美國媒體《Gazette Review》之前公佈「全球最帥美男TOP10」，千祈唔好以為「全球最帥美男」一定淨係得外國人，頭10名入面竟然有大家熟悉嘅亞洲人面孔！究竟點先可以入選做最帥美男？當然外表、名氣、頭腦都要有返咁上下！我哋一齊嚟睇吓頭有邊個啦！
登入 瀏覽本網站，可獲取積分換領專屬優惠
點擊查看專屬優惠
唯一亞洲面孔：金柾國
首先要為大家揭曉嘅係呢次榜上唯一嘅亞洲面孔！佢就係韓國男團BTS嘅金柾國啦！喺名單還未出爐嗰陣，大家都以為今次上榜嘅會係成日登上美男榜嘅同團成員V，但係結果竟然係忙內柾國入選，仲要登上咗十大美男嘅第九名，令到好多粉絲都又驚又喜！
帥哥排行榜常客：Zayn Malik
前One Direction成員嘅Zayn Malik一直都係全球帥哥榜嘅常客！雖然之前同超模女友Gigi Hadid分手之後又即刻復合，又喺分手期間出現一啲桃色風波，但憑藉著佢呢一張帥到不行嘅臉蛋，擠進全球最帥美男第8名絕對冇問題！
雷神上榜：Chris Hemsworth
首先出場嘅超級英雄係大家都好鍾意嘅Chris Hemsworth！Chris粗獷又性感嘅外表加上結實到不行嘅肌肉線條，令到好多女仔深深為佢著迷，加上喺雷神入面嘅精湛演技，令佢喺全球最帥美男中獲得第6名！
成熟型男：Johnny Depp
演技精湛嘅Johnny Depp當然榜上有名！最近以電影《怪獸與牠們的產地2》再度引起矚目嘅成熟型男Johnny Depp喺呢個排行榜上榮登第4！不得不說強尼戴普真係人生勝利組，後生嘅時候已經超級靚仔，老了之後就有獨特嘅熟男韻味，見到佢榜上有名完全唔令人驚訝啊！
成熟韻味：George Clooney
同Johnny Depp 一樣係愈老愈靚仔，愈老愈有韻味，所以輕鬆登上全球最帥美男嘅第3名！超深邃嘅五官加上帥帥嘅小鬍鬚，還有超精湛嘅演技，絕對係大叔控嘅最愛！
英雄代表：Chris Evans
美國隊長！其實一啲都唔意外，美國隊長輕鬆得多第一名！清澈嘅藍眼睛、高挺嘅鼻子同精壯嘅身材全都令人無法抗拒，絕對係實至名歸！仲要拍埋復仇者聯盟嘅電影，又打得，又演得，又拍得，又睇得，仲有邊個夠佢嚟！