莫高高拖延續約多蒙特　因為唔想益父母？

最強博彩盤路過關神器《串績王》：http://win.on.cc/football/　

多蒙特嘅17歲前鋒尤素法莫高高今季成功上位，近5場聯賽3度取得入球，不過呢位小將同球會合約明年夏天完結，續約談判又遲遲未有結果，據報利物浦、皇家馬德里、巴黎聖日耳門等豪門都密切注視，而莫高高拖延續約原因，竟然係唔想益佢父母！

據德國《圖片報》報道，尤素法莫高高同父母以及幾位家人反面，甚至威脅唔會對家人作出財政援助。由於莫高高依家未夠18歲，如果續約嘅話，所有財政收入都會由父母管理，但佢喺11月20日就18歲生日，可以自己管理財富，無論佢續約定係簽約其他球會，所有收入都可以「自己袋」。

消息指多蒙特同莫高高仍就續約拉鋸，球會開出400萬歐元年薪，但佢就要求拎800萬歐元，同多蒙特最高薪嘅安利簡恩、曉姆斯睇齊，而且莫高高有唔少球會吼住，絕對可以吊高嚟賣。