【 #保衛立法會：朱凱廸、吳靄儀、劉小麗、羅冠聰、姚松炎、梁國雄發言節錄】 #朱凱廸：過去數星期，北京「釋法」隨意消滅立法會議員，更加提醒我作為主張「民主自決」嘅立法會議員，我嘅政治主張就係香港人可以建立番有我哋決定既憲政制度、政治前途！ #吳靄儀：梁、游被司法程序取消資格嘅時候，好多人都猶豫佢哋好唔抵爭，政府好似贏左一仗，對香港打擊好大，而家繼續對四位議員司法覆核既時候，政府會面對極大困難。所以我第一樣要呼籲政府：停手啦！ #劉小麗：我哋開心半日就好了，因為琴日到而家最開心嘅唔係香港市民，最開心係「葉劉振英」、「林鄭振英」呢一班西環Plan B、Plan C！所以我哋唔可以鬆懈，我吔呢班Plan B、Plan C都失敗！ #羅冠聰：我哋嘅議席被剝奪係代表咩呢？我哋六個議席被剝奪有補選，但更重要係佢唔單止代表大家嘅選票浪費咗，仲代表大家嘅思想被禁錮！ #姚松炎：我究竟能唔能夠行落去、堅持落去，係睇大家會唔會同我一齊行落去！我哋今次好清楚睇到，基本法賦予循序漸進實現民主係謊言嚟嘅！由幾十萬選民選出嘅議員，點可能被政府用市民嘅錢，用司法覆核取消資格呢？ #長毛 ：呢個係一個非常嚴肅既鬥爭！唔係我地四個人有無得做爛鬼立法議員嘅問題！我想問，選舉嘅原則係咩？就係要得到選民嘅負託，就算係佢地啲小圈子選舉，都係票多嘅人嬴。而家我地選到嬴左啦，就話我地宣誓唔得要DQ我地喎？廢話。 ＿＿＿＿＿＿＿＿＿＿＿＿＿＿ Youtube 頻道：http://goo.gl/JtEXoR 網站：https://chuhoidick.hk/ Instagram：chuhoidick Twitter：chuhoidick Telegram 頻道：https://telegram.me/chu_hoi_dick