林襄「骷髏身材」再掀熱議　瘦到冇波竟然關時裝周事

台灣啦啦隊女神林襄，憑E Cup導彈胸及甜美外貌搶盡眼球嘅佢，人氣紅遍亞洲地區，不過人紅自然是非多，繼加盟「小龍女」被唔少網友批評隊服唔襯、人氣下滑後，體重僅剩83磅嘅佢，唔止畀網友圍插係「骷髏跳舞」，更引嚟粉絲擔憂佢嘅健康狀況，直言：「她不是前陣子看起來還很正常嗎？怎麼突然這麼瘦……」而林襄本人亦親自留言道：「92磅的時候……（時裝周這時候）大家說我不敬業。」

原來去年10月參加時裝周行騷嘅林襄，唔止「肉色套裝」掀起熱議，就連92磅嘅體重都畀網友嘲諷「不專業」，隨着林襄嘅言論曝光，引嚟唔少網友安慰道：「真心覺得說你不敬業的人一定都比你胖！你這樣真的太瘦了，不是你的粉絲看了都心疼！」、「健康就好！」、「不該你承擔的事就別理會了。」、「雖然我也不是你粉絲，但覺得你不用為了酸民的言論犧牲健康。」