今日起至未來七日，係香港有史以來廿四小時全天候不可以在餐廳進食😁 我哋依啲上班族👨💼無得work from home只可以叫外賣🥡但係好多餐廳人手問題，我只可以提供外賣自取，我哋分行差不多30個人👫🏻👬👭 所以今日提早10:30落order，電話落單九折，如果OpenRice落單有三款特價飯$25-$31可以話...非常抵食😍但係我哋需要有單據claim公司錢，所以只可以電話落單九折！ 等外賣嘅人，人山人海，限聚令只可以二人同行，但係我要攞29個飯+湯+飲品，所以遠離另外兩位同事🤓佢哋外賣真係做唔切... 撞到裏面啲員工發晒脾氣，都唔係太影響市道呀(對佢哋嚟講） 11大袋，拎到我傻🤪 其實都幾好味😋不過杯嘢飲🧃就唔係我想飲果杯，啲一粒粒有啲怪怪地😖 $2817 都算係大單啦🤩更多
一人套餐包括一份主菜、小食和餐飲，價錢由$78-$118不等，兩個人埋單唔洗$200，無加一服務費，整體係幾抵食。 青木瓜絲沙律、香茅雞翼 青木瓜絲沙律味道酸酸辣辣好開胃，清涼得黎又好爽口，我地加左d落Pad Thai一齊食，酸酸味味非常夾。香茅雞翼有驚喜，一撕開熱辣辣，肉汁豐富有嫩滑，配埋Sweet Chilli醬好好食。 ... 泰式招牌咖喱雞飯 $88 黃咖喱辣度屬Mild程度，非常易入口，椰奶味和咖喱味平衡得幾好，香滑同時有咖喱的辛辣味，撈飯一流，飯量偏多，再軟熟d會更好。配料種類多，可選牛筋腩/雞肉/雜菜/豬頸肉/蝦球/鴨，而我每次都會揀咖喱雞，特別中意呢度會先將雞塊煎香，令味道更香、更有口感，肉質嫩滑，份量亦不少，數一數大概有7-8件。 泰式蝦球炒金邊粉 $98 朋友想點麵食，無理由唔叫炒金邊粉:P 蛋網炒金邊粉以心型碟呈上，搞笑得黎又有份小心思；麵質煙韌有嚼頭，係我喜歡的口感，醬汁酸酸甜甜，配料有蝦球、豆干，經典得黎味道不錯。更多
點解會認識哩間泰式餐廳，係因為幾年前喺澳門美食節食過佢既海南雞飯，一直念念不忘😍😋 返到香港哩幾年都成日食佢，今次喺中環唔知食乜又令我諗起佢，同朋友叫左兩個1人套餐，唔洗諗paytern就最好😂 套餐包一款小食及飲品，都幾多選擇。 · ☆ 米芝蓮海南雞飯 HKD$90 配泰式青瓜沙律、泰式清雞湯 哩度同澳門食到嘅味道差不...多，個人對於海南雞既評價，特別在於佢既油飯🍚 油飯金黃色，雞油香味濃郁但不會過搶，海南雞肉質鮮嫩，冰凍後喺肉同雞皮中間有一層黃色啫喱，咬落令口感多左一層煙韌感🤩 · ☆ 原個菠蘿海鮮炒飯 HKD$118 店主話因為疫情衞生緣故，所以唔會用原個菠蘿上，咁我地以為會以普通圓碟代替，點知有驚喜😍 估佢唔到居然用心形碟上💓 即刻少女上身，真係好suprise店家咁貼心💕 炒飯份量頗多，細食既女士們兩個人開心share都足夠。 · 📍泰潮 中環嘉咸街7號地舖更多
過開中環做嘢、收工突然間想食泰國菜。上網一search、原來中環都唔少泰國菜。眾多嘅泰國菜當中，我就最揀咗泰潮。一嚟泰潮好評眾多，二嚟睇到餐牌價格都好相宜。未去到餐廳、我就已經揀好咗，要點晚市2人套餐B。 晚市2人套餐B，有一個湯、兩個小食、兩個菜、一個例牌海南雞、兩個飯、同埋兩件甜品。 咁多嘢食都只係$298，確係好抵。同埋...份量其實三個人食都足夠。 冬蔭功湯 湯有豬肉丸、大蝦同雜菌、都算係幾足料。湯嘅味道好好，但如果可以再辣少少就更好喇。 酸辣鳳爪 食酸辣鳳爪，我最驚就係太過辣。泰潮嘅酸辣鳳爪就剛剛好。而且鳳爪就住每一隻趾位剪開咗，一口一條，唔會話多咗幾隻趾會食到成咀都係。 泰潮海南雞 泰潮嘅皇牌菜，雞好滑好香，又唔見有脂肪。連埋雞皮入口完全無罪惡感。點埋海南雞用嘅醬汁，提升海南雞嘅味道。再配埋雞油香飯一齊食先係皇道。 雞油香飯 有得揀香油雞飯，當然會叫依個啦。粒粒飯都係金黃色，充滿住雞油嘅香味。可惜嘅係唔記得咗個2人套餐有招牌咖喱。早之應該叫一個雞油香飯、另一人叫絲苗白飯。 泰式炸蝦餅拼春卷 雖然單碟嚟睇份量唔算太多，但以整個2人套餐嚟講，其實就好足夠喇。蝦餅彈牙有蝦味。春卷就係齋春卷嚟，變咗唔會食太多肉，相對比較健康。 招牌咖喱 招牌咖喱可以點配牛筋腩、豬頸肉、或者雜菜。我哋點咗配豬頸肉。咖喱非常之香、同豬頸肉都好夾。豬頸肉好鮮嫩。唯一可惜嘅係我哋兩個飯都點咗雞油香飯，早知應該一個雞油香飯、一個絲苗白飯，咁就唔會浪費咗咁香咁好味嘅咖喱喇。 泰式蒜蓉炒雜菜 蒜蓉味好夠，係依一餐嘅蔬菜主要來源，整份菜都好好味道。 泰式甜品 甜品係兩件細細嘅椰汁糕、清甜好味。幫依一餐劃上完美嘅句號。更多
今晚同男朋友一齊慶祝搵到新工，搵咗間泰國餐廳順便懷念一下泰國旅行嘅美食，呢間餐廳嘅海南雞仲要拎到米芝蓮？！ . 我哋叫咗一份二人套餐👥$298，包8樣嘢都幾抵食喎！冬蔭公湯🍜非常多料，有貢丸、蝦、菇等等，酸辣味道都剛好。炸蝦餅🦐非常厚身多肉，外表炸得好脆，裡面又彈牙，good啊。青木瓜絲沙律🥗酸酸辣辣好開胃，涼拌木瓜絲好...爽脆。 泰潮海南雞🐔，皮薄肉嫩有雞味，配埋祕製醬汁真係好味道喎！招牌咖哩牛筋腩🐮，牛筋腩炆得好腍，咖哩汁較稀用嚟撈油飯都幾正！泰式蒜蓉炒雜菜🥬，有好幾款菜炒埋一碟，平衡下健康啲～最後個甜品以椰汁糕🥥作結，食得好飽啊！更多
中環嘉咸街街市中間有間食泰國菜既餐廳，原來連續九年獲得米芝蓮推介，當中泰式海南雞飯更加係招牌菜，同屋企人黎到叫左個二人餐，咩都有齊，小食﹑海南雞飯﹑湯同甜品，價錢唔貴，員工服務都幾好，非常友善同周到 . 2人套餐B $298 8/10 套餐B共有8款野食，冬蔭功湯非常足料，材料有鮮蝦、菇類、豬肉丸等等，店員會幫我地分好，湯份量大...約有2-3碗等，當中既豬肉丸係人手打造，爽口彈牙，而湯味道酸辣度適中，非常易入口 . 泰式酸辣鳳爪 鳳爪份量都係滿滿，幾好食，一來已經係冇骨，二來好夠爽脆，酸辣兼備，相當開胃 . 泰式炸蝦餅拼春卷 炸蝦餅大大件，口感彈牙，加埋泰式辣醬一齊食真係不得了，春卷都炸得唔錯，香脆可口，餡料多，不過較油膩 . 招牌咖喱牛筋腩 牛腩同牛筋炆得都算軟腍同埋入味，咖喱中既椰汁香味濃郁，味道唔辣偏甜，拌飯食一流 . 泰式蒜蓉炒雜菜 蒜蓉味道香濃，有雲耳、粟米、芥蘭、椰菜等，炒得絃入味同埋夠火候，唔會過老 . 泰式海南雞 到主角海南雞，已經去哂骨，有胸有雞脾兩個部分，食落啖啖肉，雞皮唔肥而且好薄同爽口，肉質嫩彈牙，唔會好乾，加上泰式辣汁一齊食，味道鮮美，布點微辣，非常惹味 . 大菜糕 以清清淡淡既大菜糕作結，味道唔會太甜，爽口清涼，好食更多
泰潮 - 潮食泰國菜 今天朋友介紹下得知一間榮獲米之蓮的泰國菜餐廳，店內一幅幅泰國風景、街道、夜市的牆畫，泰式的佈置，還有泰國常見的銀色金屬桌子，令人𣊬間疊身泰國之中。 冬蔭功湯 非常地道的冬蔭公湯，酸酸辣辣非常開胃，椰汁味重，而且足料得很，有大蝦、菇類和牛丸，豐富的泰式湯。 酸辣鳳爪 經典的泰式鳳爪，酸辣汁非常開胃。 ... 泰式炸蝦餅配春捲 熱騰騰炸至金黃色的泰式炸物，蝦餅彈牙，春捲香脆可口，再配上泰式辣醬。 泰潮海南雞配雞油香飯 招牌菜的海南雞飯，預先起了骨，吃起來時啖啖肉，雞皮滑、雞肉嫩，再沾上泰式酸辣汁，另外雞油飯十分香，配海南雞一流。 招牌咖喱牛筋腩 香濃的招牌咖哩汁，稠度剛剛好，充分掛在牛筋腩上，牛腩腍身入味，牛筋有膠質。 泰式蒜茸炒雜菜 蒜茸味超出，雜菜炒得夠鑊氣，而且爽口翠綠。 泰式甜品 最後有清新解膩的斑斕葉大菜糕作結。更多
要不是早前看了友人的食評，也不知道嘉咸街有間泰國餐廳，仲要係米芝蓮推介泰菜食府，所以已經即時 mark 低咗，趁這天要來舊屋打掃，就順便過來吃頓晚飯。 原來裡面嘅地方都幾闊落，全店以綠色為主調，裝潢光鮮，檯與檯之間有足夠空間，門口仲放咗部篤篤車，可以打卡影相，亦令到餐廳更添泰國氣氛！ 先睇下餐牌，原來晚市係以套餐為主，有多款...一人套餐，另外亦有二人及四人套餐。至於散點方面就有主食、沙律、輕食、泰式湯粉、泰式湯類、飲品及甜品等可供選擇。 我哋揀咗兩個一人套餐，每客套餐都會配有一款小食同飲品。 米芝蓮海南雞飯 ($90)：雞飯奉送泰式青瓜沙律同泰式清雞湯。跟飯的雞湯非常清甜， 完全無落味精，內有一大件軟腍入味的冬瓜。青瓜沙律酸咪咪又帶點辛辣，既美味又醒胃。雞件肉質甚佳，入口皮爽肉嫩，留有肉汁，加上已經去咗骨，吃起來啖啖肉，食得好滋味。金黃色的油飯亦很有水準，入口油香蒜香四散。 至於另一個一人套餐就點咗泰式炒金邊粉 ($98)：碟金邊粉賣相好靚，而且炒得夠曬乾身，入口爽韌分明，配上青檸汁的酸酸甜甜，加上材料豐富，有大大隻的蝦、豆干同芽菜，撈埋側邊嘅花生碎一起吃，惹味非常！ 每客套餐都配有一款小食，我哋揀咗泰式香茅雞中翼同串燒豬頸肉，雞翼大大隻，夠曬肉地，而且外皮十分脆口，香茅味仲好突出；串燒豬頸肉味道亦唔錯，食落爽口有肉汁，正！ 跟餐飲品有泰式奶茶、泰式檸檬茶或汽水可供選擇，如果想轉配泰式特飲，就要另加 $6。臨尾仲有甜品送，每人有一小杯椰青大菜糕，清甜爽口，入口透心涼。 餐廳不設加一，埋單唔使二百蚊，十分經濟抵食。更多
因為openrice做緊外賣自取，之前食過lunch真係覺得好鬼抵，而且知道質素如何，所以今日收工諗唔到食咩好，就醒起呢度，一於再幫襯！ 因為疫情應對措施嘅關係，雖然店仔細細，但每枱距離已經拉遠左，所以坐滿都只會得往日一半嘅客量，而且我嚟到嘅時候係包場。既然冇人，當然揀堂食啦！食得安心丫嘛！😂 唔係咩慶祝，所以就揀左最抵食...嘅一人套餐，同同事一人揀一款再share。 我揀左米芝蓮海南雞飯套餐，雞都有雞味唔會淋batbat，飯佢跟返泰式用啲泰國碎米，薑黃味好香，值得得獎嘅。雖然醬汁唔多選擇，但鍾意佢啲雞夠滑，而且佢個泰式青瓜沙律細細粒好易食，好岩我，又夠fresh。 同事揀左泰式青咖哩蝦球飯，青咖哩個咖哩底椰汁味好香偏甜少少，眼見蝦球都好大隻，而且超多甜椒，豆角果類蔬菜，好健康，咖哩唔太辣，送飯唔錯。 泰式酸辣鳳爪味道非常之正宗，無骨爽口仲幾大份，做開胃小食就非常好。 泰式香茅雞翼秉承泰式炸嘢style，都炸得幾出色，但係味道就相對比較普通。 椰汁冰嘅椰奶味豐富，用料充足。泰式香茅薑蜜就有豐富嘅herbs味，夠natural，加左奇亞籽，又健康左。更多
中上環一带想食泰國嘢都有好多嘅選擇， 今日揀咗去《泰潮》開餐， 在中環街市附近， 小巷仔入面。因為曾是米芝蓮推介， 覺得環境，食物，服務都有番咁上下。 餐廳樓面唔算好大， 小店模式， 裝修有啲舊香港嘅感覺。餐廳也提供二至四人泰式套餐， 平日六點过後仲有七折優惠。揀咗这款二人套餐$268， 有湯 ，菜，咖哩， 招牌海南雞，甜品，炸...物同白飯， 相當抵食。這款海南雞飯份量唔少，差唔多有四分一隻。 雞味濃， 肉質夠嫩滑，雞皮又夠爽....更多
