మోదీపై వ్యతిరేక ప్రచారం.. జైలుపాలైన ఉపాధ్యాయుడు

పట్నా: విద్యార్థులకు మంచి చదువు చెప్పాల్సిన ఓ ఉపాధ్యాయుడి ప్రవర్తన వివాదాస్పదమైంది. ప్రధాని మోదీ (PM Modi)కి వ్యతిరేకంగా ప్రచారం చేశాడు. దీంతో అతడిని జైలుకు తరలించారు. పోలీసులు తెలిపిన వివరాల ప్రకారం.. రాకేశ్‌ కుమార్‌ బిహార్‌ (Bihar)లోని ఓ ప్రభుత్వ పాఠశాలలో ఉపాధ్యాయుడిగా పని చేస్తున్నారు. విద్యార్థులకు పాఠాలు బోధించడానికి బదులు ప్రధానికి వ్యతిరేకంగా ప్రచారం చేశాడు. ఉచిత రేషన్‌ పథకం కింద పేదలకు ఇస్తున్న బియ్యం తినేందుకు ఉపయోగపడట్లేదని, మోదీకి ఎవరూ ఓటు వేయొద్దు అంటూ తరగతి గదిలో చెప్పినట్లు ఆరోపణలు వచ్చాయి.

పార్లమెంటు భద్రత.. రంగంలోకి 3300 మంది ‘సీఐఎస్‌ఎఫ్‌’ సిబ్బంది

టీచర్‌ మోదీకి వ్యతిరేకంగా మాట్లాడిన విషయాన్ని విద్యార్థులు వారి తల్లిదండ్రులకు తెలియజేశారు. దీంతో వారంతా ఉపాధ్యాయుడికి వ్యతిరేకంగా పోలీసులకు ఫిర్యాదు చేశారు. కేసు నమోదు చేసిన పోలీసులు రాకేశ్‌ను అరెస్టు చేశారు.