轉數快意外收$1000　陌生人稱錯手促歸還　網民懷疑洗黑錢陷阱　金管局教一招防中伏

近年電子支付盛行，廣泛用於消費購物或親友間金錢交易。轉帳時理應小心核對資料，但總會有大意轉錯錢的時候。近日有網民表示收到陌生人致電稱轉錯1,000元，經查閱後證實收到該筆金額，向其他網民廣納意見「畀唔畀返佢好」？

出帖後不久後轉款
網民：已涉嫌洗黑錢

然而，該位樓主在出帖約一小時候又上載截圖，稱「過咗啦，希望我下次過錯啲人都會畀返我」，引來大量反對聲音︰

▼點擊圖片放大

+4

+3

有少數網民指出，騙徒可以利用支票戶口偽造過數紀錄︰

▼點擊圖片放大

應該係scam嚟，佢入落你戶口果$1000 係用支票戶口入，你會睇到但實質上未過數的。

然後佢收到你過比佢果真正$1000後，佢就會cancel個支票過數，咁佢就成功呃咗你$1000⋯你最好打去銀行問吓。

之前睇過有條片話有人過錯數俾佢，但條數係可以取消，你一過返俾佢，佢就可以取消之前過俾你果條數，下次一有呢啲，千祈唔好嫌煩，打去銀行，佢地可以幫你check

但更多網民擔心樓主擅自轉回款額，已墮入聲稱「過錯數」的身份不明人士的洗黑錢陷阱，紛紛指正樓主宜「企硬」不轉款，應自己前往或勸對方向銀行和警方尋求協助，以保障雙方利益，「比較正常嘅做法係聯絡咗銀行同去警署報案」、「你點都要去銀行搞一轉」 ︰

▼點擊圖片放大

+5

+4

同佢講會俾返佢，但請佢同返佢銀行講係過錯數，銀行會識處理

PS：唔想見到有人無辜辜咁跌入洗黑錢嘅圈套

你應該叫佢搵銀行搞呀
銀行會叫佢填form再經一啲手續再退畀佢
咁樣係耐啲時間，但係經正式手續退
今次係1000蚊唔算多
但萬一對方係洗黑錢
被人查緊
又查到你私下過數畀佢
你都會有麻煩

其實正確就可以經銀行退返去嘅，但你點都要去銀行搞一轉。我有一次都試過發生呢件事公事公辦。

叫佢同佢銀行講過錯錢，之後佢嘅銀行就會request你嘅銀行收返筆錢，之後你嘅銀行就會問你係咪真係過返俾佢。 

叫佢自己搵銀行搞，但錢唔好轉走/用左佢 ，但如果銀行搵你而你唔比反人，咁就可能會犯盜用他人財產罪 

下次嘅話同銀行講等銀行俾

有機會係洗黑錢

轉數快入錯數，可能是騙案，亦可能是真實失誤。如收到懷疑入錯的款項，是否有責任處理？

收到「入錯數」可否不處理？
金管局：向銀行報告

該帖文有留言稱「唔畀。$1000買個教訓又唔貴」、「啲錢過左落你到就係你名下資產，就算佢去銀行處理，你唔退嘅話銀行都冇你辦法」。然而，這些說法未必正確。

但又如何避免落入騙財陷阱和洗黑錢嫌疑？還是參考金融界、銀行業做法。根據香港銀行公會及金管局「跟進錯誤轉帳的處理程序」新指引，建議有關銀行在接獲客戶「轉錯數」報告後，應在2個工作日內要求收款銀行，聯絡客戶及確認有關誤收轉帳，並需取得客戶授權後方可即時轉回有關金額。

銀行亦有責任提供一切相關資料，協助客戶盡快識別轉帳是否有誤，並需提醒收款客戶不歸還誤入款項，可能要承擔刑事責任。

要是錯手的是自己
又如何解決？

轉數快母公司香港銀行同業結算有限公司網站「常見問題」頁面顯示，用戶在付款前（包括在收到有關付款資料時及在使用有關資料付款時）應核實付款詳情，包括收款人姓名及款額，以避免轉錯數的情況。

若未能直接聯絡收款人要求退回有關款項，應盡快通知銀行/SVF（儲值支付工具），以提供適當的協助︰

▼點擊圖片放大

撰文：黃正軒

相關文章：

實測八達通「全國通卡」　可「鎖定匯率」　5點冷知識你要知！

「對錢沒有概念」　內地主婦提倡「現金儲蓄法」　棄電子支付︰親人去世才知「錢能買命」

PayMe用家注意！Android版App或因2大風險被停用！（附解決辦法教學）

＝＝＝＝＝
理財真實個案分析，立即免費下載《香港經濟日報》App