7
2
0
| 餐廳: | 聚賢樓 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
港鐵紅磡站 D1 出口, 步行約6分鐘
繼續閱讀
電話號碼
23283933
付款方式
以上資料只供參考, 請與餐廳確認詳情
理工大學文康樓聚賢閣海鮮酒樓星期一至五只招待理大教職員. 今次約左舊同學聚一聚, 食左下面既食物.蒜茸粉絲蒸元貝(4隻) $982隻 $50- 殼是大的, 但元貝比較細仔.蒜茸粉絲調味唔錯.黑毛豬叉燒(例) $88- 不見得很優質, 有瘦有梅頭部份, 肉比較諗, 口感一般, 無濃邊, 無燒過. 蜜汁味, 菠蘿咕嚕肉$118- 肉比較瘦, 但脆脆的, 汁好味. 唔錯.紅米蛋白炒飯$98- 飯炒得夠乾, 唔錯. 有小小紅米.同酒樓一樣,有孖寶自選海鮮併小菜 $238- 沙巴班仔蒸得唔錯, 肉軟滑, 葱豉油調得咸度適中.-蝦干小炒王有蝦干, 魷魚, 都很正常, 有五花腩片比較小見.自選孖寶$208- 燒鵝很普通的燒鵝, 皮唔脆,肉質也一般. - 北菇紅燒豆腐很正常的豆腐.鮮蟹肉伊面 $98- 等如干燒伊面,真正有蟹肉, 但沒乜存在感. 調味偏清淡不太咸. 一般水準.
繼續閱讀
返咗去大學探老師👩🏻🏫，仲同佢一齊去飲茶🫖。點知lunch hour去到，全場爆滿🤯，因為我哋冇訂枱，所以都排咗一陣⏳，仲要同人搭枱。蟹籽蝦燒賣 ($31)燒賣面頭有蟹籽，入邊有大蝦、冬菇同豬肉。大蝦係兩大隻完整嘅大蝦🦐🦐，非常抵食。而且蒸到啱啱好，啲豬肉唔會太老，咬開仲有啲肉汁💦，係好食嘅茶樓燒賣😋。醬皇蒸鳳爪 ($21.5)總共有五隻鳳爪🖐🏻，蒸到非常之入味同埋軟身，啲骨好容易就用口損到出嚟😙，啲軟骨都食得。而且處理得比較乾淨，唔會見到一啲鳳爪腳上面有指甲💅。黑椒金錢肚 ($26)金錢肚有啲大嚿有啲細嚿🐮，大嘅放面有四嚿，細嘅碎放喺底都有五至六舊。黑椒汁唔會辣都嗆口🌶️，又係每一件金錢肚都好淋好入🤤味。而且個汁好惹味，直頭見到有啲月桂葉喺入面🍃。而個底都有三條四季豆塾一塾🫛。山竹果皮牛肉球 ($19)點心紙上唯二嘅小點，另一款係娥姐素粉果，嗰款我就冇叫到啦🥹。正常水準嘅牛肉球，有啲芫荽同蔥喺裏面，飽滿嘅牛肉🌝，唔會溝咗好多食到好張口嘅麵粉，每粒牛肉球下面都有一大塊支竹，仲有唔會孤寒嘅喼汁💦，抵食之選🤑。香茜牛肉腸粉 ($31)將兩條腸粉切開咗六件放到好靚仔😎，腸粉皮好香滑，其實都幾好食👍🏻。可惜佢嘅牛肉唔係鮮牛或者滑牛🐄，而係牛肉球入邊嗰啲牛肉😧，講緊真係香茜牛肉球搓成一嚿好細嘅牛肉，放入個腸粉做個料，我會話哩個係牛肉球腸粉🤔。可能因為我本身已經叫咗牛肉球，有啲失望🫣。流沙奶皇包 ($21.5)哩個非常出色💯，熱辣辣上枱打開個包裏面仲係流沙⏳，睇圖都見到啲汁爆哂出嚟💦，食嘅時候真係要小心啲🥵。個包好軟熟😌，流沙奶黃就鹹鹹甜甜起晒沙🏖️，就算擺咗一陣凍咗都仲有少少流心嘅效果🤤。茶位 ($8)叫咗水仙(鐵觀音)🫖，係普通嘅茶包茶🍵，正常順口。無加一服務費❌。⭐️總括而言…雖然有少少貴🤑，但係明碼實價冇加一🙅🏻♂️，食物嘅水準穩定👍🏻，有幾款點心都好食😋。理工大學裏面唯一一間茶樓，全場爆滿都有原因🥸。如果你係理大學生，又或者遲啲去朋友畢業禮嘅話🎓，都係一個飲茶聚下嘅好地方。特定時間仲有折扣：12:15前離座9折、14:30後入座8折。
繼續閱讀
#搞串個pantry 每間U都會有自己嘅酒樓，今次就嚟到#PolyU 嘅#酒樓 ☕️，試下佢哋啲嘢食點啦💕！呢間酒樓除咗有#點心 🥟之外，仲有啲粥粉麵飯🍜、小菜🍲等等，甚至連片皮鴨都有！！lunch time嚟到呢間酒樓，人流非常旺😵💫，好多時候都要等一等位。呢度裝修同一般酒樓格局一樣😀、無乜特別。今次就嗌咗福建炒飯($128)🍛、極品鮑魚酥($48)、蒜蓉蒸鮮魷($31)🐙、上湯杞子娃娃菜($31)🥬、茶芥每位$8。福建炒飯🌟🌟🌟🌟好大一碟，四個人分都ok。炒飯入面加咗迷你元貝、蝦仁🦐、雞肉、冬菇、翠肉瓜🥒、蘿蔔，食落每一啖都好豐富🤤！芡汁唔會太稀，份量足夠成碟飯，唔會食到最後無曬芡汁。飯方面，都係正常炒飯底🔥，個人覺得可以再腍啲。整體味道幾好，用料豐富而且好多，值得推薦🤩！極品鮑魚酥🌟上碟時已經凍咗❄️，外皮有啲腍，唔太酥脆。除咗上面有鮑魚，內餡包咗啲類似叉燒包嘅肉餡🤯，味道同甜嘅酥皮唔太夾。如果佢成個變成甜食，可能反而會夾啲同埋特別啲😋。蒜蓉蒸鮮魷🌟🌟🌟味道正常，係加咗蒜蓉一齊蒸嘅味道，幾乎所有酒樓味道都一樣😗。魷魚食落彈牙、有咬牙，唔會變得太腍，唔會霉霉地😜。大家如果入到PolyU，想坐耐啲🧘🏻♀️，坐得舒服少少，都不妨嚟呢度飲下菜，試下呢度啲點心啦🥰！
繼續閱讀
因為家人住在西鐵和東鐵沿線，所以選了中間位置來吃母親節飯。一早訂了位，7時入座，但訂位的沒有問清楚當日有冇套餐，所以沒有預訂，結果便出問題了。套餐有3款12人餐，可以選全席或半席，另外有1款8人餐。我們7大1小，所以選了8人餐。下單後過了十多分鐘，侍應走來說乳豬拼盤沒有乳豬（當時只是7時半），會改用叉燒，但價錢不變。侍應又加了一句，「你地食12人又太多！」，暗示點12人餐有乳豬，但8人餐沒有。因為兩者價錢相差遠，但怕好像再上星期和朋友到另一中餐廳那樣，散叫每次落完單總有一兩款賣晒，點8個餸點了3次才落齊單，所以這次不敢散叫，要了沒有乳豬的燒味拼盤，還要等了很久才落到單。上飲品也很混亂，侍應說8人餐只有6罐汽水或1渣橙汁，但明明菜單上寫著「及」的，叫經理來，經理開頭說因為半渣橙汁不好看，公司規定只可二選一，但後來再看發現那是指半席的6人餐，8人是全席，兩樣都有。食物味道不錯，正正常常，上菜速度開頭也正常，但中段開始慢和混亂。因為9時半關門，8時半左右便有侍應逐檯檢查還有哪些菜未上，但上菜那位上完菜又不會在桌上的菜單劃線，要負責檢查那位來劃。燒味拼盤正常，叉燒不錯，但缺了乳豬有點失望。龍蝦伊麵不錯，肉很好吃，只是麵很難夾。炒雙蚌的碟很大，餸菜看似很少但其實夠食，應該是用了12人的大碟所以有這樣的視覺效果。海皇羹味道適中，不過不失。頭四碟菜都差不多吃完一碟上下一碟，魚開始便慢了，小朋友沒事做去洗手間，但人太多所以直接回來。之後等了很久也沒有東西吃，小朋友再上廁所，這次去了餐廳外那個洗手間，不用等，也乾淨。魚和燒鵝都很大碟，魚蒸得剛剛好，值得一讚。燒鵝其實在燒味拼盤已經有，又再吃一次感覺有點怪，應該拼盤沒有燒鵝才對。燒鵝正正常常，肉不鞋，肥的部位很集中，方便不吃肥肉的小朋友去肥膏。荷葉飯和蟠桃等了很久，卻是最令人失望的。荷葉飯的葉很翠綠，很明顯是蒸的時間不夠，所以沒有荷葉香味。小朋友向來不喜歡吃飯，一心等吃蟠桃，結果蟠桃蒸的時間不夠，而熱底凍，經理本來提議再蒸的，但已經很晚而且我們還有蛋糕，所以改為打包。總結：這裡食物平日不錯，大時大節預了會失準，但這天實在有點令人失望。論價錢和位置，性價都比高，不過只適合平日來吃，始終這裡平日客人沒那麼多，大節日人手不足，應付不到。題外話：作為一間大學內的食肆，沒想到居然沒有應用到「科技」，仍然是人手下單，沒有自助下單，也沒做好食物存庫管理。
繼續閱讀
難得入到理工，就到聚賢樓飲茶。酒樓位於理工大學文康大樓內，所以酒樓營業時間較其他酒樓較遲開，係早上 11點先開門。酒樓地方都夠大，可能當日是母親節，待應話好多大枱都訂滿，但2-4人細枱早來，walk in都有位。我地試咗 10款點心，值得一讚大部份都好夠熱，上點心速度都叫快。甜酸炸雲吞，好脆口，入面隻蝦仲熱，好食。韭黃鮮蝦腸粉，都好食的，粉皮叫滑身，好足料脆皮墨魚餅，好有咬口，好食椒鹽一口豆腐，係夠味，可惜全部淋晒，唔脆百花釀魚肚，魚肚都爽口，魚肉彈牙，但味道略鹹聚賢鮮蝦餃，入面好大隻蝦，中規中矩都係一般蝦餃醬皇蒸鳳爪，好食日式糯米包，香港酒樓已經很小見，所以一見即點來食，入面只得糯米，糯米炒得唔香，沒有其他蝦米及臘腸餡料，有點失望。蟹籽蝦燒賣，好食，足料，出面酒樓都食得到傳统咸水角，同出面酒樓食一樣水準個價錢都偏貴，十款點心連茶錢，埋單約$360酒樓環境都好寬闊，坐位之間唔迫
繼續閱讀