Tila malalim ang hugot ng aktres na si Sunshine Cruz sa huling post nito sa Instagram.
Ngayong Linggo, October 9, 2022, isang quote ng isang anonymous author tungkol sa pakikipaghiwalay ang ibinahagi ni Sunshine sa kanyang Instagram account, na kanya ring ibinahagi sa Facebook.
Sabi sa quote: "Some people are only meant to stay in your heart, not in your life."
Sa caption ng kanyang post, ibinahagi naman ni Sunshine ang kanyang saloobin tungkol sa break-up at pagmu-move on.
Aniya, "People come and go, it may be hard to understand why things happen unexpectedly.
"For some of us, letting go of someone you loved with all your heart can definitely give us so much pain and sadness but in life, there are some things we cannot control.
"What matters is the lesson we learned, the love that was shared and the wonderful memories that will always be in our hearts. Life goes on. [emoji]
"A blessed Sunday to all. [emoji]"
Walang ibang detalyeng ibinigay si Sunshine sa kanyang post kung para kanino nga ba ang mensaheng ito.
Ngunit sa comments section ng kanyang post, may ilang netizens na nagtanong kung hiwalay na sila ng boyfriend nito na si Macky Mathay. Ilan din sa mga ito ang nagpahayag ng suporta sa aktres at nagpayong mag-move on na mula rito.
Nagpahayag naman ng suporta sa kanya ang mga kaibigan ni Sunshine sa comments section ng kanyang post sa Instagram.
Komento ni Almira Muhlach, "Miss yewww shine [heart emoji] lets get together soon."
Handa namang makinig si Arlene Muhlach kay Sunshine ano man ang pinagdadaanan nito. Aniya, "Dito lang. [emoji] Love you, shine!! [emoji]"
Sabi naman ni Vina Morales, "Miss you shine [emoji]"
Dagdag pa nito, "Love you [emoji]"
Ganito rin ang sinabi ni Ruffa Gutierrez kay Sunshine, "Love you, shine!! [emoji]"
Una nang naghinala ang netizens na naghiwalay na sina Sunshine at Macky matapos nitong post ng isang pang hugot hinggil sa kanyang recent "realizations" habang nasa lock-in taping ng isang teleserye.
Sabi sa post, "I experienced so much realizations and challenges while I was locked in for 35 days.
"It wasn’t easy coz there’s not much you can do but pray and hope for the best. Challenges and trials will always be part of our lives and at the end of the day, we just have to focus on positive things coming our way.
"So much blessings are being given to me and my family afterall. Wala akong karapatang mag reklamo. [emojis]
"'Everything happens for a reason, live it, love it, learn from it.' [emoji]"
Kasunod nito, napansin din ng netizens na tila nag-unfollow na ang aktres sa Instagram account ng kanyang boyfriend.
Matagal-tagal na ring hindi pinu-post ng dalawa ang isa't isa sa kanilang Instagram accounts. Ang huling beses ay noong August 2022 pa, matapos ang 18th birthday ni Sam Cruz, ang anak ni Sunshine sa dati nitong asawa na si Cesar Montano.
Sa ngayon, wala pang kumpirmasyon mula kina Sunshine at Macky tungkol sa di umano'y hiwalayan nilang dalawa.
READ MORE:
- Have Sunshine Cruz and Macky Mathay called it quits?
- Sunshine Cruz thanks everyone for appreciating her “blended” family: “Oras na kalimutan ang past.”
- Sunshine Cruz "so happy" to meet ex-husband Cesar Montano's kids with Kath Angeles
- Sam Cruz celebrates 18th birthday with dad Cesar Montano's new family