呢日黎到金鳳, 好彩友人先拎飛, 因為到19:30 門口已經好多人等緊位~如果想食都真係早D黎拎位, 因為平日都多人~ 我地梗係叫左signature既鐵板餐! 我地一個叫雜排, 一個叫豬排雞排餐! 兩個餐都要加蒜蓉! 加蒜蓉先係人生一大享受! 蒜蓉連埋D肉食真係一流! 呢度仲可以揀黑椒汁/燒汁, 鐵板上枱就可以落汁, 炸炸...聲真係好享受! 呢度叫鐵板餐仲有包個餐湯同野飲, 餐湯我地就加左$25升級要左一個酥皮湯, 酥皮湯係白湯, 佢既紅白湯都好出色! 雜排入面有豬排,牛排, 雞翼,火腿同香腸, D排勁大塊, 而豬排雞排餐都好大塊排, 食完真係好飽好滿足!更多
👨🏻🍳金鳳大餐廳 (新都城中心三期) (將軍澳) 📍將軍澳寶琳貿業路8號新都城中心三期地下G19-20號舖 「多年無食，味道依舊讓人懷念」 👍🏻🍽️招牌牛柳餐 $138 鐵板套餐附有 餐包 餐湯 （揀左忌廉湯） 牛柳3成熟，嫩、腍🤤（黑椒汁） 配有薯菜，枱上有茄汁 凍檸水 （茶餐廳既凍檸水🤤） 夜晚人氣...滿滿， 等左15分鐘左右， 系吾錯既鐵板餐廳🤤 #金鳳大餐廳 #香港鐵板餐廳 #香港鐵板餐 #鐵板餐更多
我2024年4月14日係荔枝角D2金鳳大餐廳用餐，入座四位，入座時有一友人係附近臨時加入，我哋當時間一個肥胖男人話可唔可以幫我哋加一個位，個男人態度超級惡劣話問過我哋係四位安排四人座唔可以加位，要求我臨時加入友人另攞一位籌，我哋就話唔加位可以，我哋坐窄D讓佢坐，然後個肥胖男人堅決唔肯俾我友人坐，要佢離開餐廳係外面等，唔肯俾佢坐係...我哋張枱。當時我無語到講唔出話，試問如換下你個立場，如果你一幫朋友聚餐，另一位被安排坐冇雷公甘近，甘聚餐仲有何意義，我們都不介意坐窄少少，又冇影響到其他人，點解唔可以坐一枱？仲有員工態度使唔使甘惡劣？心情唔好都唔可以對D客亂甘發脾氣，客人唔系你架出氣包，你生意好唔怕無生意做，冇咗一枱客對你餐廳冇影響，但員工素質如此差，真是真心建議改善下，超級差評更多
金鳳相信大家都聽過佢大名，喺香港超過50年嘅老字號扒房，最近喺屯門開咗新分店！ 新界西嘅人有口福啦❣️ 今晚同個朋友兩個、黎個開心扒房晚餐，未夠七點門口已開始排隊了，好在醒目用GULU app拎定飛，咁就唔駛等咁耐喇😙 到場大概4個字左右就有位喇，店員好貼心、見我哋比較高大腳長🤣主動話不如等下一張枱先，因為目前嗰張比較窄...、想我地坐得舒服啲🥹🫶🏻（大加分） 叫咗兩個帶子牛柳餐，分別五成熟同七成熟，原餐會跟薯菜、餐湯同餐飲，肚餓嘅話可以另加錢要白飯🍚或意粉🍝； 我哋俾咗$2加蒜蓉🧄，因為見餐牌極度推介，同時落咗一紅一白湯。 落單大概五分鐘就即刻上餐包、餐飲、湯，超快速👍🏻👍🏻👍🏻 白湯比紅湯出色，唔會太杰身，有幾塊菇❣️ 杯奶茶無死甜，都有紅茶香，唔錯，檸水嘅檸檬三大塊勁厚身，無偷工減料👍🏻👍🏻 主菜上場，店員會提醒拎起餐巾貼住枱邊舉起擋擋，以防彈到手或面，又一貼心位‼️ 叫咗黑椒汁，熱辣辣咁即場倒落鐵板咋咋聲，真係即時食慾大增😋😋 首先牛柳有兩大塊、好夠份量，帶子都有兩大粒，七成熟無over cooked，輕輕切已可輕鬆切開、證明完全唔韌💯 肉汁夠，強烈建議一定要加蒜蓉，配埋一齊真係提升到另一個層次😍😍惹味好多！！ 黑椒汁偏甜咗少少，可以辣返啲會更好。 帶子唔乾，岩岩好啲邊少少金黃😍 用咗牙簽吉住，食嘅時候要留心⚠️ 薯菜就包括有波浪薯條、翠肉瓜同紅蘿蔔條，略嫌薯條份量小咗啲，兩三啖就無咗🥲 Overall 有八成飽，都岩岩好 人均二百蚊有找，CP值高🥰 下次會再黎、想試佢嘅咖哩😎 想再讚呢店嘅店員服務好友善，收碟前都禮貌問下仲要唔要先收，唔係一味趕客👍🏻 📍金鳳大餐廳 (屯門) 屯門屯順街1號屯門市廣場1期地下G076-G080號舖更多
原本都唔係好肚餓 但係行過呢度又會好自然入去食嘢 因為呢度嘅下午茶實在太抵食啦!!!!!!!!!!!!! 望咗個餐牌好耐 因為實在有太多野想食 最後決定食蔥油雞扒撈公仔麵$31 雖然佢賣相好一般 但係佢個乾葱真係好正 加埋啲蔥油撈埋一齊 十分之惹味 係係屋企整唔到嘅味道 呢度嘅凍飲仲要唔使加錢 去邊度搵呀😆😆😆😆😆😆
老牌餐廳請(師奶)員工，自己員工安排錯誤又唔忿氣，餐廳大把位硬係要搭枱加兩個客，結果又趕走兩個客何必？沒有從客人角度想，呢啲服務態度要改，我就唔會再幫襯啦。老牌餐廳一日唔改善，佢遲早都執笠。
今日同朋友嚟到山林道搵嘢食，行過見到扒房老字號金鳳裝修左，一於入去食反懷舊嘅味道。 見到牆上推介美國牛小排同龍蝦牛扒套餐，諗都唔使諗就叫咗尼2個！ 餐包 羅宋湯都幾足料 先講美國牛小排，肉嫩多汁，外脆內軟，好有肉味，真係好正，性價比好高。叫咗黑椒汁，點薯格一流。 龍蝦牛扒套餐 $198有餐包、湯、紅酒、餐飲、同埋雪糕...，真係幾大有齊咁多野！不過呢個套餐嘅牛扒比較之下比較失色，所以主角係龍蝦，滿滿芝士，好邪惡，龍蝦肉彈牙，而且好細心咁正開咗個龍蝦鉗，方便食用。更多
平日去總店食得多，今日去開山林道終於可以試下呢間分店😊尖沙咀呢間分店好大間，枱櫈都幾十張，比總店闊落好多，光猛好多，坐得亦舒服好多😊 原來金鳳五十週年，出左個五十週年特別版-金鳳貴族牛扒，咁當然要捧場啦。另外叫左個牛柳餐，餐飲加大原本要加$3，適逢50週年紀念免費加大 金鳳例牌有牛油餐包同餐湯同餐飲。羅宋湯同忌廉湯保持一...貫水準。雖然今日叫左一紅一白，但我都係中意佢地既羅宋湯多啲。 金鳳貴族牛扒是用碟上既，亦可改用鐵板上。我叫左5成熟，碟上。塊扒係美國牛肩扒。塊扒肉味好香，雖然五成熟，但切開都唔會話有好多血水標出黎，好好食。而且好有咬口，肉香亦有嚼頭。碟上有埋車里茄，脆薯格，沙律菜同栗米，擺盤都好靚。 鐵板牛柳餐：其實都係同太子/深水埗金鳳一樣，一塊鐵板，大大塊既牛柳，醃得好淋好入味，再加上蒜蓉汁，好味！通常我唔會叫黑椒汁，因為味道太濃的話會遮住肉本身嘅味道 比大家建議既係，最好唔好超過五成熟，因為塊鐵板都熱，店員落完汁，塊牛柳又會再煮落去。當d汁唔再彈，塊牛柳都由原本五成熟變七成熟了，所以鐵板上的或記得要叫生少少呀😉 甜品：我加左個意大利配方嘅榴連味雪糕🤤🤤 雪糕唔太糖，好滑。跟餐加$10就有得食，真係好抵😆😆😆更多
今日晏晝，突然好想食扒。 所以就平平地去金鳳鋸扒，我大概2點凌去到。 要2:30pm.先有下午茶，所以就唯有點午餐食。 不過，留意返下午茶無鋸扒嘅套餐。 午餐，我同同事一人點咗一份午餐。 今日晏晝，突然好想食扒。 所以就平平地去金鳳鋸扒，我大概2點凌去到。 要2:30pm.先有下午茶，所以就唯有點午餐食。 不過，留意返下...午茶無鋸扒嘅套餐。 午餐，我同同事一人點咗一份午餐。 一份A. 黑椒汁牛扒仔 $46 同埋一份特別午餐薄T骨 $58 呢個價錢仲有西湯、餐包同埋餐飲，餐飲凍飲都唔洗加錢。 餐湯都幾有誠意，好足夠。餐包都係暖暖地嘅，搽埋牛油牛油溶埋仲好食。 黑椒汁牛扒仔 - 午餐關係，唔係用鐵板上。 薯條都脆，不過就好似薯條碎咁。 牛扒仔都OK, 肉質唔鞋唔UN，有肉味。 薄T骨 - 真係好薄，肉質好淋，同牛扒仔。我覺得牛扒仔好食啲，塊T骨太薄，無咩口感，肉味唔濃。 整體嚟講，食物OK，份量好夠。更多
好友生日 本來book左日本菜同佢慶生 點知佢同我講佢想去港式扒房据扒 我當然答應佢啦 呢一到基本上所有鐵板餐都係配餐包餐湯同餐飲 其實價錢都係平過＄150以下 份量其實都唔少 我自己個人就覺得非常抵食 我哋兩個都叫咗羅宋湯 羅宋湯嘅味道偏酸 我覺得幾好飲 而我就叫咗一個雞扒餐 兩大塊雞扒配薯菜 雞扒上仲有一大pat蒜蓉 其實...我自己其實好鍾意食蒜 但覺得真係 多得滯 雞扒嘅皮幾香口 而肉質都算幾滑 而朋友叫咗個美國安格斯肉眼 我哋問點解唔係鐵板上 佢就解釋原來呢一款牛比較靚 為咗唔好影響肉質所以就係木板上 我哋叫咗六成熟 但切咗出嚟感覺似得三成熟 但最重要一樣野中間個心完全係凍嘅 我哋同班侍應講 侍應就幫我地轉咗做鐵板 都算一個好好嘅服務 我自己覺得呢一度就中規中矩 略嫌鐵板有一啲細 如果大塊少少應該會更加好🤔更多
