【Viu】姜濤上個月24號飛咗去美國拍戲,今日終於喺新加坡轉機返香港,現場有近40名fans守候姜Admin,而機場職員亦事先將旅客返港嘅圍欄加濶,以免姜濤現身時做成大混亂。黃昏6點半左右,姜濤由工作人員陪同下步出抵港大堂,身穿黑色連帽外套嘅佢,只露出一雙迷人嘅眼,當fans大叫:「姜濤」時,佢都禮貌咁揮一揮手,然後就跟機場職員快步行去抵港隔離酒店嘅分流區域,而為免引起混亂,職員安排姜濤行職員通道,令佢唔使同其他抵港人士排隊等候去隔離酒店。由閘口去到離開,全程10分鐘內完成。
姜濤全黑型爆返港直接隔離 IG窩心報平安:「I’m back」