天水圍人給林太的回應：好遠好攰係咪可以唔返工？

特首選戰開始白熱化，各候選人密鑼緊鼓地爭取各方支持。林鄭月娥原本答應上星期六(3月18日)落區與天水圍基層會面，但結果臨時放飛機，競選辦稱指林鄭「比較攰」、「唔想去天水圍咁遠」而取消會面，引起一眾團體及新界市民不滿。

筆者家住天水圍，絕對明白林太的情況，因為筆者每日疲於來回屋企與位於港島區的公司，每日來回需時差不多3小時，加上每日OT，早出晚歸，放工後回家，連大台的處境劇也看不到。

我都好攰唔想住天水圍咁遠。

如果搭969巴士由天水圍市中心到銅鑼灣，預計的總行車時間為79分鐘，當然繁忙時間、塞車的情況不包括在內，有搭過969返工的朋友都知道，實際上最快都要1.5小時，慢則試過2小時，每程車費$21.4，每日來回$42.8，差不多夠食一個Lunch。

【延伸閱讀】新界打工仔返工的無奈 每日車程夠飛台灣

如果搭港鐵，勝在班次較穩定，港鐵官網表示車程約需47分鐘，由天水圍站上車，到尖東站落車走到尖沙咀站搭到金鐘站，再在金鐘站轉乘港島綫，車費盛惠$27一程，來回$54。但47分鐘是否反映實況？未計等車時間及轉車步行時間，也未包括接駁輕鐵的時間。

天水圍的街坊就知道，住在嘉湖山莊情況比較好，至少交通較方便，比較近西鐵站，但住在天水圍的北邊，例如天恒、天逸等，就比較麻煩，需搭天水圍循環線或接駁巴士到西鐵站。但繁忙時間的循環線長期爆滿，等多幾班車都未必上到。筆者有位居於天恒的朋友經常抱怨：

天水圍循環線至少等兩班車，接駁巴士到西鐵站都要20分鐘，唔好彩成日停燈嘅話，要差唔多半個鐘。

車程曲折，加加埋埋，都要1.5小時左右先返到公司。筆者每日都會與林太有同樣的想法：

好遠好攰，係咪可以唔使返工？

從另一角度看，其實林太反而很「貼地」，很了解天水圍居民的心情，只不過，我們沒有放飛機的權利。

【延伸閱讀】港島人VS新界人 返中環工的樂與怒

至於薯片3月8日到訪天水圍，筆者其實很欣賞他山長水遠落區，願意抽時間與市民見面。薯片亦大談上次落區的經歷：

半個鐘就到。

揸車、非繁忙時間、路路暢通，半小時由灣仔到天水圍其實有可能。不過，打工仔就算朝早揸車返工，路面多車，也難以在半小時到達。更何況，有幾多個打工仔有車？

如果薯片想更貼地感受打工仔辛酸，下次可以一試朝早8點從天水圍出發過海，看看能否半小時返到。

全文刊於「膠層膠事」facebook，文章獲授權轉載。

【其他熱話】夢中急墮＝操勞過度　如何改善睡眠質素？

【其他熱話】由英文「屎到爆」到會考6A 尖子回歸母校春風化雨

【其他熱話】婚禮一生一次　 租賃金器投資百萬1年回本