攬炒派嘅政治理念真係好飄忽㗎。被DQ立法會議員資格嘅劉小麗2018年加入工黨，幫手擠走仲係民協中人嘅馮檢基，以欽點工黨李卓人空降做自己參加立法會九龍西補選嘅Plan B，結果嗰次選舉攬炒派輸咗，工黨越撈越唔掂，噚日劉小麗仲宣布退出工黨。中文大學「獨」講師劉正就喺facebook專頁「無神論者的巴別塔」中形容，呢啲咪叫「利窮則散」囉。
劉小麗噚日話，自己「一直希望能為工黨增添力量」，但因為「各種複雜的問題」，見無效就決定退出工黨，「以另一種方式在民主路上合作」喎，真係唔知個情況點解會複雜到要退出再合作嘞。
「無神論者的巴別塔」隨即出post形容係「利窮則散」，佢揶揄︰「當日加入工黨只為令李卓人打尖成為Plan B，杜絕馮檢基舉行『飯民初選』要求。結果人又被DQ、補選又輸×埋，『飯民初選』仲要全軍覆沒，而（）家退黨，遲咗啦。」
「Yat Ming Ha」就留言︰「『飯民』搵件真心做嘢都冇！真係×佢老×！」「福明」揶揄劉小麗可以「專心炒樓」。「Adrian Mak」就話政圈就係咁運作︰「咁就明白點解乳鴿唔離開白鴿黨（民主黨）， 無他，有黨資源嘛。」 ■香港文匯報記者 甘瑜
評論