【一起走過】逢星期六晚資深電視劇製作人 #楊紹鴻 夥拍同樣係電視台出身嘅 #江美儀 主持 #香港電台第一台 節目《一起走過》,邀請舊雨新知暢談演藝圈嘅流金歲月。 第二集嘉賓請嚟 #鄧萃雯 坦述入行緣由,以及容易戲假情真嘅原因。演活 #如妃娘娘、#四奶奶、#九姑娘 等經典角色嘅雯女80年代經電視藝員訓練班入行,原來當年係由四大天王其中一位提名而考入藝訓班?雯女話,自小成長缺乏愛,自己一直好想離家出走,從小希望盡快投身社會,獨立自主生活。 雯女一出道隨即獲選擔任古裝電視劇《薛仁貴征東》第一女主角,當年該劇大受歡迎,自覺幸運,但原來電視台化妝大師陳文輝曾直言雯女非常唔適合拍古裝劇?何解?雯女喺節目中大方分享舊情史,究竟邊位男演員對佢嚟講「亦父、亦師、亦友」三合一,令雯女自然好「仰慕佢」而「撻着」? 聽晚(9月5日)10:20pm,約定你一同見證雯女走過嘅演藝光輝歲月! ==================== 《#一起走過》逢星期六10:20pm – 12am,香港電台第一台 RTHK Radio 1播出。 rthk.hk/radio/radio1/programme/walk_along (照片於較早前拍攝)