20萬瀏覽　網民叫張彥博劉佩玥組情侶檔

無綫熱播劇《一屋老友記》除咗幾位主角備受注目外，其他演員都相繼彈出人氣急升，好似「細寶」張彥博同「星辰姐姐」劉佩玥咁，佢哋之前一齊喺Facebook即興玩Live Jam歌，一日就有愈20萬瀏覽，唔好睇少20萬次瀏覽，好多明星開Live都未必及得上佢哋，而且網民唔係齋聽，仲好踴躍咁不停留言，足足有8千幾個留言，認真厲害。

當中有唔少網民留言話覺得佢哋好襯叫佢哋「在一起」，仲有好多網民當正張彥博同劉佩玥係歌手咁樣，不停留言點歌叫佢哋快啲再開Live唱多啲歌，網民反應咁激烈，睇嚟張彥博同劉佩玥真係可以考慮吓食住個「情侶」勢出隻碟都應該會有好成績。