不能「擺低咗，俾警方搞掂，我咩都唔做」

鄧炳強指，黃迺元和杜振豪有兩個主要觀點需要回應，其一是促請警方不要誇大安全風險，其二是只能保證自己守法，其餘須交由警方處理。

鄧指，政府當局完全是基於事實及已發生事情作判斷，正如2019年「黑暴」期間有多場遊行都被騎劫，今年3月有婦女團體舉辦遊行，亦有人試圖騎劫，因此安全風險確實存在，「任何人刻意淡化風險，鼓吹他人參與，都是不負責任的行為」。

其二，他重申任何遊行的組織人守法固然是必須，警方會保障活動安全有序進行，但組織者同時有積極的責任，確保活動安全有序地發生，要有主動的行動，包括辨識自身的參加者：「任何組織者都有個積極責任，唔係話你『組織咗，擺低咗，俾警方搞掂啦，我咩都唔做』，唔係咁樣㗎，你有個積極責任盡你能力喺合理範圍內，令個活動安全有序咁發生，如果你唔能夠做呢個責任，或者刻意唔做呢個責任，甚至係背後做啲咩令到呢個責任唔能夠實施到呢，我哋會因應情況，你係要負上相應嘅法律責任。」

被問到此行上京會否談及《基本法》23條立法，鄧炳強指個別議題不會評論，但重申23條立法是憲制責任，亦有需要因應國安風險盡快進行，希望今年內或最遲明年完成。

鄧炳強連同各紀律部隊首長到訪內地，將就國家安全、跨境罪行、緊急救援，人才及貨物往來作報告及討論，而消防處及飛行服務隊分別會與交通運輸部簽署合作意向書，懲教署亦會與司法警官學院簽署合作協議，就合作交流及訓練進行交流。他希望透過今次拜訪，進一步加強內地與香港的合作，令到香港更加安全更加穩定，更好融入國家發展大局。

他其後在社交網表示：「今日係我上任保安局局長以嚟，首次率領紀律部隊首長團拜訪内地相關部門。我哋一早精神奕奕，踏上前往北京嘅航班，大家都好期待今次嘅拜訪，可以從多方面進一步促進兩地嘅交流同合作，大家密切留意我哋呢幾日嘅行程！」