逆天奇案2︱劉緯民做陳展鵬老竇　亞視之友夠親切

闊別本地娛樂圈30多年的劉緯民，近日驚喜亮相無綫劇集《逆天奇案2》，並飾演陳展鵬的父親，劉緯民受訪時表示相隔多年再拍劇，感覺完全不同：「覺得自己好似一個新人咁，依家好似電影方式咁拍攝，以前我哋一個studio就拍晒成場戲，講錯一句對白就要成場嚟過，依家就輕鬆咗啲。」現年73歲的他曾拍過不少膾炙人口的作品，早於1985年時選擇急流勇退移民加拿大，後來創立珠寶公司，更被封為「珠寶大亨」。

而展鵬對於能在劇中與緯民哥結父子緣，他直言開心不已：「大家都喺亞視做過，細細個都有睇過佢啲劇集，但當時太細個印象唔係好深刻。雖然佢呢個年紀，但真係Keep得非常之好，狀態又好，自己拍劇都好耐冇一個爸爸，所以能夠同佢一齊合作係一個好好嘅回憶，希望大家都鍾意我哋呢段父子情啦！」