北河同行

營業中

休息中

好早之前，其實已經一直幫襯開明哥，北河同行係新舖，以前舊舖係喺新舖對面，最鍾意嚟呢度食飯，因為價錢大眾化兼且夠大碟，地方吾算大，坐位比較狹窄，但仍算okmad，呢度每日都會有4款吾同嘅午餐，每款只係$28元，奉送熱飲，凍飲+2元，白飯加底+3元，我最鍾意食嘅就係夏威夷雞扒飯同咖喱牛腩飯，前者酸酸甜甜好開胃，後者咖喱味香濃，而且都幾辣，早餐就一般般，除咗飯類之外，仲🈶其他各式炒粉麵都ok，呢度嘅水準屬中上

竟然仲有唔洗$30 就食到既茶餐，好意外d姐姐亦好好人，態度親切，滿口多謝火腿奄列大大份，又有蛋香仲要熱辣辣！茶餐廳做到咁真係驚喜啊火腿份量都好足料，一d都唔減料牛油方包呢... 略欠牛油😂😂不過以我唔太鍾意咁多牛油嚟講就岩岩好湯粉呢.... 嚟到茶餐廳當然要點沙爹牛肉麵喇好多花生味既沙爹，正！公仔麵夠煙un ，我果份反而叫左米線，味道都唔會輸！凍檸茶大大杯但個咖啡就失色左少少，有d苦澀味多返d…直

竟然仲有唔洗$30 就食到既茶餐，好意外d姐姐亦好好人，態度親切，滿口多謝火腿奄列大大份，又有蛋香仲要熱辣辣！茶餐廳做到咁真係驚喜啊火腿份量都好足料，一d都唔減料牛油方包呢... 略欠牛油😂😂不過以我唔太鍾意咁多牛油嚟講就岩岩好湯粉呢.... 嚟到茶餐廳當然要點沙爹牛肉麵喇好多花生味既沙爹，正！公仔麵夠煙un ，我果份反而叫左米線，味道都唔會輸！凍檸茶大大杯但個咖啡就失色左少少，有d苦澀味多返d奶可能會好d😂😂

喺深水埗區好多人都認識明哥飯堂北河飯堂 及北河麵館都係明哥開嘅除咗會派飯盒畀 窮人食之外飯堂亦有好多 粉絲絕大部分都係 中年或退休人士中午時間飯堂已經坐到滿滿的員工同食客之間 談笑聲多一坐低就有員工過嚟招呼員工數目 都幾足夠招呼客人差唔多個個都係食29蚊飯仲有飲品你話送抵唔抵麵類就比較少人叫食得非常健康無添加味精點咗一碗豉椒三文魚飯雖然係多少少要花點時間去食不過份量咁多又抵食既三文魚真係北河同行先有下次會約埋朋友黎一齊食最近聽到油麻地又開左一間飯堂食齋食肉都啱搵日又去睇下先。。

原本去北河同行係諗住食飯，點知到落單嗰陣時，阿姐先至同我講，話已經冇哂廚房炒粉麵餐，剩係得番快餐，咁我到最後唯有叫公仔麵餐，叫咗咗炸豬扒公仔麵配凍飲$30元，豬扒係厚身，而且炸得香口，而公仔麵嘅麵質就一般般，兩片生菜幾爽脆，杯凍鴛鴦稍為失望少少，啡多過茶(感覺同飲凍啡冇咩分別，價錢稍為偏貴，呢個餐如果賣$25元，我覺得比較合理，嚴格嚟講呢個麵餐嘅CP值並唔高，下次都係叫番常餐或者炒粉麵餐比較化算。。。

北河同行各式早餐地方比較細，但算乾淨以平民飯堂嚟講，呢度算相當企理早餐~沙嗲牛肉麵+火腿炒蛋配牛油方包+凍奶茶=$26元麵條淋咗少少，D湯唔係好夠熱，沙嗲牛肉方面~沙嗲汁唔係好夠味，不過D牛肉就ok(絕非梳打牛)，炒蛋同火腿係一般來貨，湯唔算太鹹，奶茶夠凍，奶嘅份量適中，唔會搶走哂D茶味，整體嚟講不過不失，而且D阿姐服務態度幾好，所以係一間幾令人討好嘅食店

深水埗明哥的善心以及事蹟，相信有不少食友知道。在此也不需大加闡述了....明哥在地頭深水埗開了兩三間舖。除了有主打燒味，較舊的燒臘飯店之外，還有這一所較新的，店名名帖由蔡瀾先生提寫的茶餐廳....看一看擺於門口旁的午市套餐餐牌，一碟飯加一杯飲品，竟然三十大洋有找兩塊。您說，怎能不服明哥呢 ?隨便點了A餐，薯仔炆排骨飯是也。飯與餸的量皆不多。飯粒粒分明不死硬；排骨少不免有略喇鬆過但不至於淡而乏味；獻汁很濃，一定要拌飯食不然就鹹死人；薯仔有點炆得不"透"，還帶嗦嗦聲的....縱然不是很好吃，但勝在真的平通街，"便宜到令人發笑"....明哥，是真的在為人民服務的....

能做返出食物原有嘅味道 更覺滿意... 唔知係咪近街市,食材很新鮮 |上次食鮮茄班腩飯,啲班腩用薄炸粉炸過-即整-魚味更是少有新鮮 | 今次炸菜蒸腩片飯,細個舊有味道返晒嚟 以前嫲嫲經常嘅味道 | 呢個廚房不可少看,經過一定幫襯,但記得佢收4:30pm 無睇錯係下午四時三十分 深水埗明哥 多謝你

😀 每逢休息或者不用返早班的日子，我較喜歡到深水埗的“北河同行”食早餐。最近兩次選擇了C餐：羅宋湯通粉相當足料，什菜酸甜度適中，如果選配出前一丁，只須另加$3！早上的菠蘿油頗為新鮮，麵包亦鬆軟！呢度的冷熱飲品，比一般茶記、連鎖快餐店份量還要多，但是絕不偷工減料，非常抵飲！4款西式中餐，拼熱飲只須$24，凍飲加$2。價格已經係平通港九！“北河明哥”多年來，熱心社區工作，幫助弱勢社群！所以未來一定會繼續用行動來支持他們！好野！加油……💪💪💪！

素聞深水埗有間著名的愛心飯店「北河海鮮燒臘飯店」，飯店店主「明哥」是一位關愛社會基層弱勢人士的老闆，飯店專門賣平價的兩餸飯和盅頭排骨飯，賣給區內經濟能力較弱人士。「明哥」更經常會定期派飯，讓區內低入家庭，和其他弱勢階層人士有飯可食。隨着「明哥」關愛弱勢階層人士的義舉，逐漸得到外界的注意和支持，於是再有人支持「明哥」，令原本被迫搬遷的「北河海鮮燒臘飯店」副店得到位置重開，繼續賣平飯給人吃，店名就改名為「北河同行」。我今次為了「北河同行」而來到深水埗，本來想順道同時拜訪「北河海鮮燒臘飯店」，但是礙於肚子和胃量未必能承受同時光顧兩店，「北河海鮮燒臘飯店」唯有留到下次再光顧吧，今次要拜訪的是「北河同行」。一去到「北河同行」，就立刻望到知名食家蔡瀾先生，為「北河同行」為飯店招牌親筆書寫的「墨寶」店名四大字。「北河同行」簇新的印象，驟眼看跟深水埗舊區印象看似不配合，但其實「北河同行」價錢比一般餐廳水平為低，一客午飯連凍飲只收三十元而已。「北河同行」因為午飯收街坊平價，所以午飯都只能是一般尋常廉價款式，像雞肉豬肉這些成本價較便宜的材料，就成為了「北河同行」午飯的主角。「時菜豬手飯」、「豉椒肉片飯」、

今天本來要來深水埗復活墟市，去到墟市，被騙，只有两熟食店開了，管理和規劃都差。。。不到十分鐘就離開！最後，在深水埗行呀行，去了幫襯明哥，吃午餐（男人的魚飯，28元連飲品）並捐了幾張飯票！飯餐味道算是中下，不過職員有禮，亦勝在非常便宜。如果你有機會來深水埗，都支持下明哥支持下基層。

好早之前，其實已經一直幫襯開明哥，北河同行係新舖，以前舊舖係喺新舖對面，最鍾意嚟呢度食飯，因為價錢大眾化兼且夠大碟，地方吾算大，坐位比較狹窄，但仍算ok，呢度每日都會有4款吾同嘅午餐，每款只係$28元，奉送熱飲，凍飲+2元，白飯加底+3元，我最鍾意食嘅就係夏威夷雞扒飯同咖喱牛腩飯，前者酸酸甜甜好開胃，後者咖喱味香濃，而且都幾辣，早餐就一般般，除咗飯類之外，仲🈶其他各式炒粉麵都ok，呢度嘅水準屬中上，明哥～我支持你！

有日，我喺深水埗買完嘢，之後覺得有d肚餓，所以就喺附近揾間餐廳醫肚，咁我就入咗去一間叫做(北河同行)嘅餐廳，一入到去，間餐廳幾新淨，睇睇餐牌，有4款，咁我就叫咗豉汁蒸排骨飯，想試吓好吾好食，坐咗一陣，阿姐將碟飯送到我面前，我一望埋去，心諗，點解唔係分開上嘅，都冇咩所謂啦，講賣相唔算吸引，但係一食落口就知道，真係好味！排骨淋得嚟而唔係爛嗰種，飯粒軟硬適中，以$28蚊呢個價錢嚟講算合格，凍飲+$2蚊，白飯加底+$3蚊，而且呢度d阿姐個個都好客氣，有禮貌，我下次再經過深水埗嘅話一定會再嚟呢度食飯

身體力行去撐明哥 深水埗 北河同行 營業時間 : 06:30 至 16:30早餐供應至上午十一時，午市套餐供應由上午十一時至下午二時半，炒粉麵飯供應由上午十一時至下午三時，下午茶餐供應是由下午二時半至四時半北河同行是深水埗茶餐廳的格局，店員阿姐們都很有禮貌 ~Menu ~豆腐火腩飯連凍檸茶 $32 (凍飲+$2)看上去是對辦的，有入味的炸豆腐，火腩當然是出自明哥自己的北河燒臘店，鹹味是普通的而且瘦肉比脂肪多，獻汁的稀杰是可以把飯吃完也不會變得水汪汪 ~凍檸茶茶味一般, 檸檬沒有苦澀味但亦不夠酸, 味道中規中矩 ~幫襯時, 請順便購買 #待用飯券 ，$ 24 一張，一張可兑換一人份的膳食 ( 聽聞是三餸飯盒、飲料一支 及 水果一個 )，可選擇自己送人或是由明哥代送其實現在在 #7Eleven 及 http://www.peiho.hk/ 也可以購買明哥的待用飯券 ~本篇完 ~