Chickeeduck (已結業)

大前日(3-7-2021 Sat)晏晝,同老公行商場後,順便嚟懲罰呢間,今次我買曲奇餅,呢喥原味,綠茶,士多啤梨同果仁四款,我揀$98.00一罐有12件嘅士多啤梨味.返到屋企打開睇,竟然係綠茶味同士多啤梨味各兩包,每包3件,被其他客人調咗?算數.反正咁樣我可以試到兩隻味,只係我想要藍色罐就唔得.到噚日晏晝喺屋企打掃中途有啲餓,就食佢,先食士多啤梨味,有煙韌嘅士多啤梨乾,曲奇本身鬆脆同鹹甜度適中,牛油味唔太重,唔覺太膩.味道: 5分而綠茶味呢?口感一樣,味道就好甘,啱我老公口味.味道: 4.5分上次食評係5月31日刊登嘅呢篇: https://www.openrice.com/zh/hongkong/review/yeah-%E7%89%B9%E5%88%A5%E6%97%A9%E9%A4%90-%E7%94%9C%E5%93%81-e4041024

15-5-2021 (Sat) 晏晝,同老公由元朗返出嚟,飲完嘢就行嚟呢喥睇有咩可以懲罰佢哋,見到有寄賣嘢食,就買好耐冇食嘅鳳梨酥啦,一盒有8件,賣$158.00.翌日朝,就沖杯茶佐食做早餐,拎出嚟睇,顏色金黃,size係6x3x2厘米,切開睇,鳳梨餡顏色偏深,亦見到一絲絲嘅纖維,食落,外層充滿濃郁嘅蛋味,口感夠鬆脆,鳳梨餡味道亦偏濃郁同微酸,而口感正常.食咗一個唔夠喉,要同老公再share一個. 味道: 4.5分