2018-01-29
好姊妹知我鍾意煲湯,所以就送咗一包姬松茸俾我,叫我煲靚湯俾小小豬飲(呢個小小豬真係多人錫)。為咗唔好浪費好姊妹嘅心意,我就即刻上網做功課,睇下煲咩最好。研究咗一陣,就煲呢個不寒不燥嘅姬松茸合掌瓜無花果素湯啦!
其實聽就聽得多,不過今次都係第一次接觸姬松茸,所以就上網睇下係乜東東。原來佢係好利害,中醫認為姬松茸具健腦、消炎、益腎、降血壓、降膽固醇、降血糖同埋改善肝功能,仲有抗過敏及改善骨質疏鬆等功效。姬松茸含有一種强而有力抵抗濾過性病毒的物質,能防止病毒和有害物體進入人體脆弱的組織,其抗癌功效亦甚為顯著。(網上資料)
姬松茸半両、合掌瓜兩個(如果買到大個的,兩個都足夠)、無花果兩粒、腰果約一飯碗、紅蘿蔔一條、生薑數片~
姬松茸洗淨後浸至軟身,然後瀝乾水份(一定要瀝乾所有水份先可以放入煲,如果唔係啖湯會有苦味呀)~