係香港，其實大部份既人都唔會好主動咁轉換強積金既供應商平台，多數都係一開始時用邊個計劃就唔理好醜咁一直用落去。最多都係好久唔久轉下計劃入面既基金。而最多香港人用的強積金供應商平台，就係宏利喇。想知道自己用緊的供應商有幾多人一齊用緊，可以睇番我地之前條片。
講番宏利，如果你公司揀咗宏利做你的強積金供應商，其實你公司都已經好醒，揀左現時成個強積金平台入面管得最多資產既強積金計劃畀你，但咁樣唔代表你就會揀到計劃入面好既基金。因為宏利既強積金計劃係全香港最多基金選擇既強積金計劃，一共有成30隻比你揀!其他供應商大部份都只係得十幾隻畀你揀，第二多的就係AIA，都有成25隻畀你揀，最少選擇個間海通的計劃就得7隻。
當然唔係選擇多就好，最緊要係隻基金做得好過對手。咁你對住張mpf供款表上面咁多隻基金，可以點入手去揀呢？
大家揀基金首先要將面前30隻基金去分類，係合適的類別入面再睇。我地之前的影片都有講過，基金大致可分為保守、保證、債券、混合資產、股票等幾大類別。想重溫呢條影片的內容，可以click入右上角條link。然後根據自己的風險承受能力，同埋對市場的判斷出擊。如果你唔識分，可以上MPFA的網站(https://mfp.mpfa.org.hk/eng/mpp_list.jsp)，係scheme個度揀宏利，再係fund type度揀你想要的分類，佢就會幫你分好晒。
宏利30隻基金入面，最多人買的頭10隻基金，係10月底總共已吸金近1900億元，佔香港整體MPF總額近20%。係個表可以睇到，第一位係中華威力基金，有成298億；2017年先推出的核心累積基金，都躋身上第十位，吸金近100億元。
宏利的股票基金總共有9隻，睇十年的累計回報，當中有3隻基金都已經做到倍升，包括北美股票基金、康健護理基金、同埋國際股票基金，分別累積升咗177%、134%及103%。
睇完絕對回報，都要睇番相對回報。宏利有幾隻股票基金都做得唔錯，係同類別內排名都幾高。當中好似隻國際股票基金，在同類別內的表現排名一直名列前茅。截至今年10月底，宏利既國際股票基金在10年期和3年期的同類表現中排第一，而1年期和五年期的同類表現則排第2。
可見該基金的表現穩定突出。過去10年中有8年都跑贏同類別中位數，當中有兩年(包括今年至10月底)更是人地蝕錢佢都可贏錢。該基金的管理方法穩健， 由季度報告我哋見到佢現時的國家分佈比例和參考指數差不多。但特別處在選股中反映。頭5大的持倉也和指數一樣，只是比重有少許分別，但頭十大持倉只有2隻不是科技股，可見基金經理投資集中。 10年累計回報高達103%，不論絕對回報，還是相對回報，都很好。
宏利強積金平台最出名既一定係佢隻康健護理基金，佢係全個強積金平台上唯一一隻醫療行業基金，亦都係成個強積金平台上唯一一隻單一行業基金。佢係過去表現都好強勁，宏利mpf現在咁盛大，部份都係因為康健護理基金，佢的基金規模已經去到284億元啦，係宏利吸金力第二大的基金。但點解我哋唔一開始就介紹這隻基金呢？
因為單一行業係有周期性，好似今年2020年，因為covid-19關係，醫護行業好熱鬧，各國不斷生產口罩又研發新藥，但宏利隻康健護理基金年初截至10月底的表現跌近4%，反觀宏利既國際股票基金升3.4%，隻北美股票就升近10%！
宏利既美股表現今年係同類別內排第二，不過，睇3年和5年時期，宏利美股表現就只係中等。
宏利既歐洲股票基金可謂鶴立雞群，係同類別內，無論係1年、3年、5年同10年表現都係同類別冠軍！雖然歐洲既整體經濟以及股票都令人憂慮，但如果你今年初居然買咗歐洲類別基金的話，宏利都幫你賺到錢呀，其他供應商的歐洲股票基金1-10月都下跌超過10%，表現最差的AMTD跌近24%，但宏利歐洲就升咗3%。10年的累計表現仲有成61%，簡直係逆市奇葩。黎緊我地會有片剖析呢隻基金點解會咁勁，大家唔好諗啦，即刻subscribe咗我地的channel先，咁就唔會錯過喇。
至於宏利既香港股票基金，雖然唔係第一，但一直排名都比較前，各位如果有本土情意結，真係好想買港股既，佢過去10年都升咗49%，表現不過不失啦，但其實只要放眼世界，宏利強積金計劃有好多野比你揀。
各位剛剛打工既年青人，要小心宏利個計劃上有一堆基金選擇係唔適合你。點解咁講，因為宏利既強積金平台係有大量既target date fund。呢d基金都歸類入混合資產基金度，但點解唔適合你呢? 例如宏利MPF2025退休基金，即係畀打算2025年退休既人買既，你2025年退唔到休就唔好買喇。因為愈近退休，個基金的風險就會降低，回報亦會相對下降，如果你仲後生，自然唔啱你。
點樣睇果隻係咪target date fund 呀？基金名稱上有個年期的就是target date fund。依家有6隻係target date fund ，包括2020退休基金、2025退休基金、2030退休基金、2035退休基金、2040退休基金、同埋2045退休基金。
宏利多退休基金有一個問題係佢d入職時揀基金既表格要不斷更新。因為舉例mpf2025退休基金，係2025年最後果日就會無左，因為預d人退左休拿左錢走，咁未拿走的錢點算？佢會撥入隻智優裕退休基金，smart retirement fund度，呢隻都係混合資產基金黎。本來隻2025退休基金就會關門大吉，如果你用張揀基金表係舊既，仲有這隻基金，而你又揀左，咁你既選擇就會作廢，而被迫買入懶人基金。不過，就算買咗懶人基金都沒有問題，最重要的是分散投資，最好唔好只買一隻。
各位記住，投資唔係賭博，唔洗一注獨贏。可以參考我哋講既1/3法則，又可以揀多幾隻自己鍾意既基金，又可以分散風險。
總括而言，宏利升到做mpf第一係有一定的實力嘅。比起其他計劃，佢歐洲近年表現係超晒班，而隻國際基金亦數一數二，護理基金更係獨市。但如果你係睇好大中華嘅話，或者睇好美國，佢呢兩隻表現相對同業其實一般般，同類別中位數差唔多，有時仲會差過。
想提早退休? 想提高每月的被動收入? 有沒有回穩陣的收息股?
數以百萬計的投資者正運用股息為自己和家人創造持續現金流收入，累積財富。
您想成為其中的一份子嗎？
我們撰寫的《必須收藏的收息股投資指南》電子書就會分享獨特的收息股選股模型，並用實例教您挑選出真正可長期持續派息的收息股及揭示必要避開的收息「陷阱」。
要知道更多打造穩健收息投資組合的竅訣，請立即按此免費下載！
本文所提供的信息僅供一般參考之用，並不構成任何個人化的投資勸誘或建議。作者沒持有以上提及的股票。
HK MoneyClub (www.hkmoneyclub.com)
