試當真｜古天樂、鄧麗欣現身撐場見工 一文重溫現場版全日精彩時刻
文｜東方新地 圖：試當真Facebook、Stephy IG、東方新地讀者提供
古天樂現身試當真一週年現場版
由游學修、許賢、以及蘇致豪（哥）於去年創辦的YouTube頻道「試當真」在短短一年間極速發展，不少商戶都爭相在他們的平台落廣告，現時「試當真」已經累積超過30萬訂閱人數。為慶祝成立一周年，「試當真」今日（26日）假九展舉辦首個現場版演出。《試當真一週年現場版》表演全長超過180分鐘，內容超豐富！有劇場、歌舞、頒獎禮、游學修個人talk show，又有Dear Jane、Tonick、仲有小薯茄客串；最後每位成員發表個人感想，又即場試音片， MC $oHo & KidNey新歌發布，資深Fans個個都表示收貨之餘，仲有排回味！
不過最驚喜，就係星級嘉賓，繼日場「Channel需要女」現場版有鄧麗欣做嘉賓現場「見工」，夜場同一環節仲有古天樂都現身，之前游學修一直否認「試當真」背後有金主，今次古老闆現身，真係可以現場上演一幕「Channel需要錢」！咁大件事有人講呀！
歌舞環節 男扮女裝扮YOLO；kayan locker情侶檔辣身舞！
三段歌舞環節，分別是舞台重演《狂舞派2》、反串「男版yolo」《選擇困難》、來自Super Girls的成員Yanny陳穎欣帶領女成員跳唱《鎂光燈下》，kayan9896更與Locker情侶檔上演「男女辣身舞」：
四台聯播現場版
小薯茄、熊仔頭、啱Channel派代表再和試當真crossover「現場風雲」，這環節仲有前Cap TV、金剛Crew班底：雷爺、LD發、火柴及Jackie現身，老觀眾睇到好窩心：
Dear Jane x 試當真 《外賣修澧賢》
MC $oHo & KidNey新歌發布
MC $oHo & KidNey兩首名曲《跌嘢唔好搵》、《走先啦係咁先啦》掀起全場高潮！意想不到二人為全城受MIRROR影響變成「前夫」的苦主撰寫了一首新歌，即場發布！Fans請繼續留意官方MV發布！
年度試音片&短片大獎
重溫得獎片段
https://www.youtube.com/watch?v=CZZ31WN6S98
