影片
美心新推出的晚餐---雞煲翅+小菜+飯+中國茶====59蚊主打雞煲翅,是真魚翅, 雞都有差不多半隻,兩者份量和宣傳照片差不多,魚翅算可以,是一翻翻的,味道其實在上湯,宣傳話用金華火腿炮製,但和出面酒樓吃的品質有很大距離,無火腿味的甘香,無鮮甜味,雞香瘦肉香欠奉,但味精不算多;雞算滑,不鞋,且煲得夠,肉夠淋,無雞味已散在湯裏!結論---應把心思放在廉價的食品上,用低價做高擋食品,結果兩面不討好!!!
繼續閱讀
行街後想飲杯熱飲暖下身, 入美心買了杯冬日熱飲蘆薈杏仁椰汁, $12, 白色的飲品, 未飲都覺得很滋潤, 飲落有好香杏仁椰汁味, 幾好, 但偏甜, 溝了些熱水後就好飲好多了, 今次美心的出品幾好呀.
繼續閱讀
之前收到的 coupon 快要到期了...襯今天的出來看戲時 , 順道一併用掉吧~coupon 是一客皇牌焗豬扒飯套餐 (包汽水)友人先行去買餐 , 那我負責找座位留意到餐廳有些單人座位上設置了小型電視機很好...一個人吃飯也不會悶...可以撈電視汁原先選了 4 人檯的我 , 還是抵不了電視的魔力最終還是轉了過去有電視的座位友人無奈下也要屈服 XD"焗豬扒飯味道還可以 , 只是醬汁有過濃...吃完有點口渴....雖然心裡面還是覺得大 X 樂的焗豬扒飯比較好吃...但是在它的水平不斷退步下, 一個人吃晚飯的時候 , 這裡絕對是一個不錯的選擇 XD"
繼續閱讀
每逢轉季好多快餐集團都會推出時令食品同飲品，美心就有鮮檸薑茶同蘆薈杏仁椰汁，淨飲耍$12，餐飲轉就加$4.5，都算抵飲。以往美心都有杏仁飲品例如杏仁奶茶同杏仁咖啡，味道都配合得唔錯，今次為咗試佢地嘅新口味，專程食咗兩轉。先講主角，鮮檸薑茶其實係檸檬加薑汁再溝水，但係個杯底都有薑響度，叫做真材實料而且又夠薑味。至於蘆薈杏仁椰汁，杏仁同椰汁嘅味道好夾，不過加咗蘆薈都唔會有乜特別，都係綽頭而已。響午餐食到個野菌意粉，味道偏淡水準好普通，而響早餐食到個羅宋湯嫩牛肉通粉就有問题，D牛肉唔知俾乜嘢招呼過，滑就滑但完全無晒肉味唔知食咗乜，算係失敗之作。個笑面係俾兩個飲品。
繼續閱讀
一直都覺得美心快餐既食物，比其他快餐店貴，份量又少，所以一直都無好感。但因為實在唔想食炸野，唔想食牛肉飯又唔想行，於是就入左去。通常去食快餐店，我多數都會食焗飯，總覺得會穩陣d，但今次叫既焗豬扒飯好唔掂，一黎到，色水好古怪，啡啡地色，我未食過呢度既焗飯，可能一直都係咁啦，唔再研究。配料好多，我特登去拎個碗黎裝起佢，畢呀畢....畢左半碗有多既配料= =....塊扒.....得個焗飯面既一半都未必有.....仲要係得一塊= =....最最離譜既就係呢時發生。我放第一啖飯入口，第一感覺：噁心！個飯濕濕地，仲要有d食緊納豆咁既感覺，即刻吐出黎。用匙畢一下個飯，仲要見到有一條條絲......好噁心....你估食緊納豆飯咩！聞一下，仲要有陣酸酸地既味....可能你話係d汁or芝士整到咁，NO！！！！我食緊既係比塊扒遮住左既飯，隔絕左D汁，無可能關汁事，更何況你會食過焗飯會有咁既情況咩？？好過份呀.....好唔開心，我男朋友就幫我拎出去講，跟住佢地換返個燒味雙拼比我....不過已經無哂心情喇.....
繼續閱讀