222
73
43
| 餐廳: | 沙田凱悅酒店咖啡廳 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
港鐵大學站 B 出口, 步行約3分鐘
繼續閱讀
電話號碼
37237952
開飯介紹
咖啡廳供應自選菜譜及各時段的自助餐，餐廳分為主用餐場地、可容納10人的私人宴會廳和連接主用餐場地的室外陽台。 供應國際美食的咖啡廳設4個開放式廚房 — 中國廚房炮製香港地道鑊炒美食；凍廚房供應冰鎮海鮮；西式廚房即場烤焗薄餅、意大利麵及烤肉；甜品廚房供應自製甜品及糕點。
繼續閱讀
營業時間
今日營業
06:30 - 22:30
星期一至日
06:30 - 22:30
以上資料只供參考, 請與餐廳確認詳情
有關獎賞計劃
相關文章
食評 (397)
朋友成日介紹我紀念日慶祝嘅話必定要去Hyatt👍🏻嚟緊新年好忙🤣同👦🏻諗住提早慶祝四周年🥰當日係假期嘅晚市 已經座無虛席❣️餐廳寬敞舒適 而且食物區嘅款式種類選擇多 都以貴價食材為主要 性價比高之餘又高質 渡過咗一個美好嘅晚上🙈💓凍盤、海鮮、刺身方面:海鮮種類繁多又新鮮 包括松葉蟹腳、龍蝦、帆立貝、螺肉、凍蝦等 松葉蟹腳新鮮啖啖肉👍🏻鮮甜味十足 而且龍蝦大隻又新鮮 每一隻都有膏😍refill嘅速度都好快 落足本錢😆切片火腿及芝士嘅選擇種類好多🧀刺身有常見嘅三文魚 仲有帶子、甜蝦、八爪魚等 切得大片又厚身 肥美無比 食落新鮮無雪味😍仲有帶子三文魚卷同炸蝦卷選擇 我都拎咗幾粒試吓😍💓熱食燒烤方面:主打既當然係7:00芝士焗龍蝦🦞面層嘅芝士鹹香無比 燒到啖啖肉 爽口彈牙 而且仲要係任食😍CP值好高‼️仲有即燒鐵板燒檔都好受歡迎👍🏻燒牛扒、羊架、焗鱈魚味道都一流 新鮮之餘即叫即整 食落熱辣辣🔥 7:30時段鐘聲響起🔔仲有即燒斧頭扒 味道濃郁 呈現嫩滑既粉紅色😆熱食區仲有枝竹煲羊腩、豉汁蒸鱔魚、東坡肉、臘味飯、燒味等 都係冬天當做嘅食材🤣最吸引又最多人拎嘅當然係有鮑魚跟花膠、冬菇炆鵝掌鍋😍新鮮大粒 味道濃澀 回本必食👍🏻而且6:30嘅時候 有限定嘅焗牛油果 、鮮蝦、柚子芝士醬 味道新鮮好食🥰💓甜品方面:甜品種類眼花撩亂🍮包括拿破崙、葡撻、紅豆鯛魚燒、多款雪糕、即煎法式班戟等 無論外賣打卡 定係甜品嘅味道都唔錯😍個人好推介即煎香蕉班戟 即叫即整 唔會好甜 配埋雪糕一齊食 冰火二重奏👍🏻雪糕有八款口味 亦都有我最鍾意嘅曲奇味同香草味👍🏻真係食完一球接住一球🤣
繼續閱讀
日前橫風橫雨，梗係要留係室內又安全嘅地方啦！所以小編就同朋友仔喺間酒店嘅自助餐廳，邊食邊等😆餐廳位置闊落，職員友善，會事先提醒客人指定時間會有新鮮出爐嘅美食！可惜嘅係，冇得睇人炭燒斧頭扒，因為室外落大雨🥹♥️∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴❥ 沙律前菜🥗除咗有多款Ham & cheese、自助沙律吧、同埋好幾款特色沙律之外，仲有一板煙三文魚任夾、特製大蝦沙律、24個月parma ham配上爽甜密瓜，回味無窮❥ 海鮮刺身壽司🦀海鮮類除咗有大蝦、長腳蟹腳，仲有厚肉、有超多橙紅色蝦膏嘅龍蝦任食，鮮味十足刺身方面，有小編最鍾意嘅帶子，厚身啖啖肉，即刻嚟多幾件❥ 肉類熟食🥩鮑魚、花膠、東坡肉、蒸海斑、燒豬腩肉、Pizza、燒豬腩肉、燒羊架、燒大蝦、焗鱈魚等等都可以搵到，款式超多！仲有柚子芝士鮮蝦焗牛油果，清新得嚟芝香creamy。另外，係指定時間會有軟腍炭燒斧頭扒、新鮮出爐嘅芝士焗龍蝦，呢個靈魂組合冇得輸！❥ 甜品🍨鍾意食香蕉煎餅嘅朋友仔要留意！呢度有即叫即整架！淋啲朱古力醬，再配埋個雪糕，要encore再encore!小編一見雪糕就心心眼，加上好奇心嘅驅使，見到有款黑森林雪糕杯，就即刻order個試試，唔試唔知咁邪惡，兩球雪糕加上cream同brownies，最後加啲酒就完成啦！ 仲有多款甜品例如拿破崙、芝士蛋糕、冬甩等等可以揀❥ 飲品🍹每位客人都包杯餐茶。另外，小編發現特調嘅水果賓治，入口酸甜適中，解膩！∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴
繼續閱讀
依家個個都北上，飲食業好艱難，但估唔到當晚竟然全場滿座！野食選擇好多💯冰鎮海鮮最推介波士頓龍蝦（假日限定）、同長腳蟹🦀日式刺身非常新鮮，當中帶子、三文魚同油甘魚最為鮮甜肥美✨當晚7點同7點半職員敲鐘🔔buffet line隨即出現長長嘅人龍，小編都唔執輸😆出去拎左幾次芝士焗龍蝦同斧頭扒！食完上面已經飽左7成，仲有鮑魚、花膠、石斑、烤乳豬、東坡肉刈包、烤牛肉⋯食物種類多到不能盡錄！臨走之前仲食左四大球哈根達斯雪糕同一系列甜品，超滿足！
繼續閱讀
自費post. 位於Lobby Level 嘅 Cafe -- 餐廳名真係叫 Cafe (咖啡廳) 由3个區域組成，分別是在室內較光嘅區域、室內較暗嘅區域及室外露天近游池傍嘅區域。每次來坐不同嘅區域，都會有不一樣嘅感受。煙煙韌韌嘅餐前麵包，吃起來Q彈有嚼勁。進食時配以牛油與橄欖油味道豐富些嘅同時又增加了飽足感。#凱悦洒店#HyattRegencyHongKong#hyattregencyhongkong#hyattregency#hotel#shatin
繼續閱讀
❀ 沙田凱悅酒店咖啡廳 #沙田 ❀❗中文大學內五星級酒店 食食吓仲有鐘聲響起❗——————————————————第一次嚟到中文大學內嘅沙田凱悅酒店食自助餐！即使位置偏僻，weekend都幾乎滿座🤯.✷𝑀𝑒𝓃𝓊✷☞ 自助晚餐星期一至四 6-10pm 成人$680/小童$340星期五至日/公眾假期及前夕 成人$740/ 小童$370.呢度最特別係會有即時烹調嘅美食！18:30/19:00/19:30會有鐘聲，所有人立刻衝去排隊，場面超級震撼🤯當日分別有局牛油果、火焰芝士焗龍蝦及戶外炭燒斧頭牛扒。新鮮出爐，特別香口美味🤤尤其斧頭扒真係我食過咁多間最軟腍👍🏻.當然亦唔少得魚生及海鮮之外，有齊龍蝦、長腳蟹、蟹鉗、帆立貝、三文魚、吞拿魚。.熱食選擇就不過不失🙈有一系列嘅烤肉、中式燒味、石斑魚、東坡肉。最推薦花膠炆鮑魚，非常入味，花膠彈牙滿骨膠原🥰另外西班牙炒飯亦不容錯過，超級大盤仲有大量海鮮🦞.甜品選擇亦非常豐富，如布甸麵包、抹茶忌廉蛋糕、牛油蛋糕🍰仲有即製熱辣辣紅豆鯛魚燒，可以按個人喜好添加紅豆，口感軟綿綿。及即叫即整法式班戟，仲可加上Häagen-Dazs雪糕🍨。——————————————————✨整體味道: 3.8/5 ✨環境裝修: 3.9/5✨服務態度: 3.8/5✨性價比: 3.5/5✨再訪興趣: 3.5/5.💞整體來講會響鐘提大家有新鮮出爐嘅食品充滿儀式感，仲要大家立刻衝出去攞嘢食真係好有趣。可以由六點食到十點，OpenRice訂座最低仲有七折優惠添！
繼續閱讀