【二月山曆 ⛰️.流水響🌅】 山林從不缺五光十色🤩,迎接二月嘅農曆新年,當然用喜慶洋洋嘅紅色打頭陣🧧! 🍁紅葉入小徑,流水響空山。每年春節前後,流水響水塘邊整排落羽杉由綠轉紅,啡紅、橘紅、暗紅⋯⋯令本來已極具詩意嘅流水響更加夢幻。落羽杉係落葉樹種,適應力強,喺濕潤或者排水不良嘅土壤下都可以茁壯成長,睇得又捱得!沿水塘邊嘅環迴步道走一圈,無論係陽光明媚或者晨霧初起嘅時節,都係絕佳享受☺️。 紅葉之外,農曆新年當然唔少得紅花!郊野公園入面最具春節感嘅植物,非紅花荷莫屬! 🌺紅花荷又名吊鐘王,叫得做王,當然比吊鐘花更大更鮮艷,花期二至四月,嫣紅色嘅花喺枝頭上倒掛,應節又吸睛,就連雀仔都俾佢引咗嚟吸食花蜜。芸芸雀鳥之中,能夠與紅花荷爭奇鬥艷嘅,一定係橙腹葉鵯!鳥如其名,雄鳥腹部係搶眼嘅橙黃色,除咗好省鏡,橙腹葉鵯亦好唱口🎶,識得模仿其他雀仔嘅叫聲,非常有趣!郊遊時見到紅花荷,記得留意下橙腹葉鵯係咪喺附近👀! 想知道更多流水響附近嘅郊遊路線同景點,即刻去郊野樂行網站睇睇啦🙌🏻: 流水響郊遊徑➡️ https://bit.ly/3UjOqCP 鶴藪郊遊徑➡️ https://bit.ly/47TJnfw 山曆可以按以下連結下載:http://bit.ly/3ktCvCY (教材 ➡️ 月曆 ➡️ 2024 山曆➡️ 2月-流水響) #香港郊野公園 #HongKongCountryParks #HKCP #郊遊樂 #2024山曆 #二月 #流水響 #八仙嶺郊野公園 #紅葉 #天空之鏡 #落羽杉 #吊鐘王 #紅花荷 #橙腹葉鵯 #行山有道 #尊重自然 #郊野樂行
【二月山曆 ⛰️.流水響🌅】 山林從不缺五光十色🤩,迎接二月嘅農曆新年,當然用喜慶洋洋嘅紅色打頭陣🧧! 🍁紅葉入小徑,流水響空山。每年春節前後,流水響水塘邊整排落羽杉由綠轉紅,啡紅、橘紅、暗紅⋯⋯令本來已極具詩意嘅流水響更加夢幻。落羽杉係落葉樹種,適應力強,喺濕潤或者排水不良嘅土壤下都可以茁壯成長,睇得又捱得!沿水塘邊嘅環迴步道走一圈,無論係陽光明媚或者晨霧初起嘅時節,都係絕佳享受☺️。 紅葉之外,農曆新年當然唔少得紅花!郊野公園入面最具春節感嘅植物,非紅花荷莫屬! 🌺紅花荷又名吊鐘王,叫得做王,當然比吊鐘花更大更鮮艷,花期二至四月,嫣紅色嘅花喺枝頭上倒掛,應節又吸睛,就連雀仔都俾佢引咗嚟吸食花蜜。芸芸雀鳥之中,能夠與紅花荷爭奇鬥艷嘅,一定係橙腹葉鵯!鳥如其名,雄鳥腹部係搶眼嘅橙黃色,除咗好省鏡,橙腹葉鵯亦好唱口🎶,識得模仿其他雀仔嘅叫聲,非常有趣!郊遊時見到紅花荷,記得留意下橙腹葉鵯係咪喺附近👀! 想知道更多流水響附近嘅郊遊路線同景點,即刻去郊野樂行網站睇睇啦🙌🏻: 流水響郊遊徑➡️ https://bit.ly/3UjOqCP 鶴藪郊遊徑➡️ https://bit.ly/47TJnfw 山曆可以按以下連結下載:http://bit.ly/3ktCvCY (教材 ➡️ 月曆 ➡️ 2024 山曆➡️ 2月-流水響) #香港郊野公園 #HongKongCountryParks #HKCP #郊遊樂 #2024山曆 #二月 #流水響 #八仙嶺郊野公園 #紅葉 #天空之鏡 #落羽杉 #吊鐘王 #紅花荷 #橙腹葉鵯 #行山有道 #尊重自然 #郊野樂行