祖藍捱義氣 幫獎門人頂更

無綫劇集《老表，畢業喇！》本周進入結局篇，昨日一班演員包括王祖藍、林欣彤及羅天宇等身穿畢業袍，到尖沙咀鬧市影畢業照宣傳，吸引大批途人圍觀。

《老表》即將大結局，王祖藍表示不捨，他透露今次是結局前最後一次宣傳，一班演員打算在結局後開派對，但暫時未有計劃再開拍「老表系列」，他說︰「暫時唔會喇，因為好吃力，而且下半年要做其他嘢，（造人？）就算未有BB都要搞第一套執導電影，同埋自己有份投資嘅長劇。」

談到曾志偉有意趁無綫50周年台慶重做《我愛EYT》，祖藍表示碰巧福祿壽（李思捷、王祖藍、阮兆祥）十周年，將會幫獎門人「頂更」。「獎門人原本話做十集，但突然又叫我哋福祿壽頂五集。」

林欣彤拍劇驚累街坊

另外，問到首次演出的林欣彤（阿Mag）會否再拍劇？阿Mag稱若有合適劇本，而大家對她有信心都想嘗試。她笑說︰「當初拍劇時，都有同老闆講驚累街坊。」對於自己表現，阿Mag嫌自己太緊張。「有時比較長嘅對白就過分緊張，只顧不停背對白，怕連累大家遲收工。」阿Mag又表示今年暫時只推出了一首歌，明年會多放時間在音樂上，也有計劃開演唱會。

採訪︰Pauline

編輯︰林梓添

設計︰招潤洪