阿媽睇到心噏　劉穎鏇為打豬屍解畫…

藝人劉穎鏇（Tiffany）今日出席台慶劇《兄弟》宣傳活動，談到她於戲內打拳打到頭破血流，她表示自己是真打，仲大爆媽媽睇到心痛、肉赤：「見到我又喊、又流晒血，好心噏，不過佢哋都有讚我第一次做戲幾好，當然有進步空間。」

對於有網民指她打豬屍好殘忍，Tiffany表示有睇到相關言論，其後續指當初一知道劇情，自己都有少少質疑，即刻問工作人員是否需要出動豬屍：「後尾佢哋話以前都有用豬屍做沙包，所以就照拍。」她預告之後會交代戲中的爸爸是豬肉佬，要求自己打鬆100隻豬屍，才有這幕打豬屍場面。問到拍攝期間可會覺得惡心？她坦言初初都覺得唔舒服，因為之前未接觸過：「但拍拍吓入戲就唔覺核突，除咗有一幕我係要孭起佢，雖然有毛巾墊住，但都覺得好尷尬。（拍咗幾耐？）都開咗一晚廠。」