老公演出《愛．回家》　經典港姐梁小冰心郁郁復出？

藝人梁小冰、高皓正與葉家寶在觀塘為影音使團創世電視向市民派發口罩，小冰老公陳嘉輝有份演出無綫處境劇《愛．回家之開心速遞》，問可有戲癮客串演出？她說：「自己好少拍處境劇，但係好鍾意睇老公嘅演出，佢喺戲裏面真係好鈍，其實同佢真人一樣，佢扮『綠燈俠』真係好好笑，如果有佢嘅演出都會同小朋友一齊睇。」

高皓正身三個小朋友的家長，加上太太開設診所，所以近期也盡量留在家中減低「中招」機會，他說：「呢排成日同啲家長網上傾偈，發覺啲家長好大壓力，依家啲家長要做埋老師，教功課壓力都好大，自己教小朋友都會教到忟，不過小朋友都享受父母教，佢哋成績畀之前仲好咗。」