【獨媒報導】垃圾徵費「先行先試」計劃已展開一個月，領導跨部門小組監督整體「先行先試」計劃的政務司副司長卓永興，他表示「初步都睇到存在都好多問題喺度」：「我哋覺得呢，如果我哋行垃圾徵費嘅時候，一定要有市民大眾共識同支持，因為呢個係影響到全香港700萬人，直接影響嘅一個政策嚟，不能夠係好⋯⋯必定要各方面條件成熟，推行先至可以順暢。」
政府新聞處圖片
受工聯會邀請到倫敦大酒樓 探訪飲食業前線工人
今日是五一勞動節，多名工聯會領導層包括會長吳秋北、榮譽會長林淑儀、理事長黃國及立法會議員郭偉強等，今早與受邀的卓永興到旺角倫敦大酒樓探訪飲食業前線工人，了解行業現況。
在見記者時，卓永興表示，其領導跨部門工作小組已召開多次會議，但強調先行先試計劃尚未結束，小組會在結束後向其提交報告。不過，他承認垃圾徵費「先行先試」初步已見到存在很多問題，重申如要正式推行垃圾徵費，必定要取得市民大眾的共識和支持，
政府新聞處圖片
被問飲食業經營困難 卓永興：要自強不息
至於被問到本港近日出現結業潮，有飲食業表示，經營困難，當局如何協助基層勞工。卓永興則稱，消費者很精明，指北上消費需要付出時間，「都要交通㗎嘛」。
卓永興相信，本港飲食業要自強不息，「好嘅地方不愁無客」，認為每人振興經濟的責任，並不擔心行業前景不好：「香港嗰個飲食業優勢喺邊呢？乜嘢飲食都有，東南亞又有，歐洲又有，乜嘢都有，當然大江南北都有！但最緊要自己做好服務，最緊要出品。」
政府新聞處圖片
另外，卓永興又參與製作蝦餃，及使用洗碗機。卓永興在見記者時稱，感受到社會運轉、繁榮，「係一定要勞動者付出同埋貢獻」，指點心師傅很早便要上班，樓面體力勞動亦相當大：「今日我係特登嚟向勞動者致敬，亦都希望佢哋謹守崗位，貢獻我哋香港嗰個繁榮，幫我哋為市民帶嚟幸福感。」