Dahil siya ang Ultimate Runner sa Season 1 ng Running Man Philippines, tinanong namin si Angel Guardian kung ngayon ba, sa Season 2, ay may extra effort siya na mas galingan para siya ulit ang manalo.
Sagot ni Angel, “Actually, this season po mas focused ako sa… na mag-enjoy ako. Kasi parang last season ang nasa isip ko is parang I play to win.
“Pero this season parang I play more to enjoy!
“Iyon talaga yung sinet ko sa utak ko na, ‘Siguro okay na yung last season na talagang buhos lahat, buong lakas, lahat-lahat.
“Siguro this season, ahm… competitive pa rin naman ako pero hindi na… iba na yung mindset ko.
“Mas focused na ako na iyon nga, mag-enjoy, maka-bonding yung mga runners, and makita kaming lahat na nag-e-enjoy, lahat nananalo.
“Ayun.”
Nakausap ng PEP.ph (Philippine Entertainment Portal) si Angel sa grand mediacon ng Running Man Philippines Season 2 sa Studio 7 ng GMA nitong nakaraang Sabado, May 4.
Ang iba pang runners ay sina Glaiza de Castro, Kokoy de Santos, Lexi Gonzales, Buboy Villar at Mikael Daez, at ang pinakabagong runner na si Miguel Tanfelix.
READ:
Season 2 ng Running Man Philippines kasado na; controversial actress papasok sa Eat Bulaga!
Running Man PH, magkakaroon ng Season 2? ABS-CBN Christmas special, di na gaanong enggrande
Mikael, Buboy, Kokoy excited for Running Man Philippines Season 2
Iza Calzado at Angel Guardian nagkaiyakan dahil sa Encantadia
ANGEL STILL AIMS TO “GIVE HER ALL” IN SEASON 2
At dahil sa pahayag ni Angel, nangangahulugan ba ito na medyo naging “relaxed” na siya sa mga race nila dito sa Season 2? After all, dahil nanalo na siya last season, wala nang gaanong pressure sa kanya para manalo ulit. Or ganun nga ba?
“No po,” pakli ni Angel.
“Kasi parang… iyon yung essence ng Running Man e, kasi alam mo yun, parang every mission we have to give our all.
“Para rin sa mga audience, para rin ma-enjoy nila, para rin mag-appear sa screen na, alam mo yun, competitive kami, pero we enjoy.
“And we want to show that to people, I want to show that to people.”
Dagdag pa ni Angel, “Ayokong alisin sa sarili ko yung pagiging competitive ko just because nanalo na ako.
“And it doesn’t mean na hindi ako mag-e-enjoy!”
ANGEL REVEALS HER FIERCEST COMPETITOR
Tinanong naman namin si Angel, sino among the six other runners ang itinuturing niyang naging pinakamahigpit niyang kalaban sa season 2?
“Ay! Parang si Buboy din,” at tumawa si Angel.
Sa bukod na panayam namin kay Kokoy ay si Buboy rin ang isinagot ni Kokoy sa kaparehong tanong. Kaya pabirong sabi namin kay Angel ay walang kopyahan ng sagot.
READ:
Kokoy de Santos almost quit Running Man PH
“No, no, hindi po ako nangongopya ng sagot,” reaksyon ni Angel.
“Totoo po! Hindi, ngayon lang tayo nagkaharap e,” sabay-baling ni Angel kay Buboy na katabi niya sa mediacon.
“Ngayon lang talaga kami nagkakasalubong ni Buboy, this season. Pero na-enjoy ko yun. Kasi hindi kami nagkakasalubong dati.
“In this season ilang beses tayong nagtapat,” patungkol pa rin ni Angel kay Buboy.
“And iyon na-enjoy ko yun so feeling ko si Buboy.”
Mapapanood na ang Running Man Philippines Season 2 tuwing Sabado at Linggo simula May 11, 7:15 pm at May 12 7:50 pm sa GMA.
READ:
Glaiza de Castro busy with Wide International's diverse projects
Running Man PH members sumabak agad sa mission paglapag sa South Korea
Running Man Philippines Season 2 kabilang sa mga bagong GMA-7 shows ngayong 2024
Miguel Tanfelix afraid of this Running Man PH star
Angel Guardian, nag-ATTITUDE kay Kokoy de Santos?
Kokoy de Santos 'loves' Angel Guardian; Angel adds, “Same po...as a special friend.”