小曼谷海鮮燒烤屋

營業中

休息中

而家機票仲係好貴，唔使飛去泰國，九龍城都可以食到地道正宗嘅泰國菜，CP值高！講緊嘅係 小曼谷海鮮燒烤屋，侍應一般都係泰國姐姐，好似去旅行咁好有親切感。餐廳仲要有室內同埋 很 chill的戶外座位。我想聽Live Band 所以揀咗冷氣室內位置。食客興致勃勃仲可以點唱添。泰式燒豬肋骨泰式ribs 配搭下片，惹味可口，飲啤酒一流！泰式燒豬肋骨燒至金黃香脆，肉質鮮嫩多汁，新鮮熱辣出爐，咬落口感爽彈，大大條，結實清爽，配上甜辣醬汁更能增加風味。還有我最喜歡的泰式蝦片，人氣地道小吃，特色香脆可口。椰汁冰椰子香味濃郁，清爽冰涼，飲落令人有爽朗清新的夏天感覺。泰式風情薄餅(泰國臘腸芝士蕃茄仔）泰式風情薄餅充滿芝士香味，泰國臘腸、芝士、蕃茄仔味濃，薄餅爽脆，外層香脆增添不少惹味。泰式干炒海鮮米粉泰式干炒海鮮米粉加入大量海鮮配料，綿密又有口感，輕點泰式醬汁，鹹甜濃郁，海鮮味濃厚，入口惹味，突出香濃。椰汁西米糕拼泰式千層糕椰汁西米糕內裡煙靭，泰式千層糕口感有點像年糕，味道微甜，用上椰汁作調味，再加上顏色清新，樣式靚靚，打卡又得，下一次我都會再黎食啊！今次同朋友食咗2個鐘，服務幾好，主動換碟，又唔會趕客人走

小曼谷海鮮燒烤屋琴日食唔到「聯發」去咗轉個彎食「小曼谷」，九龍城出名勁多泰國菜食，唔一定要食拒絕輪椅人士入去嘅「聯發」！呢間「小曼谷」門口都係有一級，又係出動我塊斜板嘅時候，入到去老闆娘熱情招呼我，呢度下午茶都只係$49，加小食都係$29，我哋就叫咗2個下午茶食！1.冬陰牛腩湯河粉 配泰式冰奶茶$49（9.5/10）呢碗湯河係用咗冬陰功做湯底，牛腩都有7舊，每舊都好淋身，入面仲有生菜同秀珍菇，再配埋泰式奶茶就掂哂，其他泰國菜餐廳大多數泰式奶茶要加錢，呢間唔洗加，仲唔會好甜，正！😋😋😋2.泰式豬頸肉炒飯 配泰式龍眼冰$49（9/10）呢碟炒飯炒得好香，炒到d飯粒粒分明，將雞同蔥一齊炒，仲有成10舊豬頸肉添，再配埋泰式龍眼冰掂哂，其他泰國菜餐廳大多數龍眼冰要加錢，呢間唔洗加，仲唔會好甜，入面仲有成約10粒龍眼肉，正！👍👍👍P.S：臨走老闆娘影咗我塊斜板相，佢話佢要幫餐廳買返一塊比其他輪椅食客方便入嚟食野，呢個行動值得讚，塊板其實唔係好貴，你哋少少改變令其他人方便d，咁先係配得起「無障礙環境」呢5個字，「無障礙」唔係口號，要大家一齊努力！2人總共價錢$98個人口味總評分：9.25/10@mi

終於有時間約友人去九龍城食泰國菜啦！全場爆滿，等位都等咗陣先有位坐，環境大又舒適，餐牌款式選擇多[ 串燒拼盤B $122 ] 一盤串燒有 雞全翼 (1串)、地道燒臘腸 (1串)、豬 (1串)、牛 (1串)、雞 (1串)、雞腎 (1串) 燒得香口夠哂惹味，每串肉質嫩滑厚肉，熱辣辣香噴噴，要埋個沙嗲醬一齊食就好正即叫即炸嘅 [ 泰式鐵板蠔餅 $138 ] 份量超多好大碟，香噴噴熱辣辣，炸得好酥脆，濃郁嘅蛋香味，大大粒肥美蠔仔好新鮮，仲配埋個辣椒醬，食得更惹味聞落超香蒜蓉味嘅 [ 牛油蒜蓉燒扇貝 (兩隻) $118 ] 口感鮮滑爽嫩，又厚肉又肥美，鮮甜好味[ 鐵板豬頸肉煮椰菜苗 (馬拉盞) $118 ] 豬頸肉入口鬆軟、香口又惹味，仲唔會乾身，椰菜苗夠入味，食落充滿泰國風味開胃小食有 [ 泰式酸辣鳳爪 $98 ] 份量好多，酸酸辣辣，無骨鳳爪爽口彈牙，食到停唔到口。份量超多，超大兜嘅 [ 炸蝦片 $24 ] 勁香脆，好味到停唔到口食泰國菜，飲品當然就揀 [ 椰青 $49 ] 清甜口感，飲完仲可以食埋啲椰肉就最正；另一杯係 [ 珍多冰 $42 ] 清涼解渴好飲小曼谷海鮮燒烤屋九龍城太子道西39

冬蔭海軍海鮮部隊鍋。這道料理以新鮮的海鮮為主，湯底鮮美，味道濃郁。海鮮的選擇多樣，有蝦、蟹、貝類等，每一口都充滿了鮮甜的味道。湯底的香味散發出來，讓我胃口大開，非常適合和朋友或家人一起分享。接著，我試了他們的葉辣椒豬肉碎燴飯。這道菜以豬肉碎和辣椒為主要材料，口感香辣鮮嫩。豬肉碎與辣椒的組合非常搭配，味道鮮美。這道燴飯的米飯蓬鬆香甜，配上豬肉碎和辣椒的味道，讓人一口接一口。最後，我品嚐了他們的燒烤雞腎、雞軟骨和雞脾菇。這些燒烤料理都經過精心調味和烹飪，口感鮮嫩多汁。燒烤雞腎的質地彈牙，帶著微妙的香氣；雞軟骨的口感酥脆，吃起來非常有嚼勁；雞脾菇則帶有濃厚的菇香味，非常美味可口。

講到食泰菜，一定有聽過小曼谷，今日經過九龍城附近又好想食泰國菜，就捉左男朋友食呢間，佢地有分戶外同室內，內外都同樣咁有風味，仲有駐場歌手係度唱歌，好有feel 架！ 🟥生蝦刺身簡直係我至愛既泰國菜式，去親食泰國野必點，生蝦刺身溝埋個醬夾埋辣椒同蒜頭一齊食，又開胃又滿足～～新鮮好食！ 🟪冬蔭功（小）都係食親泰國菜我都必飲既，佢下面有火keep住熱，味道酸辣酸辣咁，亦都帶有少少椰香，都入面亦都好足料，有大大隻蝦同菇，好好味🥰 🟩 香葉辣椒豬肉碎炒飯（配荷包蛋）大大隻荷包蛋鋪係面，好吸引，而且炒飯飯粒，粒粒分明，而且夠香口。飯量亦都好多，我地兩個一路食都話呢個好抵食！食埋個飯感覺好滿足😝

依排九龍城泰式餐廳嘅飲品都係咁買一送一幾多到我又再幫襯多一次泰式餐廳。我叫咗杯西瓜沙冰$38，西瓜沙冰清涼解渴，西瓜味道濃郁，再加上買一送一嘅優惠，真係超值又好味。嘢食方面，今餐我係咁叫雞，先叫左個泰式酸辣鳳爪，配上酸辣的調味汁，帶出一種獨特的泰式風味。我選擇了少辣口味，但仍然帶有一點辣味，十分開胃。然後分別叫左一個小曼谷五星燒雞同海南雞飯。燒雞皮脆肉嫩，配上獨特嘅泰式醬汁。飯粒軟糯，配上嫩滑的海南雞肉，好食。但佢嘅海南雞醬有啲特別，唔同於一般嘅海南雞醬，佢係得一種醬，而且帶有少少花生味道。

九龍城呢間泰國菜嘅招牌好顯眼，每次睇到都被它吸引來。打開餐牌，見到有好多好吸引嘅泰國菜。點咗個蝦片，非常香脆。在這個帶點寒意既天氣，最適合吃熱辣辣既餸菜，今次點了冬蔭辣酒煮東風螺和青咖喱雞。東風螺的口感不錯，配上惹味的冬陰功湯汁，令人食唔停。青咖喱雞用上了很多香料，味道豐富，甜甜辣辣，撈飯食一流。依家飲品做緊買一送一，超抵，我哋叫咗西瓜汁， 好fresh，好適合去泰國菜。呢晚餐廳仲有live music，氣氛超好。

📌 小曼谷海鮮燒烤屋到九龍城食泰國菜嘅熱門餐廳😚餐廳菜式選擇豐富，由泰籍廚師主理，味道正宗，泰式小食、燒海鮮同主食應有盡有🥢🔖［ 泰式醃燒豬頸肉沙律 $128］想食豬頸肉，又鍾意食沙律🥗呢個係最佳配搭大大片嘅豬頸肉邊位有少許焦香份量亦有驚喜，足夠3-4人分享配上新鮮沙律菜及惹味酸辣沙律汁，辣度可自選，相當醒胃🔖［ 黃咖哩雞肉 $108 ］黃咖哩亦係特色之一，味道微甜帶椰子香係食泰國菜至食到嘅風味😚咖哩質感濃稠，配飯配薄餅同樣適合✨配料有洋蔥、薯仔等🥔🔖菠蘿雞肉炒飯 $108將新鮮菠蘿加入炒飯，味道酸酸甜甜好開胃炒飯粒粒分明，口感配料有雞肉、鮮菠蘿、提子乾等等，再加上豬肉鬆，撈勻一齊食更加香口☺️🔖飲品有買一送一優惠，好抵👍🏽

天氣開始涼, 去食小曼谷個個都話要飲冬蔭公湯, book左枱唔使等真好.🥢泰皇咖喱法包軟殼蟹即焗嘅脆卜卜法包, 即刻拎塊包蓋實在脆, 挖空左嘅法包內放滿到瀉出黎嘅泰皇咖喱, 咖哩食落個口感好滑&唔辣. 軟殼蟹好足料, 唔單止大大件啖啖肉, 份量成座山咁好抵食, 軟熟嘅包包令我地狂點啲咖哩好味呀, 抵食推介.🥢冬蔭公海軍海鮮部隊鍋好大煲!! 泰菜完美crossover韓國🇰🇷部隊鍋, 最大嘅分別一定係用料同冬蔭公湯底: 大大隻剝左殼嘅爽口鮮蝦, 鍋底係好煙韌口感嘅麵, 然後鋪滿勁多爽彈魷魚, 帶子, 蟹柳, 美味扎肉, 青口, 泰國街邊小食炸豬肉, 面頭2大隻蛋黃撈入冬蔭公湯底, 成件事會唔會太豐富呀!!! 我地覺得li個期間限定真係大件夾抵食呢, 3個人happy sharing再order多一兩個餸perfect.🍹Thai Tea另一個期間限定就係大部份沙冰飲品都買一送一呀! 必飲Thai Tea只有泰國人先至調配到嘅正宗味道.

香芒蟹肉炒飯 $118熱辣辣 少得好香口 飯粒粒分明 同蟹肉 芒果🥭好夾 份量亦都好大碟明爐蒸桂花魚 平時見泰國 都係淨係賣烏頭 呢間特別啲 有埋桂花魚送上嚟嘅時候 有火熱住條魚桂花魚魚質都幾新鮮 配埋酸酸地嘅醬汁 食落好清新椰皇 佢哋做緊promotion買一送一$21 一個好新甜 椰肉都多佢哋仲有live band 即使我個位唔係好睇到live band 位置 但係佢都會有部電視📺 show 比你睇 ==============================小曼谷海鮮燒烤屋 (九龍城)九龍城太子道西398號御太子地下1-3號舖營業時間：星期一至日 11:30-23:30