დონეცკის ოლქში ჩამოგდებულია რუსული სუ-25 - უკრაინული მხარე
1715673767
უკრაინელმა სამხედროებმა კიდევ ერთი რუსული სუ-25 ჩამოაგდეს. ამის შესახებ ინფორმაცია 110-ე ცალკეული მექანიზებული ბრიგადის Facebook გვერდზე გავრცელდა.
„მესამე თვითმფრინავი ბოლო ორ კვირაში. 110-ე მექანიზებული ბრიგადის საზენიტო მსროლელებმა დღეს კიდევ ერთი რუსული სუ-25 გაანადგურეს“, - ნათქვამია ინფორმაციაში.
მოგვიანებით, უკრაინის შეიარაღებული ძალების გენერალურმა შტაბმა განაცხადა, რომ თვითმფრინავი დონეცკის მიმართულებით ჩამოაგდეს.
უკრაინის პრეზიდენტმა ვოლოდიმირ ზელენსკიმ დღის შემაჯამებელ ვიდეომიმართვაში საზენიტო მსროლელებს გაწეული მუშაობისთვის მადლობა გადაუხადა.
