上次拍拖紀念日，食完之後好想食多次 因為環境舒適，而且食物質素唔錯，職員服務仲好好，好有禮貌 當然價錢都好貴 不過近日出糧 而且朋友生日 咁就不如搵個藉口食多次啦 最後埋單，三個人食咗三千幾蚊 但係我哋大家都覺得好飽，好足夠 埋單嗰陣時職員中話俾我哋知可以即場登記入埋會做咗會員嘅話就會送一些優惠券可以下次使用 其實當晚仲有...食咗個日本生芋蕎麥麵，仲有個鰻魚石鍋飯 不過掛住食，忘記影相😅兩樣都好好味 不過個蕎麥麵，如果三個人食嘅話就要叫2份先夠食。好彩個職員提一提我地 今次仲試咗兩支期間限定嘅日本清酒 係當晚職員介紹俾我哋嘅，真係好好味🤤 而且兩支，每支都唔過$1000。 唔使自己坐飛機去買，都差唔多吧 總括嚟講，希望快啲再有機會去食多次更多

雖然近日疫情似乎好返些小，但距離可以返「鄉下」，都恐怕仲有排。 身邊有好多朋友寂寞難耐，四圍搵地方食Omakase，預訂幾個月後的大有人在，自己無乜耐性，想食就食，早排就同朋友上了銅鑼灣的權八，因為餐廳推出了權八和風夏日祭，有新菜就心郁郁想食。 餐廳設計獨特，尤其是榻榻米的半私人空間，個人就十分鍾意，令人彷彿置身日本。 Y...uzu Mojito 餐前的柚子 Mojito是以清酒及Vodka作主調，混和了自家製柚子青檸汁、新鮮薄荷及梳打水，非常清新的感覺，又有少許酒香，令人感覺好舒服。 前菜 青森縣愛女魚番茄沙律 畢竟係夏日天氣，先來點清新恰人的沙律當然最合適，魚肉爽甜，配上微酸的車厘茄及新鮮沙律菜，無得輸的組合。 鹿兒島鰹魚新玉蔥沙律 另一款同樣都是爽朗的沙律，鰹魚蘸點一下酸汁，令人胃口大開。 刺身 三款魚肉都非常新鮮，包括了深海池魚、拖羅以及銀鱈魚，配上一杯純米大吟釀，令魚肉添上少許酒香，我鍾意。 大閘蟹膏配野菜沙律 必食的菜色，看似簡單，但蟹膏份量極多，反而要追加野菜，心裡美片也未免太少了吧？仲有羅馬生菜、紫椰菜、車厘茄、西蘭花及彩椒，濃濃的蟹香蜂湧而出，配上爽甜的彩椒更是一絕，坊間實在好少地方食到。 炸鮮蟹肉餅 炸功了得，外層毫無過火，酥脆的口感非常對辦，內裡是鮮甜的蟹肉，熱得有點燙口，好味。 壽司 同朋友分享了白蝦壽司、喜之次壽司及黑鯥壽司，白蝦的爽甜是預期中，加上薑末的辛香，實在是太吸引了。 燒物 炭燒一口牛肉 火喉控制得相當好，中間位置呈嫣紅的肉質，食落帶炭火的焦香，簡單的灑點鹽來提鮮已經好正。 炭燒無花果豚肉丸及牛舌 牛舌烤得乾身，肉味濃郁，又係佐酒良伴，相比之下豚肉就多了一份肉汁及果甜，是各有優點。 雞頸串燒及鹽燒雞翼 燒雞頸果真夠邪惡，但又真係燒得好香；雞翼是恰如其分的微焦，雞皮逼出了油香，美味。 串燒銀杏 煙煙韌韌好有嚼口，食落有點甘甜，送啤酒一流。 天婦羅 紋甲魷魚明太子紫蘇葉卷 魷魚有嚼口而不覺韌，薄薄一層脆漿包裹著紫蘇葉，口感鬆脆，內裡更有明太子加持，層次更佳。 有明海苔車海老餅 炸漿夠薄，而且油份瀝得清，咬落酥化，不錯。 Soba蕎麥麵 香檸雪梨茗荷冷蕎麥麵 近日落街跑步已經選擇晚上，但閒閒地都依然30度以上，最啱食碗帶冷蕎麥麵，尤其是加入青檸，微微地好醒胃，仲有清爽香甜的雪梨，好有夏日feel。 松葉蟹野菜冷蕎麥麵伴胡麻汁 透心涼過後，來點惹味的蕎麥麵吧！ 松葉蟹是啖啖肉，拌均了胡麻汁及麵條，惹味是必然的，秒殺無難度。 Dessert 權八的甜品拼盤一向受歡迎，四款甜品是椰汁南瓜白玉子、哈蜜瓜大福、紅豆布丁及季節鮮果，而今之水果竟然係靜岡蜜瓜，成熟度啱啱好，甜美到一個點，超正，至於其他，個人就偏好南瓜白玉子，甜美可口。 由前菜到甜品，都能保持一貫高水準，難怪曾獲得過米芝蓮推介的榮譽。更多

困咗係香港返唔到日本鄉下，梗係要不時發掘吓啲充滿特色嘅日本餐廳以解思鄉之苦。好似呢間以木系為主並掛滿燈籠嘅居酒屋咁，裝潢佈置走傳統江戶時代風，榻榻米個室更可望到日式庭園景觀，仿如置身係日本用餐🤩 最近居酒屋為慶祝邁向八週年，特意推出多重禮遇🤩其中會員更專享 二人同行一人免費 優惠享用以下限定廚師發辦，真係好抵🤩 🇯?...?漫味八年禮饌廚師發辦（$888/ 2人） 🔸【前菜】佃煮小女子魚乾及合桃、水雲醋物、煙肉胡麻醬 店員建議先食水雲醋物，最後食魚乾及合桃。水雲醋物係酸爽嘅藻漬物，味道非常醒胃；煙肉偏厚而肥，但入口爽嫩，胡麻醬亦能降低煙肉嘅油膩感，好食；小女子魚乾扎實且咸香，蜜糖合桃甜甜哋，兩者風味完美融合😋 🔸【刺身】吞拿魚腩、鰈魚海膽卷、北海道帶子 吞拿魚腩夠肥美，魚油好香；鰈魚豐潤爽滑，配埋甘甜海膽同食好夾；北海道帶子好厚身，而且勁鮮甜，好正👍🏻 🔸【煮物】汁煮沖繩豚足 豚足係沖繩嘅名物之一，食落與炆豬手相似，口感軟腍且嫩，而且仲好入味，啖啖都感受到骨膠原😋 🔸【壽司】火炙和牛壽司 和牛油香滿溢，牛味好香濃，經火炙後帶點焦香，入口有即溶嘅口感，真係好很好食，超正👍🏻 🔸【天婦羅】松葉蟹鉗、沖繩涼瓜、黑松露帶子 天婦羅好香脆，而且預先加咗海鹽，唔使蘸汁都已夠味，另油炸嘅溫度同時間都控制得好好，充分保持到食材本身嘅口感及鮮味👍🏻由其涼瓜特別出色，味甘帶甜😋 🔸【炭燒】日本榮螺、活海蝦、免治雞肉串、福岡青椒 賣相精緻且帶炭香味，唔會燒到好乾身😋螺肉新鮮彈牙；海蝦鮮味爽實；雞肉串掃上燒汁一齊燒好惹味；青椒甜脆，每一款都唔錯👍🏻 🔸【食事】權八手打冷蕎麥麵 蕎麥麵係權八嘅招牌菜，將香蔥及wasabi加入蕎麥麵汁，再配蕎麥麵一齊食，口感清爽且帶淡淡蕎麥香，夠晒透心涼，好啱呢個天氣食👍🏻 🔸【甘味】自家製水信玄餅/ 椰汁南瓜白玉子 水信玄餅呈透明果凍狀且帶天然清甜，配黃豆粉及黑糖糖漿同食，味道唔會好甜，入口即化，非常消暑😌 因水信玄餅只剩一份，另一份甜品則以椰汁南瓜白玉子取替，底部嘅雲呢拿雪糕好香滑，白玉子煙韌Q彈，配埋少少紅豆蓉、杏仁片及香甜南瓜蓉，口感好豐富😋不愧為人氣甜品👍🏻 🇯🇵特上壽司拼盤 (10貫)（$568） 除咗串燒及蕎麥麵外，壽司亦係權八嘅招牌菜，梗係要點多個壽司拼盤試吓。拼盤有海膽、三文魚籽、帶子、牡丹蝦、鯛魚、金目鯛、油甘魚、深海池魚、吞拿魚腩及赤身，每款壽司都好鮮味高質，真係好好食，推薦👍🏻 喺一個充滿日本氣息嘅環境下，享用精緻又好味嘅日本菜，真係好滿足🥰更多

東京過江龍 權八居酒屋 大受歡迎嘅「料理長の逸品廚師發辦」又嚟啦！有齊沙律、前菜、刺身、炭燒、湯、壽司、天婦羅/鍋物、甜品，足足有8道，相當豐富，岩晒樣樣都想食嘅朋友仔~ 廚師發辦 原價每位$1088 1957 & Co. 會員及匯豐信用卡專享「二人同行一人免費優惠」 餐廳環境開揚舒適，裝潢富日式居酒屋嘅味道，更設有室外位置...，十足日本庭院，坐係到食野別有一番風味！ 和牛套餐 $1088 1️⃣特色脆白飯魚沙律 沙律菜爽脆無苦澀味，面頭灑滿白飯魚，風味十足。(不過唔鍾意白飯魚嘅人就要小心啦) 當中更加有軟滑嘅蛋，甜甜酸酸嘅蕃茄仔，清新開胃~ 好鍾意佢份量十足，可以完美補充纖維。 2️⃣權八酥炸蝦丸 炸蝦丸有別於一般圓軲轆咁，而係用上麵條包住蝦肉，脆得嚟又唔油膩，食落有啲似廣東炒麵(兩面黃)。配埋yuzu chilli，甜甜酸酸幾開胃，略嫌蝦丸質地唔夠彈。 3️⃣香蔥火魚炙深海池魚 經火炙嘅深海池魚，油脂被迫出，入口滿滿油脂，並帶鮮味同炙燒香，軟中帶爽。醬汁酸尾尾，可以中和油脂感。而呢個時候飲啖日本清酒，除左可以解油膩，仲可以突出深海池魚嘅鮮味。 4️⃣日本A5和牛壽司 和牛薄切超大一片，肉質軟淋帶油脂香，入口帶甜充滿肉汁。完全係和牛多過飯！好滿足！ 5️⃣牛舌、澳洲安格斯牛伴蒜片 安格斯牛粒軟腍多汁，牛味濃郁，完全無筋！面頭有炸蒜片增添香氣，食落仲有小小麻嘅感覺~ 牛舌爽彈富油香，略嫌調味偏重。 6️⃣熊本天草大王雞湯 天草大王係充滿運動量嘅大隻走地雞！雞肉有咬口，不過就有少少鞋。雞湯清甜帶柚子香，雞味就唔算特別濃，整個走清新清淡嘅路線。 7️⃣日本A5和牛壽喜燒 和牛超大大大片！油花好靚！肉質好嫩！如果浸得耐啲，牛味會更重，不過就無半生熟咁軟嫩。壽喜燒湯底濃郁，甘甜但不死咸，鍋中嘅金菇、娃娃菜、大蔥索滿湯汁，唔需要沾上另附嘅芝麻醬 都已經好夠味！ 8️⃣椰汁南瓜白玉子 南瓜蓉綿密香甜，跟濃郁嘅椰汁基本上係不敗組合~ 白玉子口感軟糯，杏仁片香脆，紅豆蓉香甜軟綿，層次豐富。底層好似加左雲呢拿雪糕，令整體甜度偏高，亦有少少喧賓奪主。如果無左球雪糕，我應該會再比高分啲。 🍶朝日鷹特撰本釀造 180ml $138 好鍾意個日本清酒壺！餐廳好貼心咁會用冰水坐住支酒。清酒入口清爽順滑，微微辛口，有層次感。 整體嚟講，餐廳無論室內定室外，都好有日本feel~ 室外有大大部風扇，無想像中咁熱，更有個鐘仔可以嗌店員，坐室外都唔怕無人serve。和牛套餐基本上每道菜式都幾高質，買一送一價錢相宜，好適合大家掛住日本嘅時候嚟！更多

自從下午6點成了死線之後，下午茶彷彿成了餐廳的救生圈，甚至乎不少酒店都推出 take away afternoon tea，換了係年幾前，真係諗都無諗過。 不過就係因為大家都疫境求存，的確令食客可以用較低廉的價格去享受美食。 1957集團旗下的四間餐廳，先後推出以 signature 菜色包裝的下午茶，早前的「安南」餐廳下...午茶，更是超筍價$238，已經又點心又有粉麵，仲要包飲品，CP值令人難以置信，難怪優惠一出，即刻火旺。 今次輪到「權八」出招，下午茶有四款日式小食、壽司三款、串燒五款及甜品四款，當中包括了招牌手握壽司、炸鮮蟹肉餅、唐揚雞柳同椰汁南瓜白玉。 以不到$400（加一當然另計）價格，除了正常飲品，竟然可以品嚐兩杯白鶴純米酒或手工啤酒，如果係平日 happy hour 點都要幾十蚊杯啦！ 始終係大型日式餐廳，除了一般的座位外，更有「榻榻米」房可供選擇，大家訂檯時記得講聲。 由於下午茶有即烤串燒，建議大家同侍應交帶一聲，不妨食完小食同壽司，之後先再食熱辣辣既蟹餅、雞柳同串燒就最啱 timing，而且餐飲竟然有白鶴純米酒提供，用串燒佐酒真係無得輸。 日式小食 餐前先送上日式小食，枝豆用鹽漬過，帶少少咸香，兩個人慢慢食消磨時間一流，而飛魚子沙律又係即叫即整，絕對不會係晨早整定，可以放到出水貨色，而且食得出食材新鮮，口感清新怡人。 特意同侍應講低炸鮮蟹肉餅同唐揚雞柳跟串燒上。 蟹餅炸得色澤淡黃，火喉控制得極好，配上日本小青椒，帶來少許辛勁，令味覺更豐富，蟹餅外層微脆，內裡熱辣辣，蟹肉甜香，加入了3.6牛乳增添了滑溜的口感，食得出的細緻，好味。 至於唐揚雞柳炸得外層香脆，雞肉卻保留幼嫩的質感，又是佐酒的良伴。 壽司 下午茶加入了壽司元素，和風感覺更盛，即握的三文魚及吞拿魚壽司，飯粒鬆緊有緻，吃得出的新鮮，絕不會將貨就價，做壞招牌；而芝麻炸蝦反卷個人更喜歡，海蝦是即炸，點解知？因為蝦殼咬落脆卜卜，誠意十足。 串燒 以備長炭即烤，每款食物都沾上了炭火的香氣，的確好少地方食到，就算有，都未必咁嘅價錢，燒雞翼火喉掌控平均，放近嘴邊已傳來陣陣焦香，割開兩半令火力均勻，食落不會過於乾身，雞皮滲出油香更是邪惡。 蒜片豬頸肉是另一道令人難以抗拒的美色，薄片豬頸肉烤得夠香，連同脆蒜片一齊食，只嫌一串未夠喉啊！ 加上甜蜜的日本番薯、有嚼口的杏鮑菇與及自然甜味的燒粟米，種類可說是多完化。 甜點 首選當然係餐廳名物椰汁南瓜白玉子，入口是淡淡的椰子幽香，南瓜汁好甜美，丸子QQ彈，尤其是置底的香草雪糕，足以令人吃不停口。 而蜜瓜糯米糍口感煙韌，不過係幾款甜品中最甜，適宜放係最後食。 每次食紅豆綠茶蕨餅，都會聯想起當年某店有人瘋狂排隊，就係為了一嚐蕨餅的滋味，可想而知其魅力，舌尖感受了十勝紅豆軟糯甜美，咬起來綠茶餅甘香煙韌，小小的兩片，大大的滿足。 壓軸的是日精選蛋糕，今次是藍莓芝士蛋糕，質感紮實，芝士味不會過於濃烈，與藍莓的鮮甜好合襯，而且每人一小件，份量恰好。 飲品更加不得了，除了正常無酒精飲品外，竟然有白鶴純米酒及手工啤酒，下午茶正是放鬆心神，跟朋友聊聊天放電的私屬時光，說說笑笑，又是一個美好的下午！ 下午茶兩人份$388，連加一都不過$400鬆少少，如果嫌三層架的下午茶太單調，是時間轉轉口味了！更多

昨天慶祝朋友生日，朋友推薦了這家權八居酒屋。一行七人熱熱鬧鬧的訂了榻榻米座位，座位舒適，外面更有outdoor位置供抽煙。昨天點了很多東西吃，點了七點刺身、七點刺身有牧丹蝦、吞拿魚、吞拿魚腩、池魚、油甘魚，另外點了海膽刺身、吞拿魚腩卷和各款壽司，質素不錯性價比高，由其海膽論質素真是十分抵食。最想推薦它們家的串燒，活海鰻串燒，皮脆...肉爽；牛柳及牛舌串燒燒得剛好，汁也調得好吃。吃完串燒加一個清酒煮峴，還有我最愛的燒油甘魚骹，最後更點了天婦羅蝦、天婦羅帶子等。所有食物也十分出色，作為一家居酒屋餐廳真是滿分，而且性價比實在高。盡慶的一晚！更多

我哋幾個人晚餐時間聚會，要訂位！刺身種類唔算太多，店員會推介。餐廳圈形設計，走廊會比較窄，但食物質數相當好，亦都因為咁，價格唔平