各位用開 Android 嘅 wire 民，會唔會發覺部機用耐咗，就算是旗艦機都會「窒吓窒吓」，雖然話每部手機的規格都有少少唔同，但影響流暢除咗硬件之外，介面同設定其實都好影響使用體驗。以前唔少人都會安裝多個「優化程式」，但好多時呢類程式其實都只能作出某部份的優化，但同時影響到系統在其他方面的流暢度。其實，要為手機加速，工具一早已經隱藏在 Android 系統入面。
各位 wire 民都知，Android 系統內有一個隱藏的功能名為「開發者模式」，大家如果有裝過 APK 的話，自然都需要開啟呢個功能，其實除了安裝 APK 之外，入面仲有好多實用的功能，除了可以令到部機用落更快畫面更靚之外，就連上網速度都可以更快。
▲要打開「開發者模式」，首先要在關於手機一欄，找到手機的「建置號碼」（Build Number），點擊該項數次就可以啟動開發者模式選項。
叉電唔會熄 Mon
對於鐘意打機的 wire 民，好多時都會邊充電邊打機，但同日常使用時一樣，隔一段時間唔用就會自動關閉熒幕節省耗電，但好多時遊戲就會暫停或被強制彈出。只要開啟此選項後，電話或平板處於充電，熒幕就不會關閉，方便用家在充電時打機唔怕彈 Game，如要鎖機，只要按下實體開關鍵即可。
一閂 App 即時 Kill
雖然 Apps 可以於背景運作有唔少好處，例如打機或煲劇途中，要臨時回覆一個重要的電郵或 WhatsApp 訊息，就唔怕之後要重新載入遊戲或再次串流影片。但程式一日未完全關閉，都會繼續保持於背景運作，長久之下就會佔用不少系統的記憶體。只要於開發者選項選擇限制背景程式，最極致是完全禁止背景運作，即退出程式就會完全關閉，雖然能釋放最多可用記憶體，但每次載入程式時就會因沒有緩衝而較慢。
打機畫面更靚
開啟這選項後系統會於採用 Open GL ES 2.0 的程式中打開 4x MSAA，最明顯分別在於遊戲畫質會變得更圓滑，不過這會大大增加 GPU 的負荷，如果 CPU 或 GPU 速度不夠快，反而會令遊戲畫面變得不流暢，同時機身會明顯更熱，耗電量亦會大幅增加。
停止不必要動畫提升流暢度
不少廠商都在自家介面上加入不同的過場特效，令到不同廠商之間在使用時好似有些少分別，但其實每次都要花時間載入動畫再顯示就太慢。只要完全關閉所有動畫，或選擇轉場或切換視窗時才使用動畫效果，都可以令大家使用時感覺快了少許。
確保上網速度
在多數情況下，為了節省上網數據使用量，在室內都會改用 Wi-Fi，但當 Wi-Fi 訊號太弱，就有機會造成有連線卻上不了網的情況，尤其是公共場所例如餐廳所提供的免費 Wi-Fi，只要開啟此選項後，當偵測到 Wi-Fi 訊號太弱時，便自動會改用流動上網。雖然可以有效提升上網的穩定性，但同時亦有機會帶來數據用量上升，各位 wire 民要多加留意。
分享到 :
最新影片
