北京樓 (太古城中心)

營業中

休息中

價錢貴 $19 一位茶錢 沒服務茶壺沒有暖住 很快茶變冷茶我們喜歡喝熱的茶其他酒樓集團的安排及服務細心很多放下前菜(菜莆粒 豆腐乾？) 我說我可否不要前菜 服務員說可以 但教訓我 給面色我看 說下次早些出聲說不要前菜 否則令她們多添工作 (真奇怪 ！我沒有說要前菜 她們又沒有問！)片皮鴨的包片沒有蒸籠上 碟上 三四分鐘已變冷 多年多人表達意見 從不改善 果然不理客人的意見 沒有改善服務的意思高力豆沙 很很很遲端上枱 三催四催才出現上枱只是微溫完全不熱可以說不是十分差但找不着再光顧的理由

友人想食北京填鴨，即時想到嘅當然係北京樓🤔🤔！咁咪訂枱去食，隨即去open rice睇食評，一睇心想有D伏！😵‍💫😵‍💫不過已約好，即抱試一試喇！咪伏囉！🥺🥺北京填鴨完全唔得，偏瘦、鴨皮算脆冇油份，肉有D柴！薄餅冇蒸籠乘載，好快就凍，食一件後，唔得凍晒，難食！咁唯有厚顏問侍應有冇熱的薄餅，她很好，幫加添一份暖的，但即時包一份，全枱人反應係點解咁快凍，雖然室外10°C，但冇法唯有繼續食埋佢！但服務上係可以嘅，服務我哋嘅侍應好有禮貌。但總括不會再光顧！

一早就聽說呢間，第一次來食，三個人叫左四個菜，一個甜品，啱啱好。一落座就被個餐佈吸引，好靚嘅藍色，令人心情舒適。紅燒獅子頭 $198只有一個好大嘅肉丸，不太抵食，不過味道確實好好，肉沫好細膩，醬汁顏色好深，但鹹淡啱啱好，係我食過最好味嘅獅子頭片皮鴨 半隻 $318個皮可以再脆d，醬汁調得好夠味，半勺即可。糖醋桂花魚 $338甜口，炸得表皮脆卜卜，骨頭都好酥。北京炸醬麵 $98我估落左花椒油，有些許麻，個人覺得有些鹹。蛋白杏仁露飯後飲呢個，好享受呀。

老人家突然話想食北京填鴨，星期六沒訂位首輪滿座，知客叫我哋試吓walk in, 等到6:15p.m.入座，話7:30p.m.要交枱。一坐低摧了兩次「仲未落單」。點了半隻填鴨，四人得九塊皮，加皮要$6x。7:20p.m.侍應叫我哋埋單，我話甜品仲未到喎⋯⋯7:23p.m.部長過嚟黑口黑面叫埋單…..7:32p.m.走時周圍啲客已經差唔多走哂，攞好哂枱等第二輪8:00p.m.，門口無人等位。四人食北京樓過千元埋單預咗，食物質素一般及零服務亦是常態唔會覺得意外，係估唔到會衰到咁，有老人家喺度使唔使摧摧摧呀⋯⋯？！如果唔係老人家話想食根本唔會再喺香港食填鴨，連老人家都話無下次。

見好耐冇食北京菜，又想支持吓香港經濟，食咗2千幾蚊，食物質素都唔好提喇，服務先差都無得再差。除咗帶位嘅較為好啲，全程係冇人serve嘅，落單都係我自己QR code落。零服務，叫極冇人應。難怪人人北上消費。食物大致上冇咩味，同埋唔夠熱。片皮鴨400蚊一隻，片出嚟啲皮好少，同埋…竟然有陣「騷」味！包鴨嘅薄餅皮…好差！我可以話隨時去一間普通茶樓食片皮鴨都好過佢。好失望！另外，講真，服務可以畀0星星嘅話，我會畀0。一星真係畀多佢。

週五晚包房食飯，自選了菜色，當然北京填鴨是其中的一道菜，北京樓嘛⋯⋯份量十足，每道菜都做到美心水準，但總覺得可以再做好點。如乾瑤柱的陳舊味可以去得好點、鮑魚汁可以扣得濃一點、個湯可以燉得長少少時間，相信可以將個湯更有和味的感覺，當然這些都還欠少少。整體水準可以接受，但真想食好嘢，北京樓就不作考慮了。最後，這北京填鴨，已好像變了成燒鴨的感覺，哪裡有填鴨的味道呀？ 食落的味道就似係現今食任何普通蔬菜的味道，有型冇味。 另，上菜最好及時一點，溫度影響味道，樣樣都不變，就咁熱辣辣一點，味道亦將提升一點。 終結一句，美心味道，不過不失。

朋友喜歡吃中菜，這天帶我去了老牌中菜館北京樓，兩個人點了一個點心、兩個餸和兩個甜品，整體食物質素不錯，十分滿足。⭐️胡同蘿蔔絲酥餅⭐️大蔥大烤滷排骨⭐️雜菜雞煲⭐️桂花酒釀丸子⭐️蛋白杏仁茶

五一長假期，酒樓外排長龍，好彩我們仨有訂枱，顺利入座。但由於一個晚上分兩輪入座時間，我們在交接時間到，入座後很久也沒人理睬，餐牌也是要求才拿給我們😅服務員人手嚴重不足。我們點了：1、醉雞-份量足、入味，肉質不夠嫩2、雜菜沙律- 菜新鮮爽口，蔴漿在碟底撈起來剛剛好，不會太多或太少3、全隻片皮鴨- 保持水準，但薄餅皮放碟易變涼變硬，建議用有蓋蒸籠盛上，調🥄也不應用大瓷🥄，用來不方便，太多漿貼在🥄上，應該改小匙。越嚟越馬虎了4、海蔘鍋巴- 淡而無味，鍋巴硬而不脆，很失望5、酒釀丸子-沒有拍照，一般用了信用卡優惠，價錢還可以

📍 #太古 #北京樓#羊羊在太古#羊羊在港島屋企人鍾意食中菜，於是帶咗佢哋食北京片皮鴨💁🏻‍♀️至於點解揀呢間，一嚟呢間都算出名中菜，二嚟環境比一般酒樓舒服😌最重要係佢星期一至日午市都有供片皮鴨套餐，用最優惠嘅價錢食到片皮鴨🤑事實上質素係唔差，份量都好夠，細食可能5個人都夠分😂🐑午市行政套餐 (4位用)✨胡同里芳香素方素方即係好多張腐皮疊埋再切成塊煮嚟食，算係素肉🍖幾鍾意呢個，幾有咬口，豆香都好濃😄✨甜不辣醬牛肉幾特別，好似甜醬嘅汁配牛𦟌🐄牛味好足，啲醬更吊起啲味😙✨雲南小瓜蝦仁啲蝦仲多過啲蔬菜，會唔會誇張🤣蝦仁好彈牙，似蝦餃個啲餡🦐菜唔會落太多油，好清爽☺️✨金湯海皇羹又係足料嘅一道菜，除咗蝦仁，仲有啖啖蟹肉🦀鮮味比南瓜味重，但兩者都配合得好🎃✨烤北京填鴨（半隻）片皮鴨精粹在於啲片，送上嚟仲脆的同一咬就爆哂鴨油🤤可惜啲肉有少少韌，同埋皮嘅份量可以多啲就好了🥹餅皮好薄，仲有啲韌度唔易穿🤩不過冇嘢保溫，鴨同餅皮凍咗就冇熱咁好食，少少扣分🤏✨松子菊花魚同枱都讚好味，酸酸甜甜嘅咕嚕醬配炸魚好惹味🐟魚係偏實，但炸到外脆內軟🤭✨蟲草花炒翡翠苖特別嘅菜，翡翠苗係出面好少有，仲要幾貴，食到好感動😭味道同

今晚約咗一個喺太古城住嘅朋友食晚飯 由於係即興約嘅 所以都冇特登book餐廳😮 所以照Walk in 點知餐廳話Walk in嘅得返外面近門口嘅位置 坐低咗都幾難叫到店員㗎 所以最好都係book位 坐返餐廳入面嘅位置😗胡麻醬雞絲粉皮胡麻醬偏杰身 配埋青瓜絲食都幾fresh🐥無錫灌湯小籠包小籠包皮太過厚 但係啲湯又好易漏🫣 唔太推薦呢一碟菜式🥲北京羊肉搶湯麵呢個湯都幾重羊味🐏 如果怕羶嘅朋友 可能唔太啱口味 食落湯底偏鹹 有少少似上海湯粗麵嘅味道🍜大胡同回鍋肉配火腿花卷四隻一上枱見到呢啲回鍋肉有咁多辣椒 都好擔心佢會好辣 會食唔到🌶 佢嘅辣味偏向豆瓣醬嘅感覺 如果撥開啲辣椒 就咁食個肉 都唔會太辣嘅 夾埋火腿花卷食 就啱啱好啦😎揚州小蔥蛋蝦仁炒飯都係一般茶樓炒飯嘅水準 不過比較特別嘅係呢度用咗腸仔粒去代替火腿🐷 食落就變咗有少少西炒飯嘅感覺🤣呢一餐除咗欠缺服務之外 食物質素都可以接受 餐廳可能要諗吓可以點樣照顧到坐近門口嘅顧客🤔

夜晚喺度食飯 ，見到個小露寶行嚟行去送餐 ，好過癮。🤗🤗 送完餐仲會畀個笑面你睇， 真係有禮。 個小路寶 一次可以送好多碟餸 ，碰到嘢識自己停， 真係高效又聰明。 但係用送餐機械人 ，先決條件係要通道夠闊， 印像中只有美心集團有小路寶。 今晚叫兩碟餸 ，都係由小路寶親自運送， 所以食得特別開心 。🥰🥰一碟紅燒排骨 ，一碟香菇小棠菜， 紅燒排骨入面有小棠菜墊底， 所以今晚食咗好多小棠菜。🤣🤣 其實， 店員可以善意提醒 ，排骨裡面係有小棠菜嘅， 另外一碟可以揀其他青菜， 咁樣就唔使重複食一樣嘢太多。 咁樣嘅要求係咪過份？ 我諗要小餐廳先至做得到 。幸好， 小棠菜好嫩， 炒得好好食，所以食多啲都冇所謂， 排骨都係炆得好林 而且比較淡口， 感覺上係比較健康。👍

Team lunch 🤤 我哋一行六人嗌咗半隻北京填鴨、茶樹菇上湯翡翠苗、蔥爆羊肉、鍋貼、蘿蔔絲酥餅、賽螃蟹🦀️ 唔知係咪因為平日嘅lunch都幾多生意，所以服務同擺盤都真係好麻麻🥺 食物質素有少少俾佢嘅賣相減咗分，比起之前都覺得無咁好食🤔 特別係北京填鴨，佢係最遲一碟餸到，同我哋叫個一刻相差47分鐘‼️ 好似有啲誇張😮‍💨 攞盤同切法🔪真係有啲失望，好似求其切完就算🫣 不過味道都okay嘅🤔 其他都正常水平，無乜特别好食😂不過有嗰優惠要同大家分享😚 如果你係live+ cityplaza會員，你襟入”TAIKOO+”APP，入美食，再search北京樓，你會揾到：『於星期一至五午市作堂食惠顧滿$200/ 晚市作堂食惠顧滿$350，每位可享免費桂花酒釀小丸子一客』，有免費甜品食🆓總括嚟講，食物正常水平，但性價比有啲低😮‍💨

服務真係太差，個接代掛住講電話完全唔想接代我地入去食野，因為我地差唔多2點去到，佢地3點落場，完全係唔休做咁嘅款！質素遠遠差過金鐘和中環果2間。以為去咗大排檔！食物質素一樣。果個擔擔麵煮到好似水咁。我以後唔會再來呢間

如意吉祥宴（$2480 /6位）七里莊酒糟醉雞胡同里芳香素方賣相：🐧🐧🐧味道：🐧🐧🐧素方和醉雞為前菜頭盆，分別以大碟整齊排列呈上，未有刻意擺盤裝飾，賣相一般，份量則剛剛好足6人份量。味道方面，素方有點像腐竹卷，頗有層次感，口感冧身，調味一般偏淡。醉雞酒味略嫌淡薄，跟白切雞無異。雞肉骨比較多，肉質還好未算過老。蒜香蝦球帶子賣相：🐧🐧🐧味道：🐧🐧🐧🐧蝦球帶子各有6件，跟瓜粒、三色椒兜亂呈上，色彩繽紛頗為吸引。味道方面，蝦球帶子都十分新鮮，入口爽滑彈牙，未有腥味，配合蒜香醬料十分惹味。瓜粒、三色椒新鮮爽甜，十分不錯。金湯海皇燕窩羹賣相：🐧🐧🐧🐧味道：🐧🐧🐧🐧燕窩羹色澤鮮黃亮麗，非常奪目。味道方面，燕窩羹鹹度一般，內裡餡料十分豐富，啖啖燕窩非常抵食。烤北京填鴨賣相：🐧🐧🐧🐧🐧味道：🐧🐧🐧🐧北京填鴨由職員在專用櫃檯即時切好，鴨片整齊排列好在大碟上，醬料、蔥和片皮分開另上，非常大份十分吸引。味道方面，鴨片偏肥，脂肪一大層頗為肥膩，幸好鴨肉不算少，肉質軟嫩。鴨肉片配搭濃郁和味的醬料、新鮮蔥條和濕潤軟身的片皮，非常合拍滋味。朝陽菊花魚賣相：🐧🐧🐧🐧🐧味道：🐧🐧🐧🐧🐧菊花魚炸得金黃乾身，表面淋上豔紅奪目

親友暢聚，有老有嫩，到酒家享用傳統中菜，就容易滿足各人口味。是次一行14人（大部分食量不多）聚餐，共 order 兩個6人套餐。前菜有兩款：北京醬前蹄 與 胡麻醬雞絲拉皮。豬手片脂肪偏少，蘸醬吃的話味道過咸。我認為屬普通質素，親友則大讚好食。胡麻醬雞絲拉皮亦不算突出，粉皮幸不至於太硬實，胡麻醬味道沒有過重或唔夠味。北京宮爆蝦球為今餐中我最欣賞的一味！ 蝦球彈牙、大粒、啖啖肉，兼富蝦鮮味，微微酸辣惹味！ 如果唔係食得多肉易滯加上要顧及同枱親友，分分鐘食唔停口！烤北京填鴨 與 無錫灌湯小籠包。兩項京滬美點都令人滿意：鴨肉富鴨味，小籠包內注滿香甜熱湯！姬松茸上湯時蔬：務實的一味。套餐中的蔬菜元素，食材未有煮得過火。桂花酒釀丸子：桂花酒釀味道不錯，可丸子煮得過腍，完全沒有嚼頭，令人失望。整體而言，本用餐經驗的食物屬中等至中上水平。北京樓一直是一間聲譽不錯的餐廳，如希望在較舒適環境用餐，可予以考慮。