孫儷開腔數鄧超壞習慣　食餐飯都麻煩過人

因戲結緣嘅內地藝人鄧超同老婆孫儷，向來係圈中嘅模範夫婦，感情深厚嘅2人更不時透過社交網放閃，不過日前孫儷就激罕喺社交網放負，大呻鄧超嘅壞習慣外，仲令佢忍唔住喺飯枱喊出嚟。

日前，孫儷Po文大呻鄧超有個壞習慣，每到晚餐時間時，鄧超就會開始播放背景音樂，跟住望住一對仔女開始感嘆時光飛逝，而同樣感性嘅孫儷亦會被佢帶動情緒，然後忍唔住坐喺飯枱度開始喊，有時情到深處嘅2人，仲要嚟個大大嘅擁抱互相安慰對方。不過，孫儷亦忍唔住無奈道，其實自己已經番咗一日工，身心都已經疲勞嘅狀態下，點知番去屋企食飯都唔輕鬆，令佢忍唔住感嘆道：「我這，何必呢」並附上3個喊嘅表情符號，引嚟唔少網友留言道：「下次把他單獨關到一個房間裏！」、「這是要考慮三胎的節奏？」、「所以姊姊你嫁給了全世界最好笑的男人！」、「真是生活如戲，吃飯還自備bgm（background music襯底音樂）」就連鄧超都忍唔住留言道：「可以保護一下我的隱私嗎？」