炎明熹露腰袭中环　被封暴风女神

歌手炎明熹（Gigi）近日推出新歌《还有一艘救生舱》，粉丝为她安排了巴士应援，今日（28日）Gigi现身中环参观巴士，现场有近2百粉丝冒雨到场支持。

以露腰装上阵的Gigi，甫到场即表示要大家下雨天出席感到不好意思：“我个Fan Club出咗个晴天Gigi，类似系晴天娃娃，因为我10次有8次出活动都落雨，佢哋叫我做暴风女神，真系好应验，我会少啲接露天嘅工作，哈哈，讲笑！我之前个演唱会有谂过喺西九嘅室外场搞，但谂到4月都系经常落雨，所以都系唔好博。”她又指试过在内地商演时遇上下大雨，就算撑遮也没有用，最后她在没有撑遮下献唱，她有感气氛还不错，但就辛苦了观众。

另外，问她为何选择星期天在外籍工人姐姐聚集的中环区打卡应援巴士，她笑言如果可以吸纳他们做粉丝也不错，又谓要跟他们打招呼，并随即唱了几句印尼歌，她解释：“我以前有个印尼嘅工人姐姐照顾我，佢对我非常好，佢依家喺亲戚家打工，我都想同佢合作。（合作唱歌？）佢唱歌好好听，佢经常唱K，所以我记得佢唱嘅印尼歌，我要打开印尼巿场，好好加油。之前有个菲律宾影帝嚟香港，好多姐姐锺意，我都要向佢学习。”

她透露前一晚刚由汕尾返港，前往乘高铁途中，因暴雨而大塞车，赶到高铁站发现班车延迟，最终凌晨2时多才回到家：“我真系未见过世面，今次见到有消防员用救生艇去整渠，我都想落车睇吓，我将来屋企都要自备救生艇，真系《还有一艘救生舱》，哈哈！”讲到好友姚焯菲（Chantel）返港两周后又离港，她坦言只在演唱会见到对方：“我喺后台有同佢倾偈，后来林智乐有问我一唔一齐同Chantel食饭，但我返咗鄕下，所以去唔到。”