路經見到招牌好吸引, 門面以懷舊的霓虹燈作招徠, 內裡的六十年代裝潢風格, 有理髮店, 醫館, 涼茶舖...等, 好有特色! 店內坐位寬闊, 有點像舊式大排檔風格, 所以湯底我選懷沙嗲, 襯返個場境! 極級本地手切肥牛 (例牌) $268 ~ 店員推介, 超有牛肉味, 無筋, 越咬牛肉味越出, 唔肥膩亦唔羶, 油花分佈明...顯! 師傅刀功好好, 牛肉切雙飛, 唔會好薄, 肉汁濃! 十級讚系列! 魚皮餃$48 ~ 外皮超煙靱, 餡料豐富飽滿! 五寶丸 $82 ~ 牛筋丸, 墨魚丸, 梅菜豬肉丸, 蝦丸, 鯪魚丸各2粒, 各有各出色, 彈牙味濃, 當中最喜愛蝦丸, 超爽口彈牙! 西班牙豬肉 $82 ~ 肉質爽滑, 有豬肉味唔羶, 雖然薄切但很大的一片, 食落好有質感, 好滿足! 牛脷托 $60 ~ 又一十級讚系列! 薄切牛脷, 又淋又滑又無渣, 入口即溶! 懷舊濃沙嗲湯 $78 ~ 自家調較的沙嗲湯底, 濃濃的湯有點偏甜味, 唔係重花生醬那種, 反而食到食材本身的味道! 誰也搶不了誰風頭! 酸梅湯/喳裝 $35 ~ 身邊人大讚, 唔太甜唔太酸, 味道剛剛好, 飲完清爽舒服! 酸菜 $20 ~ 好好食! 青瓜少少辣, 清涼開胃!青豆角生熟度剛剛好, 配上超香濃麻油...好想要多碟! 醬油 $15 ~ 辣椒, 蔥, 蒜蓉, 香菜...分4小碗上, 乾淨衛生! 註: 店員親切有禮有耐心, 食物質素高, 讚!更多
1
0
0
0
0