種都唔同， 2 月提供法國嘅 Fine De Claire。冰鎮海鮮同樣選擇多多，有龍蝦、蟹腳、翡翠螺、海蝦、蜆等等，刺身方面就有三文魚、赤貝、虎蝦、八爪魚、醋⻘魚等等。甜品方面都好高質，有原個鮮果撻、香蕉拖肥批、藍莓芝士撻、黑白朱古力松露蛋糕、法式 Mille Feuille 開心果櫻桃千層酥等等，有成 50 種甜點輪流供應。飲品方面仲有香港自助餐少見嘅 Cocktail Station，任飲各種 Cocktail、Mocktail、果汁、泡茶、咖啡等，到了夜晚上仲可以任飲紅白酒添，正啊！
宜家已經可以經官網預訂 Palate 柏麗廳嘅自助餐，仲可享 73 折起優惠！自助午餐 HK$318 起、自助晚餐 HK$658 起，新年年初一都有優惠，不過就分兩個時段，晚上 5:00 至 7:00 每位 HK$658 起，7 點半至 10 點每位 HK$718 起（詳細收費可按此）。酒店仲推出咗生日禮遇，4 人同行當月壽星會獲贈Baked Alaska火焰阿拉斯加（火焰雪山）一份，記得要提早預訂啊！另外，酒店會於 2 月 2 至 2 月 9 號推出限時 65 折優惠，午市自助餐 HK$206 起、晚市自助餐 HK$452 起，客人需讚好 The Palate 柏麗廳 Facebook 或追蹤 Instagram ，並於入座前於手機上向員工展示，即可享用優惠！
預訂網址：https://www.palatebuffet.com.hk/
其它自助餐優惠可以考：https://www.runhotel.hk/all-hotel-buffet
▼全新自助餐 The Palate 柏麗廳於 2 月 1 日登場
▼食物方面有冰鎮海鮮、新鮮生蠔、龍蝦、蟹腳等
▼當中嘅焦點一定係即煮飛驒和牛，菜式包含火炙飛驒牛壽司、飛驒牛軍艦卷、日本和牛肉眼鐵板燒、日本和牛鹽麴燒等等
▼刺身方面就有三文魚、赤貝、虎蝦、八爪魚、醋⻘魚等等
▼甜品方面都好高質，有原個鮮果撻、香蕉拖肥批、藍莓芝士撻、黑白朱古力松露蛋糕、法式 Mille Feuille 開心果櫻桃千層酥等等
▼飲品方面仲有香港自助餐少見嘅 Cocktail Station，任飲各種 Cocktail、Mocktail
▼4 人同行當月壽星會獲贈Baked Alaska火焰阿拉斯加（火焰雪山）一份
帝都酒店
地址：沙田白鶴汀街 8 號帝都酒店 3 樓
其它自助餐優惠可以考：https://www.runhotel.hk/all-hotel-buffet
