90歲胡楓（修哥）早前在紅館舉行演唱會，更請來好友羅蘭做嘉賓上台合唱。估不到完騷後，內地突然傳出胡楓於後台向羅蘭姐求婚的消息，傳聞更一度上了熱搜。報道直指二人不會去攞結婚證，也不打算擺婚宴，只想一齊共度餘生，言之鑿鑿。當中更重溫了修哥和羅蘭姐的「情史」，指修哥自妻子呂詠荷6年前離世後，便與羅蘭姐愈走愈近，近年更出雙入對，修哥的5個仔女都支持他們。雖然有指消息來源為「港媒報道」，但翻查後未有港媒提及此事。
對此，修哥接受東網訪問時笑言：「你信唔信呀？都唔係第一次咁講啦！你都唔知係第幾個恭喜我！嗰日我喺後台根本就見唔到羅蘭姐，不過唔緊要啦！都係開心事嚟嘅！」
東網網站 : https://on.cc/東網Facebook專頁 : https://www.facebook.com/onccnews/