講到高質質韓式燒肉🥩,不得不推介位於中環雲咸街60號中央廣場地下嘅 ✨JJJ Korean Steakhouse & Bar✨ 餐廳店內裝修以黑紅色為主調,非常有氣氛。 我地今晚選擇左Set Menu A (for 2 pax) $1380 包括:🥗前菜、🥩烤肉拼盤板、🍦甜品 🌟Beef Tartare - ...選用封門柳製成,再係封門柳面上加上滿滿既巴馬臣芝士🧀、白松露油同生蛋黃,再即場由員工將所有食材撈埋一齊,味道真係超級濃郁 🥩主菜就係精選拼盤:《JJJ Premium Butcher's Cuts》 - 拼盤包括USDA Prime級45日乾式熟成肉眼、2款 USDA Prime牛扒,以及韓式醬醃牛肋骨,再加一盤生菜,可以包住牛肉一齊食,感覺冇甘油膩😋 而且店員仲超有心機係我同朋友面前烤熟D牛肉,同用心解說食法,真係感到窩心🥰 🍛JJJ Beef Rice招牌鍋飯 - 店員會再即場將牛骨髓精華加入蒜片撈入牛肉炒飯裹面,未食飯已經聞到非常濃郁嘅牛肉味,真係望到都口水都流💦 🍨甜品 - 最後就係自家製雪糕,有四款自家製雪糕可以揀,我地就揀左薑味🫚同米酒 🍶口味,兩款都非常高質,口味特別又好味,感覺清新💕 最後我地仲叫左一支餐廳自家製嘅人蔘酒,非常清甜,食完濃味嘅韓牛肉BBQ,飲返幾杯人蔘酒,幫助消化,今晚餐飯真係食得好滿足💗更多