近年轉攻內地賺人仔賺到盤滿缽滿嘅佘詩曼（阿佘），早前終於回歸香港。媽咪姐以為阿佘呢鋪可以小休一下兼刺激本土經濟，點知佢返港唔夠24小時又要飛。
當日阿佘出席完代言活動，先折返畢架山新居再出發到機場。抵達機場後，阿佘一手挽袋一手推行李。可能財多身子弱，媽咪姐見佢咬實牙關，點推都推唔郁部行李車。不過一向警覺性高嘅佢，發現媽咪姐後即時扮冇事發生，仲主動向鏡頭揮手。瞬間甩轆變淡定，呢啲咪係視后風範囉！
從容不迫say hi
司機（藍衣者）醒目地立即落車幫手，一身鬆晒嘅阿佘大方同媽咪姐打招呼。
阿佘今次並非北上，而係去新加坡行catwalk，聽講酬勞仲高過當地一線名模，啲錢真係搵得輕鬆。
