成日聽人講唔好做港女,但好多時係拍拖果陣,自己都唔知自己做錯左D咩,但係就激嬲左男友!
登入 瀏覽本網站,可獲取積分換領專屬優惠
點擊查看專屬優惠
1. 唔亂呷醋
雖然男友可能會偷望下女仔,又或者異性緣比較好,但拍拖講求信任,如果咩事都呷醋一餐,好容易會變成無理取鬧!
2. 認清自己的優缺點
每個人都是獨特的,可能你身材不是最好,但性格卻十分討喜~所以,拍拖最緊要知道自己有咩好同唔好,將最好一面表現出來,將缺點好好改善,男友一定會對你著迷~
3. 唔好奉旨做八婆
女人八卦,唔代表你要做一個八婆!記住,有時都要收下自己把口,如果唔係亂咁出去得罪人,男友點敢帶你去見其他朋友啊!
4. 主動了解男友需要
男友關心你唔係必然,其實對方都同樣需要你嘅關心~得閒主動問下男友最近過成點,可能會有意想不到嘅傾談,令你地關係更甜蜜架!
5. 坦白
信任係一段關係入面真係好重要!!!點先得到信任,當然要你先坦白~如果唔係,當有一日男友發現你同佢講大話,或者有野瞞住佢,就水洗都唔清啦~
6. 唔好太執著乜乜紀念日
當然,拍拖初期你會好介意紀念日,但日子耐左,實在有太多野要記!男友唔係日曆,佢都會有唔記得嘅時候~最重要係,你知道佢有心係愛你就夠啦~迫得對方咁辛苦慶祝反而會有反效果!
7. 學習同男友朋友和家人相處
成日話拍拖結婚唔係兩個人嘅事,正正係講緊點樣同對方身邊嘅人相處!如果你同佢地關係唔好,男友夾係中間左右為難,其實真係好尷尬!
8. 唔好將「無所謂」變成理所當然
女仔好多時都會有選擇困難症,但某D時候都應該有主見,比男友知道你係著緊一件事,可以一齊參與下討論~無理由去到最後求婚,你都話無所謂架嘛!男友真係唔知你諗咩架......
9. 男友唔係「阿四」
男友幫你攞手袋,出親街去旅行都會打點一切,只係因為佢愛你~但佢都有會攰嘅一日!所以唔好當佢係「阿四」,否則佢頂唔順果陣就會爆大穫架啦!
10. 唔好亂發港女脾氣
屋企人唔包忍你嘅脾氣,男友都一樣~做個100分女友,多D關心佢,少D發脾氣,相信對方一定會愛你更多!