影片
電話號碼
36122626 (訂座電話)
82028292 (婚宴熱線)
特色
適合大夥人
包場派對
營業時間
今日營業
10:00 - 15:00
18:00 - 00:00
星期一至五
11:30 - 15:00
18:00 - 22:00
星期六至日
10:00 - 15:00
18:00 - 00:00
以上資料只供參考, 請與餐廳確認詳情
說起沙田畫舫，像我這一些已經算是老一輩的人，一定記得當年真係有隻船停泊在城門河邊，我地真係上船飲茶食點心架。後來，在第一城對出的河邊，建了一隻固定的石船，就是當年的"敦煌畫舫"，後來，轉了幾次名，到我結婚時，已經易名為 "明星海鮮舫"。到了今時今日，外觀不變，環保沒大變，但已經改由《會所1号》去經營。 交得俾《Club One》去做，理所當然就是一個婚禮及宴會的專門店，而在沒有宴會搞時，就是一間比較高級既酒樓。然而某日公司的 team lunch，大伙先就來到這《水中天》飲茶。轉了做《Club One》之後，內部既轉變其實都不大。都係宴會式既酒樓一間。所以我不多花篇去介紹此酒樓 / 宴會廳 既環境了。而且，轉了做《Club One》之後，再加上石門多了許多大眾化既酒樓，這一個 "畫舫" 既吸引力，已經大不如前了。點心來了，首先來的，是一份簡單而香脆的雞絲炸春卷。這是一份很傳統的春卷，包了幾層，而且層層皮都夠香脆。鮮蝦腸粉，是傳統酒樓的貨色，因為腸粉皮是比較厚的。味道是好的，因為腸粉是香軟，而且帶有濃濃米香的。再加上餡料是原隻大蝦，入口亦非常之爽甜，質素是高的。紅油炒手，是一個做得不錯的北方美點。雲吞雖然充滿了廣東色彩，但結合了辣油，也是極香口，極可口的東西。如果再加多點甜豉油一起吃，更合我們南方人既口味。蒸點來了，我們點的有魚翅餃。皮煙韌，內餡的肉也夠香。至於有沒有魚翅，就真係食唔出。不過，味道是幾好的，份量亦夠大。豆苗餃，一咬入口就感受到啖啖的菜汁。皮同蝦餃的一樣，晶瑩剔透之餘又不會黏著筷子及任何的東西。山竹牛肉球，吃得出是以鮮牛肉製作的，質感結實，但夾起來是彈彈的，腍腍的，不會硬硬的牛肉球。質感滿分，味道上也是滿分。潮州粉果，皮厚同帶有粗糙感，我也可以說，這是傳統的做法。我本人就唔係幾鐘意食潮州粉果既，所以，同事報告話好食，就是好食。然後，就是人見人愛的鳳爪。味道香濃，豉味重，也帶有令鳳爪更惹味的少少辣勁。更開心的是連聚集在底的花生也充滿了味道，很腍很香很好味道的鳳爪。鮮竹卷，是以炸過的腐皮去包再去加醬油蒸的美點。脹卜卜的鮮竹卷，立即可以證明到是餡料豐富的出品。再加上有美妙的甜醬油加持，更是可口。最後來的蒸點，是叉燒包。外皮軟綿綿的，味道亦帶甜。內心除了叉燒醬外，更吃到大大粒的叉燒碎粒。又香又甜就是我對這一個叉燒包的終極評價。我們一行六人，點了三個炒炒麵飯。首先要說的是頭抽干炒牛河。用上了頭抽豉油去炒，雖不比瑞士汁甜美，但也是一個比較香甜既豉味道。再加上鑊氣足，同埋有紅洋蔥既香味加持，特別好味道。只是我們覺得，碟頭既份量細左啲。另一個是廈門炒米。少少酸，少少甜，少少咸，就是大家所認識既廈門炒米味道。而且米粉炒得非常之爽口，六個人分也有足夠每人一隻以上的蝦。不錯。最後，是瑤柱蛋白炒飯。瑤柱是後加的，亦因為咁，瑤柱保持到乾身及香口，直接令到個飯非常之香。很難得會食得到這樣香口的瑤柱蛋白炒飯啊! 大家都吃得開心。不計價錢，這真是一個食得非常開心既一個午餐。原因就是環境好，食物好，服務也很好。當日有同事是《Club One》會員，令這餐有200幾蚊既折扣，感覺抵返好多。(未計加一，我地點既餐剛好是 $888，意頭幾好呀。)
繼續閱讀
朋友就快結婚，相約我去其中一個心儀婚宴地方沙田水中天去視察環境及順道吃晚飯。樓底夠高，這裡進場拍照不錯。長方形場地頗實用，白天更有河畔景色。廚師推介的蟹蓋都幾吸引，另外也有限定的橙花骨。翡翠大蝦球 $168飽滿的蝦球質感好爽脆彈牙，西蘭花、黑木耳等炒得熟度剛好，保持脆身。鐵板叉燒 $158以鐵板上檯頗特別叉燒帶點半肥瘦，肉腍無根，底部帶燶邊幾香口，很不錯。芝士忌廉釀焗蟹蓋 $98/2隻上檯香噴噴，焗得金黃色再配色彩脆蝦片，賣相一流。外層是金黃色的惹味香口焗芝士忌廉，內裡是豐富絲絲蟹肉，再配菇、洋蔥絲調味。
繼續閱讀
前日21-5-2024（Tue）晏晝，為老闆ED離開公司食餞行飯，最後啱啱兩圍枱食，同事預訂咗呢喥，我哋都唔諗食咩喇，就要原價$2,988.00十二位用嘅套餐E，有:2. 筍尖蝦餃皇大大隻，皮太腍但蝦仁好爽口。4.5分1A. 白灼秋葵兩碟有汁伴食，蘸少少食，微辣，醒胃。4分1B. 叉燒脆鱔兩碟蜜汁味夠，但唔算好脆。4分3. 蘿蔔絲酥餅外脆內軟，正常嘅同唔鹹。女同事MC話好熱，佢熱親個咀，但我同大部份同事食都唔係。之後另一圍同事食剩一件拎過嚟，咁我食啦，呢件就熱同好鹹。點俾分好呢？(3+2)÷2，2.5分啦8. 砂窩豉油雞味道同口感正常，唔太鹹，食到底見到有好多蔥。4分4. 黃公醬翡翠炒蝦球帶子翡翠係豆角，唔個咩黃公醬，佢似唔辣XO醬，惹味。成個餸口感都適中文。5分5. 蛋白蟹肉燴燕窩食到蟹肉，都算足料，味道清淡，唔會太稀太杰。4分6. 清蒸海虎杉斑（約1斤12兩）都蒸得滑嘅。4.5分7. 西紅柿腐竹浸翡翠唔多嘅腐竹舖喺面，翡翠係菠菜苗，最多就係佢，腐竹好夠味，個湯清淡得嚟都唔差。5分9. 魚籽薑蔥蟹肉炒飯見唔到有蔥花或蔥粒，飯嘅口感唔錯又唔太油，不過薑味重。4分10. 蝦籽炆伊麵又見唔到蝦籽，伊麵口感太腍，味道同普通咩乾燒伊麵差唔多。2分11. 香滑薑汁糕趁熱食，口感正常煙韌，甜甜地，但又係薑味太重。4分環境:冷氣機滴水。越食越熱，洗晒汗，叫開大啲冷氣，話冷氣壞咗，都盡開，就冇流汗。價錢:分兩種會員，分別為七折（$2,091.60）同八折($2,390.40)，我哋有後者嘅會員咭，每位茶位$15.00，冇折扣，加一要用套餐原價計，即係[($2,988.00+$15x12)x10%+$2,390.40]÷12=$225.60。上之食評係2023年1月19日刊登嘅呢篇:https://www.openrice.com/zh/hongkong/review/blue-%E5%8E%9F%E4%BE%86%E5%A5%BD%E8%B2%B4-e4686684
繼續閱讀
星期一晚和家人去沙田食飯，酒樓好大，幾有氣派，有一種華麗的感覺，在這裏舉行婚宴都幾好，擺好多圍都可以。鹵水豬仔腳，隻隻都好飽滿，不會肥膩，鹵得好入味，皮爽肉彈，真係幾好味。橙香骨，味道幾特別，微甜帶酸，相當開胃，入口甘香，值得一試。小炒皇，都幾大碟，炒得好香口惹味，韮菜爽脆，蝦乾好大隻，還有一些魚乾、腰果等，送飯送酒都適合。石鍋蒜片牛仔柳，侍應一上菜，已聞到陣陣香氣，牛仔柳好嫩滑，配合炸蒜片和洋蔥，相當惹味，而且牛仔柳都好多件，算幾抵食。叉燒鱔，聽個菜名好特別，究竟是叉燒還是鱔？好奇之下想試試，原來是蜜汁燒白鱔，外貌都有點似叉燒，入口甘香油潤，好好食，一定要試試。椒鹽豆腐，細細件，一啖一件，外脆內軟，好，香椒鹽味，熱辣辣，幾好味。
繼續閱讀
上星期去沙田，晚上和朋友去Club One 食晚飯，酒樓相當大，環境寬敞，禮台都幾靚，相當適合舉辦婚宴。叉燒膳，外貌真的有點似叉燒，實際是白鱔，以蜜汁煎焗，入口爽彈，味道很不錯，是否道美味的前菜。滷水豬仔腳，豬仔腳很入味，爽口彈牙，感覺骨膠原豐富，完全不覺肥膩，而且一碟都有好多件。椒鹽豆腐，外皮酥脆，裏面軟滑，十分香口，一口一塊，食起來很方便。石鍋蒜片牛仔柳，用石鍋上，熱辣辣，未食已聞到陣陣香味，牛仔柳相當軟滑，口感不錯，以蒜片、洋蔥作伴菜，十分惹味。脆瓜素蝦，賣相不錯，沒想到素蝦都幾好味，口感幾好，超級適合素食者，感覺清新，瓜菜都爽口。招牌炒飯，都幾大碟，份量十足，飯粒分明，炒得夠乾身，夾雜一些蝦乾，幾惹味。
繼續閱讀
您可能會有興趣的...